ಕೇನ್ಸ್ 2023 ಡೇ 1: ರೆಡ್‌ಕಾರ್ಪೆಟ್‌ನಲ್ಲಿ ಭಾರತೀಯ ಸುಂದರಿಯರು ಗಮನ ಸೆಳೆದಿದ್ದು ಹೀಗೆ

ಸಿನಿರಂಗದ ಅತ್ಯಂತ ಪ್ರತಿಷ್ಠಿತ #CannesFilmFestival 2023ಕ್ಕೆ ಭರ್ಜರಿ ಆರಂಭ ಸಿಕ್ಕಿದೆ. ಈ ಸಮಾರಂಭಕ್ಕೆ ಹಾಲಿವುಡ್‌ ಹಾಗೂ ಇತರ ಕಡೆಗಳಿಂದ ಹಲವಾರು ಸೆಲೆಬ್ರಿಟಿಗಳು ಭಾಗವಹಿಸಿ ತಮ್ಮ ಫ್ಯಾಷನ್‌ ಲುಕ್‌ನ ಮೂಲಕ ಫಂಕ್ಷನ್‌ನ ರಂಗೇರಿಸಿದ್ದಾರೆ. ಸೆಲೆಬ್ರಿಟಿಗಳು ಒಬ್ಬರಿಗೊಬ್ಬರಿಗಿಂತ ಒಬ್ಬರು ಆಕರ್ಷಕವಾಗಿ ಡ್ರೆಸ್ಸಿಂಗ್ ಮಾಡಿ ರೆಡ್‌ ಕಾರ್ಪೆಟ್ ವಾಕ್‌ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ. ಅವರಲ್ಲಿ ಮೊದಲ ದಿನ ಭಾರತೀಯ ಸೆಲೆಬ್ರಿಟಿಗಳಾದ ಈಶಾ ಗುಪ್ತಾ, ಮಾನುಷಿ ಚಿಲ್ಲರ್‌ , ಸಾರಾ ಅಲಿಖಾನ್‌ ಲುಕ್‌ ಅಂತೂ ತುಂಬಾನೇ ಗಮನ ಸೆಳೆಯಿತು. ಅವರ ಫ್ಯಾಷನ್ ಝಲಕ್ ಹೀಗಿತ್ತು ನೋಡಿ:

ಥೈ ಸ್ಲಿಟ್‌ ಪ್ರಿಲ್ಡ್‌ ಗೌನ್‌ನಲ್ಲಿ ಮಿಂಚಿದ ಮಾನುಷಿ ಚಿಲ್ಲರ್‌
ಮಾಜಿ ವಿಶ್ವ ಸುಂದರಿ ಮಾನುಷಿ ಚಿಲ್ಲರ್ ರೆಡ್‌ ಕಾರ್ಪೆಟ್ ಲುಕ್‌ ತುಂಬಾನೇ ಆಕರ್ಷಕವಾಗಿತ್ತು. ವೈಟ್‌ ಕಲರ್‌ ಥೈ ಸ್ಲಿಟ್‌ ಗೌನ್‌, ಗ್ರೀನ್‌ ಸ್ಟೋನ್‌ ನೆಕ್ಲೆಸ್‌ ಧರಿಸಿ ಹೆಜ್ಜೆ ಹಾಕಿದ್ದರು ಮಾನುಷಿ ಚಿಲ್ಲರ್

ಈಶಾ ಗುಪ್ತಾ ಥೈ ಸ್ಲಿಟ್‌ ಬೋಲ್ಡ್ ಲುಕ್‌
ಈಶಾ ಗುಪ್ತಾ ಸಕತ್‌ ಬೋಲ್ಡ್‌ ಆಗಿ ಡ್ರೆಸ್ಸಿಂಗ್ ಮಾಡಿಕೊಂಡು ರೆಡ್‌ ಕಾರ್ಪೆಟ್ ಹೆಜ್ಜೆ ಹಾಕುವ ಮೂಲಕ ನೋಡುಗರು ಹುಬ್ಬೇರುವಂಥ ಲುಕ್‌ನಲ್ಲಿ ಮಿಂಚಿದ್ದಾರೆ. ಸಾಮಾನ್ಯವಾಗಿ ಹಾಲಿವುಡ್‌ ಸೆಲೆಬ್ರಿಟಿಗಳು ಈ ಬಗೆಯ ಡ್ರೆಸ್ಸಿಂಗ್‌ನಲ್ಲಿ ಮಿಂಚುತ್ತಿದ್ದರು. ಹೈ ಥೈ ಲಾಂಗ್ ಸ್ಲಿಟ್‌ ಗೌನ್‌ನಲ್ಲಿ ಈಶಾ ಗುಪ್ತಾ ಲುಕ್ ಹೀಗಿತ್ತು ನೋಡಿ.

ಬ್ರೈಡಲ್ ಸ್ಕರ್ಟ್ ಅಂಡ್ ಬ್ಲೌಸ್‌ನಲ್ಲಿ ಮಿಂಚಿದ ಸಾರಾ ಅಲಿಖಾನ್
ಸಾರಾ ಅಲಿಖಾನ್ ಭಾರತೀಯ ಉಡುಗೆಯಲ್ಲಿ ಒಂದಾದ ಸ್ಕರ್ಟ್ ಅಂಡ್‌ ಬ್ಲೌಸ್‌ನಲ್ಲಿ ಮಿಂಚಿದ್ದಾರೆ. ಇವರ ಲುಕ್ ತುಂಬಾನೇ ಆಕರ್ಷಕವಾಗಿತ್ತು ಅವರ ಹೇರ್‌ ಸ್ಟೈಲ್‌ ಅದಕ್ಕೆ ಒಪ್ಪುವಂಥ ಕಿವಿಯೋಲೆ, ಕೈ ಬಳೆ, ಕೇನ್ಸ್‌ ಹಬ್ಬದಲ್ಲಿ ಭಾರತೀಯ ಮೆರುಗಿನಲ್ಲಿ ಮಿಂಚಿದ ಸಾರಾ ಅಲಿಖಾನ್.