ಎಷ್ಟೇ ಪರ್ಫ್ಯೂಮ್ ಹಾಕಿದರೂ ಬೆವರಿನ ದುರ್ಗಂಧ ನಿಲ್ಲುವುದಿಲ್ಲವೇ?

ಕಿವಿಗಳ ಹಿಂಭಾಗ

ಹೊರಕಿವಿಯ ಹಿಂಭಾಗದ ಕೂದಲಿಲ್ಲದ ಸ್ಥಳ ಈ ಪ್ರಸಾಧನವನ್ನು ಹಚ್ಚಿಕೊಳ್ಳಲು ಉತ್ತಮವಾಗಿದೆ. ಏಕೆಂದರೆ ಈ ಮೂಳೆಯ ಕೆಳಗೆ ಕಿವಿಯ ಹಿಂಭಾಗವಿರುವುದರಿಂದ ಇದು ಕೊಂಚವೇ ಬಿಸಿಯಾಗುತ್ತದೆ. ಈ ಬಿಸಿ ಡಿಯೋಡರೆಂಟ್ ಸ್ಟಿಕ್ ಮೂಲಕ ಹಚ್ಚಿದ ಪ್ರಸಾಧನವನ್ನು ನಿಧಾನವಾಗಿ ಆವಿಯಾಗಲು ನೆರವು ನೀಡುತ್ತದೆ. ಆದರೆ ಇದರ ಪ್ರಮಾಣ ಅಲ್ಪವಾಗಿದ್ದು ಪೂರ್ಣವಾಗಿ ಆವಿಯಾಗಲು ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತದೆ. ಪರಿಣಾಮವಾಗಿ ಮೈ ದುರ್ಗಂಧ ಹೆಚ್ಚಿನ ಹೊತ್ತು ಹೊರಬರದಂತೆ ನೋಡಿಕೊಳ್ಳುತ್ತದೆ.

ತಲೆಗೂದಲು

ಕೆಲವು ಪ್ರಸಾಧನಗಳ ತಯಾರಕರು ತಮ್ಮ ಉತ್ಪನ್ನ ಬಹುಕಾಲ ಸುವಾಸನೆ ಸೂಸುತ್ತಿರುತ್ತದೆ ಎಂದು ಪ್ರಚಾರ ಮಾಡುತ್ತಾರೆ. ಆದರೆ ಬಹುಕಾಲ ಎಂದರೆ ಎರಡು ಗಂಟೆಗೆ ಬದಲಾಗಿ ಎರಡೂಕಾಲು ಅಥವಾ ಎರಡೂವರೆ ಗಂಟೆ ಬರಬಹುದೇ ವಿನಃ ಇಡಿಯ ದಿನವಲ್ಲ. ಆದರೆ ಈ ಅವಧಿಯನ್ನು ಹೆಚ್ಚಿಸಲು ಸ್ನಾನ ಮಾಡಿ ಕೂದಲು ಒಣಗಿಸಿಕೊಂಡ ಬಳಿಕ ಕೊಂಚ ಡಿಯೋಡರೆಂಟ್ ಸ್ಪ್ರೇ ತಲೆಗೂದಲಿಗೆ ಉಪಯೋಗಿಸಿ ಬಾಚಿಕೊಂಡರೆ ಹೆಚ್ಚಿನ ಹೊತ್ತು ಸುವಾಸನೆ ಹೊಮ್ಮುತ್ತಿರುತ್ತದೆ.

ಮೊಣಕೈಯ ಹಿಂಭಾಗ

ಕೆಲವು ಪ್ರಸಾಧನಗಳು ಆರ್ದ್ರತೆ ಹೆಚ್ಚಿಸುವ ದ್ರವ (moisturiser) ದಿಂದ ಕೂಡಿದ್ದು ಈ ಪ್ರಸಾಧನವನ್ನು ಮೊಣಕೈಯಿಂದ ಕಂಕುಳವರೆಗಿನ ತೋಳಿನ ಹಿಂಭಾಗ (ಅಂದರೆ ಕೈ ಕೆಳಗಿದ್ದಾಗ ಎದೆಯ ಬದಿಯನ್ನು ತಾಕುವ ತೋಳಿನ ಭಾಗ) ಕ್ಕೆ ಡಿಯೋಡೋರೆಂಟ್ ಸ್ಟಿಕ್ ಹಚ್ಚುವುದರಿಂದ ಸುವಾಸನೆ ಬಹಳ ಕಾಲ ಇರುತ್ತದೆ.

ವಕ್ಷಸ್ಥಳ

ಮಹಿಳೆಯರಲ್ಲಿ ಕೆಲವರಿಗೆ ಎದೆಯ ನಡು ಮತ್ತು ಕೆಳಭಾಗದಲ್ಲಿ ಹೆಚ್ಚು ಬೆವರು ಹರಿಯುತ್ತದೆ. ಇದನ್ನು ತಡೆಯಲು ಡಿಯೋಡರೆಂಟ್ ಸ್ಪ್ರೇ ಅನ್ನು ವಕ್ಷಸ್ಥಳದ ಕೆಳಭಾಗದಲ್ಲಿ ಕೆಲವು ಬಾರಿ ಚಿಮುಕಿಸಿ. ಇದರಿಂದ ಬೆವರು ಹರಿಯುವುದು ಕಡಿಮೆಯಾಗಿ ದುರ್ಗಂಧ ಕಡಿಮೆಯಾಗುವ ಜೊತೆಗೇ ಬೆವರು ಹರಿದು ಬಟ್ಟೆಗಳಿಗೆ ಅಂಟಿಕೊಂಡು ನಿಮ್ಮ ನೆಚ್ಚಿನ ಬಟ್ಟೆಗಳ ಅಂದಗೆಡಿಸುವುದನ್ನು ತಪ್ಪಿಸಬಹುದು.

ಪಾದ

ಒಂದು ವೇಳೆ ನಿಮ್ಮ ಪಾದ ಬಹುವಾಗಿ ಬೆವರು ಸೂಸುತ್ತಿದ್ದರೆ ಬೆವರನ್ನು ತಡೆಯುವ ಪ್ರಸಾದನವನ್ನು (antiperspirant) ಕೆಲವು ನಿಮಿಷಗಳ ಅಂತರದಲ್ಲಿ ನಾಲ್ಕಾರು ಬಾರಿ ಚಿಮುಕಿಸಿ. ಆದರೆ ಸುಮಾರು ಹತ್ತು ನಿಮಿಷಗಳವೆರೆಗೂ ಅದನ್ನು ಒಣಗಲು ಬಿಡುವುದು ಅವಶ್ಯ. ಬಳಿಕ ಕಾಲುಚೀಲ ಧರಿಸಿ.

ಸಲಹೆ

1) ಪ್ರತಿದಿನ ಹೊಸ ಕಾಲುಚೀಲವನ್ನೇ ಧರಿಸಬೇಕು. ಸೋಮಾರಿತನದಿಂದ ನಿನ್ನೆಯ ಕಾಲುಚೀಲ ಧರಿಸಿದರೆ ದುರ್ಗಂಧ ನಾಲ್ಕು ಪಟ್ಟು ಹೆಚ್ಚುವುದು.

2) ಡಿಯೋಡರೆಂಟ್ ಸ್ಪ್ರೇ ಮಾಡುವಾಗ ಹತ್ತಿರದಿಂದ ಸ್ಪ್ರೇ ಮಾಡಬಾರದು. ಕನಿಷ್ಟ ಹದಿನೈದು ಸೆಂಟಿಮೀಟರ್ ಅಂತರವಿರಬೇಕೆಂದು ಅಮೇರಿಕಾದ National Center for Biotechnology Information ಶಿಫಾರಸ್ಸು ಮಾಡುತ್ತದೆ.

3) ಬೆವರು ಹೆಚ್ಚು ಹರಿಯುವವರು ಪ್ರತಿದಿನ ಎರಡು ಬಾರಿ (ಬೆಳಿಗ್ಗೆ ಕೆಲಸಕ್ಕೆ ಹೊರಡುವ ಮೊದಲು ಮತ್ತು ಹಿಂದಿರುಗಿದ ಬಳಿಕ) ಸ್ನಾನ ಮಾಡುವುದು ವಿಹಿತ. ಡಿಯೋಡೋರೆಂಟುಗಳನ್ನು ಸಂಜೆಯ ಸ್ನಾನದ ಬಳಿಕ ಉಪಯೋಗಿಸಬೇಡಿ.

ಸಲಹೆ

4)ಸೊಂಟದ ಕೆಳಭಾಗ ಮತ್ತು ಜನನಾಂಗಗಳ ಬಳಿ ಡಿಯೋಡರೆಂಟ್ ಗಳನ್ನು ಉಪಯೋಗಿಸದಿರುವುದು ಉತ್ತಮ. ಏಕೆಂದರೆ ಈ ಸ್ಥಳ ಅತಿ ಸಂವೇದನಾಶೀಲವಾದುದರಿಂದ ಡಿಯೋಡರೆಂಟ್‌ನ ಬಳಕೆ ನಿಧಾನವಾಗಿ ಈ ಸಂವೇದನೆಯನ್ನು ಕ್ಷೀಣಿಸುತ್ತದೆ. ವಿಶೇಷವಾಗಿ ಮಹಿಳೆಯರು ಡಿಯೋಡರೆಂಟ್‌ನಿಂದ ದೂರವಿದ್ದು ಸೂಕ್ಷ್ಮ ಪ್ರದೇಶದ ನೈರ್ಮಲ್ಯ ಕಾಪಾಡಲು ಲಭ್ಯವಿರುವ ಮತ್ತು ವೈದ್ಯರು ಸಲಹೆ ನೀಡಿದ ವಿಶೇಷ ಪೌಡರ್ ಅಥವಾ ಔಷಧಿಗಳನ್ನೇ ಬಳಸಿ.

5)ನಿಮ್ಮ ಬೆವರುವಿಕೆಗೆ ತಕ್ಕ ಪ್ರಮಾಣದಲ್ಲಿ ಮಾತ್ರ, ಹಾಗೂ ಅಗತ್ಯವಿರುವ ದಿನಗಳಂದು ಮಾತ್ರ ಉಪಯೋಗಿಸಿ. ಹೆಚ್ಚು ಪ್ರಮಾಣ ಅಥವಾ ರಜಾದಿನಗಳಲ್ಲಿ ಬಳಸದಿರುವುದು ಉತ್ತಮ.