ಚಳಿಗಾಲದಲ್ಲಿ ಪಾದಗಳ ಆರೈಕೆಗೆ, ಒಂದಿಷ್ಟು ಸರಳ ಸೂತ್ರ

ಬಿಸಿ ಎಣ್ಣೆಯ ಮಸಾಜ್

ಎಳ್ಳು ಅಥವಾ ಸಾಸಿವೆ ಎಣ್ಣೆಯನ್ನು ಸ್ವಲ್ಪ ತೆಗೆದುಕೊಂಡು ಬಿಸಿ ಮಾಡಿ. ಇದನ್ನು ಪಾದಗಳಿಗೆ ಹಚ್ಚಿಕೊಂಡು ಸುಮಾರು 5-10 ನಿಮಿಷ ಕಾಲ ಮಸಾಜ್ ಮಾಡಿ ಮತ್ತು ಹತ್ತಿಯ ಸಾಕ್ಸ್ ಬಳಸಿ. ಮಲಗುವ ಮೊದಲು ಈ ಕ್ರಮ ಬಳಸಿದರೆ ಒಳ್ಳೆಯದು. ವಾರಕ್ಕೊಮ್ಮೆ ತಲೆ ಮಸಾಜ್-ಇದರ ಅನುಭವವೇ ಬೇರೆ!

ಬಿಸಿ ಹಾಗೂ ತಣ್ಣೀರಿನ ಜಲಚಿಕಿತ್ಸೆ

ಒಂದು ಬಕೆಟ್ ಬಿಸಿ ನೀರು ಹಾಗೂ ಇನ್ನೊಂದು ಬಕೆಟ್ ತಣ್ಣಗಿನ ನೀರನ್ನು ತೆಗೆದುಕೊಳ್ಳಿ.ಅನುಕ್ರಮವಾಗಿ ಕಾಲುಗಳನ್ನು ಸುಮಾರು 10-15 ನಿಮಿಷ ಕಾಲ ನೀರಿನಲ್ಲಿ ಮುಳುಗಿಸಿ. ಒಣಸಾಕ್ಸ್ ಅನ್ನು ಹಾಕಿಕೊಳ್ಳಿ. ದಿನದಲ್ಲಿ ಒಂದು ಸಲ ಹೀಗೆ ಮಾಡಿ. ಇದರಿಂದ ರಕ್ತ ಪರಿಚಲನೆ ಸರಿಯಾಗಿ ಕಾಲುಗಳು ಬಿಸಿಯಾಗಿರುತ್ತದೆ.

ಶುಂಠಿ

ರಕ್ತ ಪರಿಚಲನೆಯನ್ನು ಹೆಚ್ಚಿಸುವ ನೈಸರ್ಗಿಕ ಪದಾರ್ಥ ಶುಂಠಿ. ಇದು ಪಾದ ಹಾಗೂ ದೇಹವನ್ನು ಬಿಸಿಯಾಗಿಸುತ್ತದೆ. ಎರಡರಿಂದ ಮೂರು ತುಂಡು ಶುಂಠಿಯನ್ನು ತೆಗೆದುಕೊಂಡು ಇದನ್ನು ನೀರಿಗೆ ಹಾಕಿ ಬಿಸಿ ಮಾಡಿ ಮತ್ತು ಗಾಳಿಸಿಕೊಂಡ ಬಳಿಕ ನೀರನ್ನು ಕುಡಿಯಿರಿ.

ಹಸಿರು ಚಹಾ(ಗ್ರೀನ್ ಟೀ)

ಹಸಿರು ಚಹಾ ದೇಹದಲ್ಲಿ ರಕ್ತ ಪರಿಚಲನೆಯನ್ನು ಉತ್ತಮಪಡಿಸುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಇದು ಕಾಲುಗಳು ಹಾಗೂ ದೇಹವನ್ನು ಬಿಸಿಯಾಗಿಡುತ್ತದೆ. ದಿನದಲ್ಲಿ 2-3 ಕಪ್ ಹಸಿರು ಚಹಾ ಕುಡಿಯಿರಿ. ಚಳಿಗಾಲದಲ್ಲಿ ಇದು ತುಂಬಾ ಪರಿಣಾಮಕಾರಿ.

ಗೌರವರ್ಣದ ತ್ವಚೆಗಾಗಿ ಗ್ರೀನ್ ಟೀ- ಜೇನಿನ ಫೇಸ್‌ಪ್ಯಾಕ್

ಉಪ್ಪು

ಒಂದು ಬಕೆಟ್ ಬಿಸಿ ನೀರಿಗೆ ಎರಡರಿಂದ ಮೂರು ಚಮಚ ಉಪ್ಪು ಹಾಕಿಕೊಳ್ಳಿ. ಹತ್ತು ನಿಮಿಷಗಳ ಕಾಲ ಉಪ್ಪು ನೀರಿನಲ್ಲಿ ಕಾಲುಗಳನ್ನು ಮುಳುಗಿಸಿಡಿ. ಉಪ್ಪಿನಲ್ಲಿರುವ ಮೆಗ್ನಿಶಿಯಂ ರಕ್ತ ಪರಿಚಲನೆಯನ್ನು ಉತ್ತಮಪಡಿಸಿ ಕಾಲು ತಣ್ಣಗೆ ಆಗುವುದನ್ನು ತಡೆಯುವುದು.

ವ್ಯಾಯಾಮ

ಕಾಲುಗಳ ವ್ಯಾಯಾಮ ಮಾಡಿ. ಮೊದಲಿಗೆ ಮುಂಗಾಲು ಹಾಗೂ ಬಳಿಕ ಹಿಂಗಾಲಿನಲ್ಲಿ ನಡೆಯಿರಿ.

ಇದನ್ನು ಪುನರಾವರ್ತಿಸಿ. ಇದರಿಂದ ರಕ್ತದ ಪರಿಚಲನೆಯು ಉತ್ತಮವಾಗಿ ಸಮಸ್ಯೆ

ನಿವಾರಣೆಯಾಗುತ್ತದೆ.

ಬಸಲೆ

ನಾರಿನಾಂಶ ಹಾಗೂ ಮೆಗ್ನಿಶಿಯಂನಿಂದ ಸಮೃದ್ಧವಾಗಿರುವ ಬಸಲೆಯು ರಕ್ತ ಪರಿಚಲನೆಯನ್ನು

ಉತ್ತಮಪಡಿಸುವುದು ಮತ್ತು ಕೈಕಾಲುಗಳನ್ನು ಬಿಸಿಯಾಗಿರುವಂತೆ ಮಾಡುವುದು. ಚಳಿಗಾಲದಲ್ಲಿ

ಹೆಚ್ಚಾಗಿ ಬಸಲೆ ಬಳಸಿ.

ಅಪ್ರಿಕಾಟ್

ಅಪ್ರಿಕಾಟ್‌ನಲ್ಲಿ ಕಬ್ಬಿನಾಂಶವಿದೆ. ಒಣಗಿರುವ ಅಪ್ರಿಕಾಟ್ ಅನ್ನು ಚಳಿಗಾಲದಲ್ಲಿ ಬಳಸುವುದರಿಂದ ಕೈ ಹಾಗೂ ಕಾಲುಗಳು ಉಷ್ಣತೆಯನ್ನು ಕಾಪಾಡಿಕೊಳ್ಳುವುದು.

ಖರ್ಜೂರ

ದೇಹದಲ್ಲಿ ಕಬ್ಬಿನಾಂಶದ ಕೊರತೆಯು ಕೇವಲ ರಕ್ತಹೀನತೆ ಮಾತ್ರ ಉಂಟು ಮಾಡುವುದಿಲ್ಲ.ಇದರಿಂದ ಕಾಲುಗಳು ಹಾಗೂ ಕೈಗಳು ತಣ್ಣಗೆ ಆಗಬಹುದು. ಒಣಖರ್ಜೂರವನ್ನು ಚಳಿಗಾಲದಲ್ಲಿ ಸೇವಿಸುವುದರಿಂದ ದೇಹವು ಬಿಸಿಯಾಗಿರುವುದು. ಬ್ಯೂಟಿ ಟಿಪ್ಸ್: 'ಖರ್ಜೂರ' ಹಣ್ಣಿನ ಫೇಸ್ ಪ್ಯಾಕ್

ಇಡಿ ಧಾನ್ಯಗಳು

ನಾರಿನಾಂಶ ಹಾಗೂ ಮೆಗ್ನಿಶಿಯಂನಿಂದ ಸಮೃದ್ಧವಾಗಿರುವ ಇಡೀ ಧಾನ್ಯಗಳ ಸೇವನೆಯಿಂದ ರಕ್ತ

ಪರಿಚಲನೆಯು ಉತ್ತಮವಾಗಿ ದೇಹವು ಬಿಸಿಯಾಗಿರುತ್ತದೆ.