ಪಾದದ ಬಿರುಕು ಪರದಾಟ ಬೇಡ, ಇಲ್ಲಿದೆ ಸೂಕ್ತ ಪರಿಹಾರ

ಕ್ಯೂಟಿಮ್ಯಾಕ್ಸ್ ಕ್ರೀಮ್

ಹೆಚ್ಚು ವೈದ್ಯರು ಸಲಹೆ ನೀಡುವ ಔಷಧಿ ಎಂದರೆ Cutimax ಕ್ರೀಂ. ಇದು ಘನ ಪ್ಯಾರಾಫೀನ್ ಅಥವಾ ದ್ರವ ಪ್ಯಾರಾಫೀನ್ ಬಳಸಿ ತಯಾರಾಗಿರುತ್ತದೆ. ಇದು ಚರ್ಮಕ್ಕೆ ಅಗತ್ಯ ಆರ್ದ್ರತೆಯನ್ನು ನೀಡಿ ಬಿರುಕುಗಳು ಮುಚ್ಚುವಂತೆ ಮಾಡುತ್ತದೆ. ಪ್ರತಿರಾತ್ರಿ ಮಲಗುವ ಮುನ್ನ ಈ ಕ್ರೀಂ ಹಚ್ಚುವ ಮೂಲಕ ಕೆಲವೇ ದಿನಗಳಲ್ಲಿ ಬಿರುಕುಗಳು ತುಂಬಿಕೊಳ್ಳುವುದನ್ನು ನೋಡಬಹುದು.

ಎಮೋಲಿಜ಼್

Emoliz-ಈ ಕ್ರೀಮ್‌ನಲ್ಲಿ ಆಲಿವ್ ಎಣ್ಣೆ, ಗ್ಲೈಕೋಲಿಕ್ ಆಮ್ಲ ಮತ್ತು ವಿಟಮಿನ್ ಇ ಇದೆ. ದಪ್ಪ ಚರ್ಮವನ್ನು ಮೃದುಗೊಳಿಸಲು ಆಲಿವ್ ಎಣ್ಣೆ ಬಳಕೆಯಾದರೆ ವಿಟಮಿನ್ ಇ ಬಿರುಕಿನ ಜೀವಕೋಶಗಳನ್ನು ಮರು ಉತ್ಪತ್ತಿ ಮಾಡಿ ಬಿರುಕು ತುಂಬಿಸಲು ನೆರವಾಗುತ್ತದೆ. ಗ್ಲೈಕೋಲಿಕ್ ಆಮ್ಲ ಸತ್ತ ಜೀವಕೋಶಗಳನ್ನು ಸಡಿಲಗೊಳಿಸಿ ನಿವಾರಿಸಲು ನೆರವಾಗುತ್ತದೆ. ನಿತ್ಯವೂ ರಾತ್ರಿ ಮಲಗುವ ಮುನ್ನ ಹಚ್ಚಿಕೊಂಡು ಮಲಗಿದರೆ ಒಂದೇ ವಾರದಲ್ಲಿ ಬಿರುಕುಗಳು ತುಂಬಿಕೊಳ್ಳಲು ಪ್ರಾರಂಭವಾಗಿರುವುದನ್ನು ಕಾಣಬಹುದು. ಸ್ನಾನದ ಬಳಿಕವೂ ಹಚ್ಚಿಕೊಂಡರೆ ಉತ್ತಮ ಪರಿಣಾಮ ದೊರಕುತ್ತದೆ.

ಸಾದಾ ಪೆಟ್ರೋಲಿಯಂ ಜೆಲ್ಲಿ

ಸರ್ವೇ ಸಾಮಾನ್ಯವಾಗಿ ದೊರಕುವ ಪೆಟ್ರೋಲಿಯಂ ಜೆಲ್ಲಿ ಅಥವಾ ವ್ಯಾಸೆಲಿನ್ ಸಹಾ ಹಿಮ್ಮಡಿ ಬಿರುಕುಗಳನ್ನು ತುಂಬಿಸಲು ಸಮರ್ಥವಾಗಿವೆ. ಪ್ರತಿ ರಾತ್ರಿ ಮಲಗುವ ಮುನ್ನ ಬಿರುಕುಕೊಂಡ ಹಿಮ್ಮಡಿಯನ್ನು ಪೂರ್ಣವಾಗಿ ಆವರಿಸುವಂತೆ, ಕೊಂಚ ಹೆಚ್ಚಾಗಿಯೇ ಸವರಿ ಮೇಲೆ ದಪ್ಪನೆಯ ಸಾಕ್ಸ್ ಧರಿಸಿ ಮಲಗಿ. ಮರುದಿನ ಬೆಳಿಗ್ಗೆ ತಣ್ಣನೆಯ ನೀರಿನಿಂದ ಕಾಲುಗಳನ್ನು ತೊಳೆದುಕೊಂಡು ಕಲ್ಲಿನ ಅಥವಾ ಒರಟಾದ ನೆಲದ ಮೇಲೆ ಉಜ್ಜಿಕೊಂಡು ಸಡಿಲವಾದ ಚರ್ಮದ ಹೊರಭಾಗವನ್ನು ನಿವಾರಿಸಿ.

ಬೋರೋಲಿನ್

Boroline ನಲ್ಲಿ zinc oxide ಇದ್ದು ಗಾಯಗಳನ್ನು ಮಾಗಿಸಲು ಸಮರ್ಥವಾಗಿದೆ. ಇದರಲ್ಲಿರುವ ಇನ್ನೊಂದು ಅಂಶವಾದ ಬೋರಿಕ್ ಆಮ್ಲ (boric acid) ಒಂದು ಬ್ಯಾಕ್ಟೀರಿಯಾ ನಿವಾರಕದಂತೆ ಕೆಲಸ ಮಾಡುತ್ತದೆ. ಇದರಲ್ಲಿರುವ ಜೇನುಮೇಣ ಚರ್ಮದ ಆರ್ದ್ರತೆ ನಾಶವಾಗದಂತೆ ತಡೆಯುತ್ತದೆ.

ಶಿಯಾ ಮತ್ತು ಕೋಕೋ ಬಟರ್

Shea butter and cocoa butter ಬಳಸಿದ ಕ್ರೀಂ ಸಹಾ ಹಿಮ್ಮಡಿ ಬಿರುಕಿಗೆ ಉತ್ತಮ ಪರಿಣಾಮ ನೀಡುತ್ತದೆ. ಈ ಪ್ರಸಾದನಗಳು ಚರ್ಮದಲ್ಲಿ ಸುಲಭವಾಗಿ ಹೀರಲ್ಪಟ್ಟು ತುಂಬಿಕೊಳ್ಳಲು ನೆರವಾಗುತ್ತವೆ ಹಾಗೂ ಚರ್ಮದ ಕಾಂತಿ ಹೆಚ್ಚಲು ನೆರವಾಗುತ್ತವೆ. ಹಿಮ್ಮಡಿ ತುಂಬಿಕೊಳ್ಳಲು ಕೇವಲ ಕ್ರೀಮುಗಳನ್ನು ಹಚ್ಚಿಕೊಂಡರೆ ಮಾತ್ರ ಸಾಕಾಗುವುದಿಲ್ಲ. ಸಾಕಷ್ಟು ಪ್ರಮಾಣದಲ್ಲಿ ನೀರನ್ನೂ ಕುಡಿಯಬೇಕು. ಇದರಿಂದ ಅಗತ್ಯ ಪ್ರಮಾಣದ ತೇವ ಮತ್ತು ಆರ್ದ್ರತೆ ದೊರೆತು ಹಿಮ್ಮಡಿ ಶೀಘ್ರವೇ ಮೊದಲಿನಂತಾಗುತ್ತದೆ.