ಕ್ವಾರಂಟೈನ್‌ ಸಮಯದಲ್ಲಿ ಚರ್ಮದ ಕಾಳಜಿಗೆ ಬಾಡಿ ಸ್ಕ್ರಬ್ ಟಿಪ್ಸ್‌

ಬಾಡಿ ಸ್ಕ್ರಬ್ ಅನ್ನು ಹೇಗೆ ಬಳಸುವುದು?

ನೀವು ಸ್ನಾನ ಮಾಡುವ ಮೊದಲು ಬಾಡಿ ಸ್ಕ್ರಬ್ಗಳನ್ನು ಬಳಸುವುದು ಉತ್ತಮ. ಸಾಮಾನ್ಯ ಅಥವಾ ಉಗುರು ಬೆಚ್ಚಗಿನ ನೀರನ್ನು ಬಳಸಿ ನಿಮ್ಮ ದೇಹವನ್ನು ಚೆನ್ನಾಗಿ ಒದ್ದೆ ಮಾಡಿ, ಅಗತ್ಯ ಪ್ರಮಾಣದಲ್ಲಿ ಸ್ಕ್ರಬ್ ತೆಗೆದುಕೊಂಡು ಅದನ್ನು ನಿಮ್ಮ ಸಂಪೂರ್ಣ ದೇಹಕ್ಕೆ ಹಚ್ಚಿ. ಈಗ, ವೃತ್ತಾಕಾರವಾಗಿ ಉಜ್ಜಿ, ನಿಮ್ಮ ಚರ್ಮವನ್ನು ತೊಳೆಯುವ ಮೊದಲು 5-10 ನಿಮಿಷಗಳ ಕಾಲ ಚೆನ್ನಾಗಿ ಸ್ಕ್ರಬ್ ಮಾಡಿ.

ಬಾಡಿ ಸ್ಕ್ರಬ್ ನಿಮ್ಮ ಚರ್ಮದ ಮೇಲೆ ಸ್ವಲ್ಪ ಕಠಿಣವಾಗಿರುತ್ತದೆ. ಆದ್ದರಿಂದ, ನೀವು ಸಣ್ಣ ಸಣ್ಣ ಕಣಗಳಿರುವ ಬಾಡಿ ಸ್ಕ್ರಬ್ ಅನ್ನು ಬಳಸುವುದು ಒಳ್ಳೆಯದು ಅಲ್ಲದೇ ಯಾವಾಗಲೂ ಬಾಡಿ ಸ್ಕ್ರಬ್ ಬಳಸಿದ ನಂತರ ಮಾಯಿಶ್ಚರೈಸರ್ ಅಥವಾ ಬಾಡಿ ಲೋಷನ್ ನ್ನು ಹಚ್ಚಿಕೊಳ್ಳಿ. ಇದು ನಿಮ್ಮ ಚರ್ಮವನ್ನು ಶಾಂತಗೊಳಿಸುತ್ತದೆ ಮತ್ತು ಮೃದುಗೊಳಿಸುತ್ತದೆ.

ಬಾಡಿ ಸ್ಕ್ರಬ್ ಅನ್ನು ಎಷ್ಟು ಬಾರಿ ಬಳಸುವುದು?

ಮುಖವನ್ನು ಎಫ್ಫೋಲಿಯೇಟ್ ಮಾಡುವಂತೆಯೇ, ದೇಹವನ್ನು ಅತಿಯಾಗಿ ಎಫ್ಫೋಲಿಯೇಟ್ ಮಾಡುವುದು ಚರ್ಮಕ್ಕೆ ಹಾನಿಕಾರಕವಾಗಿದೆ. ಬಾಡಿ ಸ್ಕ್ರಬ್ ಅನ್ನು ವಾರಕ್ಕೆ ಎರಡು ಬಾರಿ ಬಳಸಿ, 2-3 ದಿನಗಳ ಅಂತರವನ್ನು ಹೊಂದುವುದು ಒಳ್ಳೆಯದು. ಮೊದಲ ಸಲ ಬಳಸುವವರು ಮತ್ತು ಸೂಕ್ಷ್ಮ ಚರ್ಮ ಹೊಂದಿರುವವರಾಗಿದ್ದರೆ, ನೀವು ಬಾಡಿ ಸ್ಕ್ರಬ್ ಅನ್ನು ಬಳಸುವ ಮೊದಲು ದೇಹದ ಒಂದು ಸಣ್ಣ ಭಾಗಕ್ಕೆ ಹಚ್ಚಿ ಪರೀಕ್ಷೆಯನ್ನು ಮಾಡಿ. ನಂತರ ಬಳಸಿ.

ಬಾಡಿ ಸ್ಕ್ರಬ್ ಬಳಕೆಯಿಂದ ಪ್ರಯೋಜನಗಳು

ನಿಮಗೆ ಉತ್ತಮ ವಿಶ್ರಾಂತಿ ನೀಡುವುದರ ಹೊರತಾಗಿ, ಬಾಡಿ ಸ್ಕ್ರಬ್ ಬಳಸುವ ಇನ್ನೂ ಕೆಲವು ಪ್ರಮುಖ ಪ್ರಯೋಜನಗಳು ಇಲ್ಲಿವೆ

ಇದು ಡೆಡ್ ಸ್ಕಿನ್ ( ಹಾನಿಗೊಳಗಾದ ಚರ್ಮದ ಕೋಶ)ಗಳನ್ನು ತೆಗೆದುಹಾಕುತ್ತದೆ.

ಇದು ಶುಷ್ಕ ಮತ್ತು ಚಪ್ಪಟೆಯಾದ ಚರ್ಮವನ್ನು ಶಮನಗೊಳಿಸುತ್ತದೆ.

ಇದು ಚರ್ಮವಸನ್ನು ಮೃದುಗೊಳಿಸುತ್ತದೆ.

ಇದು ಚರ್ಮದ ಹೈಡ್ರೇಶನ್( ಜಲಸಂಚಯನ) ನ್ನು ಸುಧಾರಿಸುತ್ತದೆ.

ಇದು ಚರ್ಮದ ಮೇಲ್ಭಾಗವನ್ನು ಸುಧಾರಿಸುತ್ತದೆ.

ಇದು ಒತ್ತಡವನ್ನು ಕಡಿಮೆ ಮಾಡುತ್ತದೆ.

ಬಾಡಿ ಸ್ಕ್ರಬ್ ಅನ್ನು ಹೇಗೆ ಬಳಸುವುದು ಎಂಬುದರ ಕುರಿತು ಸಾಮಾನ್ಯ ಪ್ರಶ್ನೆಗಳಿಗೆ ಇಲ್ಲಿ ಉತ್ತರಿಸಲಾಗಿದೆ

ಪ್ರ. ಸ್ನಾನದ ಮೊದಲು ಅಥವಾ ನಂತರ ಬಾಡಿ ಸ್ಕ್ರಬ್ ಬಳಸಬೇಕು?

ಉ. ನೀವು ಸ್ನಾನ ಮಾಡುವಾಗ ಬಾಡಿ ಸ್ಕ್ರಬ್ ಬಳಸುವುದು ಉತ್ತಮ ಸಮಯ. ನಿಮ್ಮ ದೇಹವು ಒದ್ದೆಯಾಗಿರುವಾಗ ಮತ್ತು ನಿಮ್ಮ ಚರ್ಮದ ರಂಧ್ರಗಳು ತೆರೆದಿರುವಾಗ, ಕಠಿಣವಾದ ಮತ್ತು ಡೆಡ್ ಸ್ಕಿನ್ ತೊಡೆದುಹಾಕಲು ಇದು ಉತ್ತಮ ಸಮಯ.

ಪ್ರ. ಸ್ಕ್ರಬ್ಬಿಂಗ್ ಚರ್ಮವನ್ನು ಹಗುರಗೊಳಿಸುತ್ತದೆಯೇ?

ಉ. ಚರ್ಮವನ್ನು ನಿಯಮಿತವಾಗಿ ಎಫ್ಫೋಲಿಯೇಟ್ ಮಾಡುವುದರಿಂದ ಅದು ಮೃದುವಾಗುತ್ತದೆ, ನಿಮಗೆ ಇನ್ನಷ್ಟು ಮೈಬಣ್ಣವನ್ನು ನೀಡುತ್ತದೆ ಮತ್ತು ನಿಮ್ಮ ಚರ್ಮಕ್ಕೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ.

ಪ್ರ. ನನ್ನ ಮುಖಕ್ಕೆ ಬಾಡಿ ಸ್ಕ್ರಬ್ ಬಳಸಬಹುದೇ?

ಉ. ಇಲ್ಲ, ನೀವು ಮುಖದ ಮೇಲೆ ಬಾಡಿ ಸ್ಕ್ರಬ್ ಬಳಸಬಾರದು. ನಿಮ್ಮ ಮುಖದ ಚರ್ಮವು ನಿಮ್ಮ ದೇಹದ ಚರ್ಮಕ್ಕಿಂತ ತೆಳ್ಳಗಿರುತ್ತದೆ ಮತ್ತು ಹೆಚ್ಚು ಸೂಕ್ಷ್ಮವಾಗಿರುತ್ತದೆ. ಅಷ್ಟೇ ಅಲ್ಲ, ನಿಮ್ಮ ದೇಹಕ್ಕೆ ಬೇಕಾದ ಸ್ಕ್ರಬ್ ನಿಮ್ಮ ಮುಖಕ್ಕೆ ಬೇಕಾದ ಸ್ಕ್ರಬ್ಗಳಿಗಿಂತ ಹೆಚ್ಚು ಕಠಿಣವಾಗಿರುತ್ತದೆ. ಆದ್ದರಿಂದ, ಮುಖದ ಮೇಲೆ ಬಾಡಿ ಸ್ಕ್ರಬ್ ಬಳಸುವುದರಿಂದ ನಿಮ್ಮ ಚರ್ಮಕ್ಕೆ ಹೆಚ್ಚು ಹಾನಿಯಾಗುತ್ತದೆ.

ಪ್ರ. ಬಾಡಿ ಸ್ಕ್ರಬ್ ನಂತರ ನಾನು ಸೋಪ್ ಬಳಸಬಹುದೇ?

ಉ. ಇಲ್ಲ, ನೀವು ಹೀಗೆ ಮಾಡುವುದು ಚರ್ಮಕ್ಕೆ ಒಳ್ಳೆಯದಲ್ಲ. ನಿಮ್ಮ ಚರ್ಮವು ಸ್ಕ್ರಬ್ ಮಾಡಿದ ನಂತರ ಸೂಕ್ಷ್ಮವಾಗಿರುತ್ತದೆ. ಮತ್ತು ಸೋಪಿನ ಪಿಹೆಚ್ ಚರ್ಮದ ಸಾಮಾನ್ಯ ಪಿಹೆಚ್ ಗಿಂತ ಸಾಕಷ್ಟು ಹೆಚ್ಚಾಗಿರುತ್ತದೆ. ಸ್ಕ್ರಬ್ ಮಾಡಿದ ನಂತರ ಸಾಬೂನು ಬಳಸುವುದರಿಂದ ನಿಮ್ಮ ಚರ್ಮವು ದುರ್ಬಲ ಮತ್ತು ಶುಷ್ಕವಾಗುತ್ತದೆ. ನೀವು ಸ್ಕ್ರಬ್ ಬಳಸುವ ಮೊದಲು ಸಾಬೂನು ಬಳಸಿ ಅಥವಾ ಸಾಬೂನನ್ನು ಬಳಸಬೇಡಿ.

ಪ್ರ. ಸೋಪ್ ಕೂಡ ಬಾಡಿ ಸ್ಕ್ರಬ್ ಆಗಿದೆಯೇ?

ಉ. ಇಲ್ಲ, ನೀವು ಬಳಸುವ ಸೋಪು ಬಾಡಿ ಸ್ಕ್ರಬ್ ಅಲ್ಲ. ದೇಹದ ವಾಸನೆ ಮತ್ತು ಚರ್ಮದಲ್ಲಿ ಬೆಳೆಯುವ ಬ್ಯಾಕ್ಟೀರಿಯಾವನ್ನು ತೊಡೆದುಹಾಕಲು ಸೋಪ್ ಸೂಕ್ತ ಪರಿಹಾರವಾಗಿದೆ, ಆದರೆ ಬಾಡಿ ಸ್ಕ್ರಬ್ ಸತ್ತ ಚರ್ಮದ ಕೋಶಗಳು ಮತ್ತು ಕಲ್ಮಶಗಳನ್ನು ತೆಗೆದುಹಾಕುತ್ತದೆ ಮತ್ತು ನಿಮ್ಮ ಚರ್ಮವನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸುತ್ತದೆ.