ಅಬ್ಬಾಬ್ಬ ಎಂತೆಲ್ಲಾ ಫ್ಯಾಷನ್ ಬಂದಿದೆ ನೋಡಿ ಟೀ ಮಗ್‌ನ ಹೇರ್‌ ಸ್ಟೈಲ್ ಸಕತ್ ಟ್ರೆಂಡ್‌ ಆಗಿದೆ

ಕೆಲವೊಂದು ಫ್ಯಾಷನ್‌, ಸ್ಟೈಲ್‌ ನೋಡುವಾಗ ತಲೆ ಸುತ್ತುತ್ತದೆ, ಇಂಥ ಫ್ಯಾಷನ್ ಕೂಡ ಅಚ್ಚರಿಯಾಗುವುದು, ಅಂಥದ್ದೊಂದು ಹೇರ್‌ಸ್ಟೈಲ್ ಈಗ ಸಕತ್‌ ಟ್ರೆಂಡ್‌ ಆಗಿದೆ, ಅದರಲ್ಲಿಯೂ ಅರಬ್ ರಾಷ್ಟ್ರಗಳಲ್ಲಿ ಈ ಫ್ಯಾಷನ್ ತುಂಬಾ ಟ್ರೆಂಡ್‌ ಆಗಿದೆ.

ಚಾಯ್‌ ಕಟ್‌ ಫ್ಯಾಷನ್ ಅಂತೆ

ಈ ಚಾಯ್ ಎಂಬುವುದು ಸಕತ್‌ ವರ್ಕ್ ಆಗುತ್ತಿದೆ ನೋಡಿ, ಈ ಹೇರ್‌ಕಟ್‌ ಹೆಸರು ಕೂಡ ಚಾಯ್‌ ಕಟ್‌ ಹೇರ್‌ ಸ್ಟೈಲ್‌, ಯುವತಿಯರು ಇದೇ ಹೇರ್‌ ಸ್ಟೈಲ್ ಮಾಡಿ ಎಂದು ಬರುತ್ತಿದ್ದಾರಂತೆ. ಈ ಹೇರ್‌ ಸ್ಟೈಲ್ ನೋಡುವಾಗಲೇ ನಗು ಬರುತ್ತದೆ. ಈ ಹೇರ್‌ ಸ್ಟೈಲ್‌ ಮಾಡಿ ನಾವು ಹೋಗುತ್ತಿದ್ದರೆ ಎಲ್ಲರೂ ನಮ್ಮತ್ತ ನೋಡುವುದಂತೂ ಗ್ಯಾರಂಟಿ, ಅಷ್ಟೊಂದು ವಿಚಿತ್ರವಾಗಿದೆ, ಎಲ್ಲರೂ ನಮ್ಮನ್ನು ನೋಡಬೇಕು ಎಂಬ ಉದ್ದೇಶ 100% ವರ್ಕ್ ಆಗುತ್ತದೆ.

ಗಮನ ಸೆಳೆದಿರುವ ಈ ವಿಭಿನ್ನ ಹೇರ್‌ ಸ್ಟೈಲ್

ಇರಾನ್ನ ಹೇರ್ ಡಿಸೈನರ್ ಸಯಿದೇಹ್ ಅರ್ಯೈ ಈ ಹೇರ್‌ ಸ್ಟೈಲ್‌ ಟ್ರೈ ಮಾಡಿದ್ದಾರೆ. ಸಯಿದೇಹ್ ಅರ್ಯೈ ಅವರು ಹೀಗೆ ಹಲವು ರೀತಿಯಲ್ಲಿ ಹೇರ್‌ ಸ್ಟೈಲ್ ಟ್ರೈ ಮಾಡುತ್ತಿರುತ್ತಾರೆ, ವಿಭಿನ್ನ ಹೇರ್‌ ಸ್ಟೈಲ್‌ ಮಾಡಿ ಗಮನ ಸೆಳೆಯುವ ಇವರು ಇದೀಗ ಚಾಯ್ ಪಾಟ್‌ ಹೇರ್‌ ಸ್ಟೈಲ್ ಟ್ರೈ ಮಾಡಿದ್ದಾರೆ. ಅದನ್ನು ನೋಡಿದಾಗ ಟೀಯನ್ನು ಹಾಕಿ ಕೊಡುವ ಕೆಟಲ್ ರೀತಿ ಇದೆ, ಸಕತ್‌ ಕ್ರೇಝಿ ಅಲ್ವಾ? ಈ ಡಿಸೈನ್‌ ಅಂತೂ ತುಂಬಾನೇ ಗಮನ ಸೆಳೆದಿದೆ.

ಈ ಹೇರ್ ಸ್ಟೈಲ್‌ ಮಾಡಿದರೆ ತಲೆಯಲ್ಲಿಯೇ ಟೀ ಇಟ್ಟು ಓಡಾಡಬಹುದು

ಹೌದು ಒಂದು ಕಪ್‌ ಇಟ್ಟು ಕೆಲವು ಸಾಧನಗಳನ್ನು ಇಟ್ಟು ಹೇರ್‌ ಸ್ಟೈಲ್ ಮಾಡಲಾಗಿದೆ. ಅದು ನೋಡಿದರೆ ಥೇಟ್‌ ಕೆಟಲ್ ರೀತಿ ಕಾಣುತ್ತೆ ಅಷ್ಟು ಮಾತ್ರವಲ್ಲ ಅವರು ಆ ಹೇರ್‌ ಸ್ಟೈಲ್ ಡಿಸೈನ್‌ನೊಳಗಡೆ ಟೀ ಇಟ್ಟು ಅದನ್ನು ಬಗ್ಗಿಸಿ ಕಾಫಿಗೆ ಸುರಿದಿದ್ದಾರೆ. ನಮ್ಮಲ್ಲಿ ಸ್ವಲ್ಪ ವಿಚಿತ್ರ ಫ್ಯಾಷನ್‌ ಮಾಡುವುದು ಅಂದರೆ ಉರ್ಫಿ ಜಾವೇದ್‌, ಆದರೆ ಈ ಹೇರ್‌ ಸ್ಟೈಲ್‌ ಫ್ಯಾಷನ್‌ ಗಮನವೂ ಸೆಳೆಯುತ್ತದೆ, ನೋಡಲು ಡೀಸೆಂಟ್‌, ಕ್ರಿಯೇಟಿವ್ ಸೂಪರ್ ಅಲ್ವಾ.

ಹಾರ್ಟ್‌ ಹೇರ್‌ ಸ್ಟೈಲ್‌

ಈ ಹೇರ್ ಸ್ಟೈಲ್‌ ನೋಡಿ ಹಾರ್ಟ್‌ ಡಿಸೈನ್. ಪ್ರೀತಿಯ ಬಾಣ ನಾಟಿರುವ ಹೇರ್‌ ಸ್ಟೈಲ್‌. ಈ ವ್ಯಾಲೆಂಟೈನ್ಸ್ ಡೇಗೆ ಇದು ಬಂದಿದ್ದರೆ ಕಂಡಿತ ಬಹುತೇಕರು ಇದನ್ನು ಮಾಡಿಸುತ್ತಿದ್ದರು, ಈ ಡಿಸೈನ್‌ ನೋಡಿ ನಿಮಗೆ ಏನು ಅನಿಸಿತು?

ಕಾಲಲ್ಲಿ ಇರಬೇಕಾದ ಚಪ್ಪಲಿ

ಹೌದು ಈ ಹೇರ್‌ ಸ್ಟೈಲ್‌ ನೋಡಿ ಈವಮ್ಮಾ ಏನು ಕಾಲಲ್ಲಿ ಚಪ್ಪಲಿ ಹಾಕದೆ ತಲೆಯಲ್ಲಿ ಹೊತ್ತು ಮೆರೆಯುತ್ತಿದೆ ಅಲ್ವಾ ಎಂದನಿಸಬಹುದು, ಇದು ಕೂಡ ಒಂದು ಬಗೆಯ ಹೇರ್‌ ಸ್ಟೈಲ್‌. ಈ ಚಿತ್ರ-ವಿಚಿತ್ರ ಹೇರ್‌ ಸ್ಟೈಲ್‌ ನೋಡಿ ನಿಮಗೆ ಏನು ಅನಿಸಿತು?

ಹೇರ್‌ ಸ್ಟೈಲ್‌ ಮೂಲಕ ಗಮನ ಸೆಳೆಯಬೇಕೆಂದಿದ್ದರೆ ಈ ರೀತಿ ಟ್ರೈ ಮಾಡಿ ನೋಡಿ, ಖಂಡಿತ ಗಮನ ಸೆಳೆಯಬಹುದು, ಈ ಫಂಕ್ಷನ್‌ಗೆ ಎಲ್ಲಾ ಹಾಕಿಕೊಂಡು ಹೋದರೆ ಆ ದಿನದ ಟಾಕ್ ಆಫ್‌ ದಿ ಪರ್ಸನ್‌ ನೀವೇ ಆಗಿರುತ್ತೀರಿ.'. . ಆದರೆ ಈ ತರ ಹೇರ್‌ ಸ್ಟೈಲ್ ಮಾಡಿ ಆತ್ಮವಿಶ್ವಾಸದಿಂದ ನಡೆಯಬೇಕು ಅಷ್ಟೇ....