ದಪ್ಪನೆಯ ಹುಬ್ಬು ನಿಮ್ಮದಾಗಬೇಕಾ..? ಹೀಗೆ ಮಾಡಿ ನೋಡಿ

Body Care

oi-Staff

By su.ra

Updated: Wednesday, February 24, 2016, 15:17 [IST]

ಐಬ್ರೋ ಶೇಪ್ ಚೆನ್ನಾಗಿದ್ರೆ ಮುಖವೂ ಅಂದವಾಗಿ, ಚೆಂದವಾಗಿ ಕಾಣುತ್ತೆ. ಆದ್ರೆ ಕೆಲವರಿಗೆ ಹುಟ್ಟಿದಾಗಿನಿಂದ ತೆಳ್ಳನೆಯ ಐಬ್ರೋ, ಅದಕ್ಕೆ ಸರಿಯಾಗಿ ಶೇಪ್ ನೀಡೋಣ ಅಂದ್ರೆ ಪಾರ್ಲರ್ ನವರಿಗೂ ಕಷ್ಟ. ದಪ್ಪನೆಯ ಹುಬ್ಬು ಪ್ರತಿ ಮಹಿಳೆಗೂ ಅಂದ ಹೆಚ್ಚಿಸುತ್ತೆ. ಅದಕ್ಕೊಂದು ಬ್ಯೂಟಿಫುಲ್ ಶೇಪ್ ಇದ್ರೆ ವಾರೆವ್ಹಾ ಇವಳನ್ನು ನೋಡ್ತಲೇ ಇರಬೇಕು ಅಂತ ಅನ್ನಿಸುತ್ತೆ. ಅದೆಷ್ಟೋ ಜನರಿಗೆ ಹಾಗೆ ಐಬ್ರೋ ಇರುತ್ತೆ. ಆದ್ರೆ ಕೆಲವರಿಗೆ ದಪ್ಪನೆಯ ಐಬ್ರೋ ಇರೋದಿಲ್ಲ. ಅಂತವರಿಗಾಗಿ ಈ ಲೇಖನ ಹೇಳಿ ಮಾಡಿಸುತ್ತೆ.

ನಿಮ್ಮ ಐ ಬ್ರೋ ಶೇಪ್ ಚೆನ್ನಾಗಿರಬೇಕು. ನಿಮ್ಮ ಲುಕ್ಕಿಗೆ ಕಣ್ಣು ಎಷ್ಟು ಮುಖ್ಯವೋ ಕಣ್ಣಿನ ಹುಬ್ಬುಗಳೂ ಕೂಡ ಅಷ್ಟೇ ಮುಖ್ಯ. ಅದಕ್ಕಾಗಿ ಈಗಿನ ಟ್ರೆಂಡಿ ಮಹಿಳೆಯರು ಐ ಬ್ರೋ ಶೇಪ್ ಮಾಡಿಸಿಕೊಳ್ತಾರೆ. ಐ ಶೇಪ್‌ ಸರಿ ಇಲ್ಲ ಅಂದ್ರೆ ಶೇಪ್ ಮಾಡಿಸಿಕೊಳ್ಳಬಹುದು. ಆದ್ರೆ ಸರಿಯಾದ ಶೇಪ್ ನೀಡಲು ಹುಬ್ಬು ಮಂದವಾಗಿರಬೇಕು.. ಹುಬ್ಬಿನಲ್ಲಿ ಕೂದಲೇ ಹೆಚ್ಚಿಲ್ಲ ಅಂದ್ರೆ ಕಷ್ಟ ಅಲ್ವಾ? ಹೌದು. ಕಣ್ಣಿನ ಹುಬ್ಬು ಮಂದವಾಗಿ ಅಥ್ವಾ ಥಿಕ್ ಆಗಿ ಇಲ್ಲ ಅಂದ್ರೆ ಅದನ್ನು ನೈಸರ್ಗಿಕ ವಿಧಾನದಿಂದ ಮಂದವಾಗಿಸಬಹುದು. ಹೇಗೆ ಅನ್ನೋ ಸರಳ ವಿಧಾನ ಇಲ್ಲಿದೆ ಮುಂದೆ ಓದಿ..

ಹರಳೆಣ್ಣೆ
ಹರಳೆಣ್ಣೆಯಿಂದ ಹುಬ್ಬಿಗೆ 2-3 ನಿಮಿಷ ಮಸಾಜ್ ಮಾಡಿ ಅರ್ಧ ಗಂಟೆಯ ಬಳಿಕ ಹದ ಬಿಸಿ ನೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ಪ್ರತಿದಿನ ಮಾಡಬೇಕು.

ತೆಂಗಿನೆಣ್ಣೆ ಮತ್ತು ನಿಂಬೆಹಣ್ಣಿನ ಸಿಪ್ಪೆ
ನಿಂಬೆ ಸಿಪ್ಪೆಯನ್ನು ಪೇಸ್ಟ್ ಮಾಡಿ ಅದನ್ನು ತೆಂಗಿನೆಣ್ಣೆಯಲ್ಲಿ ಮಿಶ್ರಣ ಮಾಡಿ ಕತ್ತಲಿರುವ ಪ್ರದೇಶದಲ್ಲಿ ಇಡಬೇಕು. ನಂತರ ಆ ಮಿಶ್ರಣವನ್ನು ಪ್ರತಿದಿನ ಹುಬ್ಬಿಗೆ ಹಚ್ಚಬೇಕು. ಈ ರೀತಿ ಮಾಡಿದರೆ ಹುಬ್ಬು ಮಂದವಾಗಿ ಬೆಳೆಯುವುದು.

ಲೋಳೆಸರ

ಲೋಳೆಸರವನ್ನು ಹುಬ್ಬಿಗೆ ಹಚ್ಚಿ ಅದು ಒಣಗಿದ ನಂತರ ಮುಖ ತೊಳೆಯಬೇಕು. ಈ ರೀತಿ ಪ್ರತಿದಿನ ಮಾಡುತ್ತಾ ಬಂದರೆ ಹುಬ್ಬು ಆಕರ್ಷಕವಾಗಿ ಬೆಳೆಯುವುದು.

ಈರುಳ್ಳಿ

ಈರುಳ್ಳಿಯನ್ನು ಗ್ರೈಂಡ್ ಮಾಡಿ ಅದರ ರಸವನ್ನು ಹುಬ್ಬಿಗೆ ಹಚ್ಚಿದರೆ ಹುಬ್ಬಿಗೆ ತುಂಬಾ ಒಳ್ಳೆಯದು. ಇದನ್ನು ಕೂದಲಿಗೂ ಹಚ್ಚಿದರೆ ಕೂದಲು ಕೂಡ ಆಕರ್ಷಕವಾಗಿ ಬೆಳೆಯುತ್ತದೆ.

ಮೆಂತೆ ಬೀಜ

ಮೆಂತೆ ಬೀಜವನ್ನು ಪೇಸ್ಟ್ ಮಾಡಿ ಅದನ್ನು ಹುಬ್ಬಿಗೆ ಹಚ್ಚಿದರೂ ಹುಬ್ಬು ದಪ್ಪವಾಗಿ ಬೆಳೆಯುತ್ತದೆ. ಇದು ಕೂದಲಿನ ಬೆಳವಣಿಗೆಗೂ ಒಳ್ಳೆಯದು.

ಹಾಲು

ಸ್ವಲ್ಪ ಹಾಲಿನಲ್ಲಿ ಹತ್ತಿಯನ್ನು ಅದ್ದಿ ಹುಬ್ಬನ್ನು ಉಜ್ಜಬೇಕು. ಹೀಗೆ ಕೆಲವು ದಿನ ಮಾಡಿದ್ರೆ ನಿಮ್ಮ ಐ ಬ್ರೋ ಮಂದವಾಗಲಿದೆ. ಒಟ್ಟಿನಲ್ಲಿ ನಿಮ್ಗೆ ಪ್ರಾಪರ್ ಆಗಿರೋ ಥಿಕ್ ಐ ಬ್ರೋ ಬೇಕು ಅಂದ್ರೆ ನೀವು ಈ ನೈಸರ್ಗಿಕ ವಿಧಾನಗಳನ್ನು ಟ್ರೈ ಮಾಡಿ ನೋಡಿ ರಿಸಲ್ಟ್ ಸಿಗೋದು ಕೆಲವು ತಿಂಗಳೇ ಆಗ್ಬಹುದು ಅನ್ನೋದು ನೆನಪಿರಲಿ..