ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ಸಿಂಡ್ರೋಮ್: ಬ್ಯೂಟಿ ಪಾರ್ಲರ್‌ನಲ್ಲಿ ಹೇರ್ ಸ್ಪಾ ಮಾಡಿಸಿದರೆ ಸ್ಟ್ರೋಕ್ ಬರುವುದೇ?

ತೆಲಂಗಾಣದ ಮಹಿಳೆ ಬಗ್ಗೆ ಅಲ್ಲಿಯ ವೈದ್ಯರು ಹೇಳಿರುವುದೇನು?

ಹೈದರಾಬಾದ್‌ನ ಅಪೊಲೊ ಆಸ್ಪತ್ರೆಯ ವೈದ್ಯರಾಗಿರುವ ಡಾ. ಸುಧೀರ್ ಕುಮಾರ್ ಟ್ವಿಟರ್‌ನಲ್ಲೂ ಈ ಬಗ್ಗೆ ಬರೆದು ಜನರನ್ನು ಎಚ್ಚರಿಸುವ ಪ್ರಯತ್ನ ಮಾಡಿದ್ದಾರೆ.

ಆ ಮಹಿಳೆ ವೈದ್ಯರ ಬಳಿ ಬರುವಾಗ ತಲೆಸುತ್ತು, ವಾಂತಿ ಈ ಬಗೆಯ ಲಕ್ಷಣಗಳಿದ್ದೆವಯ, ಆಕೆಗೆ ಬ್ಯೂಟಿ ಪಾರ್ಲರ್‌ನಲ್ಲಿ ಶ್ಯಾಂಪೂ ಹಚ್ಚಿ ತಲೆ ತೊಳೆದ ಬಳಿಕ ಆ ರೀತಿಯಾಗಿತ್ತು. ಮೊದಲಿಗೆ ಆಕೆಯನ್ನು

ಗ್ಯಾಸ್ಟ್ರೋಎಂಟರಾಲಜಿಸ್ಟ್ (gastroenterologist) ತೋರಿಸಲಾಯಿತು. ಆದರೆ ಚಿಕಿತ್ಸೆ ಬಳಿಕ ಆಕೆಯಲ್ಲಿ ಯಾವುದೇ ಚೇತರಿಕೆ ಕಂಡ ಬರಲಿಲ್ಲ, ಮಾರನೇಯ ದಿನ ಆ ಮಹಿಳೆಗೆ ನಡೆಯಲು ಕಷ್ಟವಾಯ್ತು, ಆಗ MRI ಮಾಡಿಸಿದಾಗ ಆಕೆಯ ಕುತ್ತಿಗೆಯ ಬಲಭಾಗದಲ್ಲಿ ರಕ್ತನಾಳಗಳಿಗೆ ಪೆಟ್ಟಾಗಿತ್ತು, ಕೂದಲು ತೊಳೆಯುವಾಗ ಸಿಂಕ್‌ಗೆ ಒತ್ತಿ ಕೂತಾಗ ನರಗಳಿಗೆ ಪೆಟ್ಟಾಗಿ ಈ ರೀತಿಯಾಗಿತ್ತು. ಆಗ ವೈದ್ಯರಿಗೆ ಆಕೆಗೆ ಬ್ಯೂಟಿ ಪಾರ್ಲರ್‌ ಸ್ಟ್ರೋಕ್ ಆಗಿರುವುದು ತಿಳಿದು ಬಂತು.

ಬ್ಯೂಟಿ ಪಾರ್ಲರ್‌ ಸ್ಟ್ರೋಕ್ ಎಂದರೇನು?

ಮೊದಲಿಗೆ 1993ರಲ್ಲಿ ಈ ಸಮಸ್ಯೆ ತಿಳಿದು ಬಂತು, ಒಬ್ಬರು ಮಹಿಳೆಯರು ಪಾರ್ಲರ್‌ನಲ್ಲಿ ಹೇರ್‌ ಸ್ಪಾ ತೆಗೆದುಕೊಂಡ ಬಳಿಕ ಅವರಲ್ಲಿ ಸಮಸ್ಯೆ ಕಂಡು ಬಂದಿದ್ದಾಗಿ ದಿ ಜರ್ನಲ್ ಆಫ್‌ ಅಮೆರಿಕನ್‌ ಮೆಡಿಕಲ್ ಅಸೋಷಿಯೇಷನ್( The Journal of American Medical Association) ಹೇಳಿದೆ.

ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ಲಕ್ಷಣಗಳೇನು?

ಹೇರ್ ಸ್ಪಾ ಮಾಡಿಸಿದ ಬಳಿಕ ನಮ್ಮ ಮೆದುಳಿಗೆ ಸರಿಯಾದ ಆಮ್ಲಜನಕ ಪೂರೈಕೆಯಾಗದೇ ಇರುವ ಸ್ಥಿತಿಯಾಗಿದೆ. ಸಿಂಕ್‌ನಲ್ಲಿ ತಲೆಯನ್ನು ಒತ್ತಿ ಹಿಡಿದು ಕೂದಲನ್ನು ತೊಳೆದಾಗ ಕುತ್ತಿಗೆಯ ಭಾಗದ ನರಗಳಿಗೆ ಪೆಟ್ಟಾಗಿ ಈ ರೀತಿ ಸಂಭವಿಸಬಹುದು.

ಪಾರ್ಲರ್‌ನಲ್ಲಿ ಹೇರ್‌ ಸ್ಪಾ ಸುರಕ್ಷಿತವೇ?

* ನೀವು ಪಾರ್ಲರ್‌ಗೆ ಹೋಗಿ ಹೇರ್‌ ಸ್ಪಾ ಮಾಡುವುದಕ್ಕೆ ಹೆದರಬೇಕಾಗಿಲ್ಲ.

* ಆದರೆ ಗಂಟೆಗಟ್ಟಲೆ ಕುತ್ತಿಗೆಯನ್ನು ಸಿಂಕ್‌ಗೆ ತಾಗಿಕೊಂಡು ಕೂರುವುದು ಸರಿಯಲ್ಲ. ಸಿಂಕ್‌ ದಪ್ಪದ ಟವಲ್ ಹಾಕಿ ನಂತರ ಕುತ್ತಿಗೆಯನ್ನು ವಾಲಬಹುದು.

* ಹೇರ್ ಸ್ಪಾ 30-35 ನಿಮಿಷ ಮಾಡಲಾಗುವುದು, ಕೆಲವು ಕಡೆ ಒಂದು ಗಂಟೆ ಕೂಡ ಮಾಡುತ್ತಾರೆ.

*ಸಾಮಾನ್ಯವಾಗಿ ಹೇರ್ ಅರ್ಧ ಗಂಟೆಯೊಳಗೆ ಮುಗಿಸಿ, ಅಲ್ಲದೆ ಕುತ್ತಿಗೆಯ ಭಾಗಕ್ಕೆ ಯಾವುದೇ ಒತ್ತಡ, ನೋವು ಉಂಟಾಗದಂತೆ ಎಚ್ಚರವಹಿಸಬೇಕು.

* ಹೇರ್‌ ಸ್ಪಾ ಮಾಡಿ ಸಿಂಕ್‌ನಿಂದ ತಲೆ ಎತ್ತುವಾಗ ಕೂಡ ಬ್ಯೂಟಿ ಎಕ್ಸ್‌ಪರ್ಟ್‌ ಸಪೋರ್ಟ್ ಕೊಟ್ಟು ಎತ್ತಬೇಕು.

ಯಾರ ಕೈಯಿಂದ ಹೇರ್ ಸ್ಪಾ ಮಾಡಿಸಬೇಕು?

* ಯಾವಾಗಲೂ ಪರಿಣಿತರ ಬಳಿ ಮಾಡಿಸಿ

* ಕೆಲಸ ಕಲಿಯುತ್ತಿರುವವರ ಬಳಿ ಮಾಡಿಸಬೇಡಿ.

* ಹೇರ್ ಸ್ಪಾ ಮಾಡುವಾಗ ಉಗುರು ಬೆಚ್ಚಗಿನ ನೀರಿನಿಂದಷ್ಟೇ ತಲೆತೊಳೆಯಬೇಕು.

* ತಲೆಗೆ ತುಂಬಾ ಮಸಾಜ್ ಮಾಡುವುದು, ಕುತ್ತಿಗೆಯನ್ನು ಅತ್ತಿತ್ತ ತಿರುಗಿಸಿ ಮಸಾಜ್ ಮಾಡುವುದು ಇವೆಲ್ಲಾ ತಡೆಗಟ್ಟಬೇಕು.

ಯಾರಿಗೆ ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ಅಪಾಯ ಅಧಿಕ?

* ಮಧುಮೇಹ, ಹೈಪರ್‌ಟೆನ್ಷನ್ (ಅಧಿಕ ರಕ್ತದೊತ್ತಡ), peripheral vascular disease, ಈ ಮೊದಲು ಸ್ಟ್ರೋಕ್ ಆಗಿದ್ದರೆ, ಹೃದಯ ಅಥವಾ ಮೆದುಳಿಗೆ ಸಂಬಂಧಿಸಿದ ಸಮಸ್ಯೆ ಇರುವವರು ತುಂಬಾನೇ ಎಚ್ಚರಿಕೆವಹಿಸಬೇಕು.

* ಇನ್ನು ತುಂಬಾ ಸ್ಮೋಕ್ ಮಾಡುವವರಿಗೂ ಈ ಅಪಾಯ ಹೆಚ್ಚು.

ಆದ್ದರಿಂದ ಇನ್ಮುಂದೆ ಹೇರ್ ಸ್ಪಾ ಮಾಡಿಸಲು ಪಾರ್ಲರ್‌ಗೆ ಹೋದಾಗ ನಿಮ್ಮ ಕುತ್ತಿಗೆಗೆ ಪೆಟ್ಟಾಗದಂಥ ವ್ಯವಸ್ಥೆ ಇದೆಯೇ ನೋಡಿ, ಅಲ್ಲದೆ ತುಂಬಾ ಒತ್ತಿ ಮಸಾಜ್ ಮಾಡಲು ಬಿಡಬೇಡಿ.