ನಿಮ್ಮನ್ನು ನಿಬ್ಬೆರಗಾಗಿಸುವ ಜೇನು ತುಪ್ಪದ ಸೌಂದರ್ಯ ಚಿಕಿತ್ಸೆ!

ಲಿಪ್ ಸ್ಕ್ರಬ್

ತೆಂಗಿನಕಾಯಿ ಎಣ್ಣೆ ಮತ್ತು ಜೇನು ತುಪ್ಪದ ಮಿಶ್ರಣವನ್ನು ಲಿಪ್ ಸ್ಕ್ರಬ್ ಆಗಿ ಬಳಸಬಹುದು. ಇದರಲ್ಲಿರುವ ಸಕ್ಕರೆ ಅಂಶವು ತುಟಿಯ ಹೊರ ಚರ್ಮದ ಮೇಲೆ ಎಕ್ಸ್‌ಫೋಲಿಯೇಷನ್ ಆಗಿ ಕೆಲಸ ಮಾಡುತ್ತದೆ. ಅಲ್ಲದೆ ಇದರಲ್ಲಿರುವ ಸ್ವಲ್ಪ ಪುದಿನಾದಂತಹ ಸುವಾಸನೆಯು ನಿಮ್ಮ ತುಟಿಗಳಿಗೆ ತಾಜಾತನವನ್ನು ನೀಡುತ್ತದೆ.

ಕಾಫಿ ಜೇನು ಸಕ್ಕರೆಯ ಸ್ಕ್ರಬ್

ವಾಸ್ತವವೇನೆಂದರೆ ಈ ಸ್ಕ್ರಬ್ ಅನ್ನು ಕಾಫಿಯ ಗಸಿಯಿಂದ ತಯಾರಿಸಲಾಗುತ್ತದೆ. ಕಾಫಿ ಮಾಡಿದ ನಂತರ ತಳದಲ್ಲಿ ಉಳಿಯುವ ಗಸಿಗೆ ಜೇನು ತುಪ್ಪ ಮತ್ತು ಸಕ್ಕರೆಯನ್ನು ಬೆರೆಸಿ ಸ್ಕ್ರಬ್ ಮಾಡಿಕೊಳ್ಳಿ. ಇದು ಎಕ್ಸ್‌ಫೋಲಿಯೇಷನ್ ನೀಡುತ್ತದೆ. ಉರಿಯೂತ ನಿರೋಧಕ ಮತ್ತು ಬ್ಯಾಕ್ಟೀರಿಯಾಗಳನ್ನು ಸಹ ಹೊಡೆದೋಡಿಸುವ ಅಂಶಗಳನ್ನು ಹೊಂದಿರುತ್ತದೆ.

ಚಕ್ಕೆ ಮತ್ತು ಜೇನು ತುಪ್ಪ ಬ್ಲಾಕ್ ಹೆಡ್ ಚಿಕಿತ್ಸೆ

ಮುಖದ ಮೇಲೆ ಕಾಣಿಸಿಕೊಳ್ಳುವ ಬ್ಲಾಕ್ ಹೆಡ್ ಅಥವಾ ಕಪ್ಪು ತಲೆಗಳನ್ನು ನಿವಾರಿಸಲು ಚಕ್ಕೆ ಮತ್ತು ಜೇನು ತುಪ್ಪದ ಮಾಸ್ಕ್ ತಯಾರಿಸಿಕೊಳ್ಳಬಹುದು. ಈ ಎರಡರ ಸಮ್ಮಿಶ್ರಣವು ಕಪ್ಪು ತಲೆಗಳನ್ನು ನಿವಾರಿಸುವುದರ ಜೊತೆಗೆ ಮುಖದಲ್ಲಿನ ಬ್ಯಾಕ್ಟೀರಿಯಾಗಳನ್ನು ಹೊರದಬ್ಬಿ, ತ್ವಚೆಯ ರಕ್ಷಣೆಯನ್ನು ಸಹ ಮಾಡುತ್ತವೆ.

ಫೇಸ್ ಮಾಸ್ಕ್‌ಗೆ ಹೊಳಪನ್ನು ಮತ್ತು ಬಿಗಿತವನ್ನು ನೀಡುತ್ತದೆ

ಜೇನು ತುಪ್ಪವನ್ನು ಬೆರೆಸಿದ ಮಾಸ್ಕ್ ತ್ವಚೆಗೆ ಹೊಳಪನ್ನು ನೀಡುತ್ತದೆ ಮತ್ತು ಮಾಸ್ಕ್‌ಗೆ ಬಿಗಿತವನ್ನು ಸಹ ನೀಡುತ್ತದೆ. ಮಾಸ್ಕ್ ಒಣಗಿದ ಮೇಲೆ ಸ್ಪಷ್ಟವಾಗಿ ಅದು ಒಡೆಯಲು ಸಹ ಜೇನು ತುಪ್ಪ ಸಹಾಯ ಮಾಡುತ್ತದೆ. ಇದರ ಜೊತೆಗೆ ನಿಂಬೆ ಹಣ್ಣನ್ನು ಬಳಸುವುದಿದ್ದರೆ, ಅದು ಸ್ವಲ್ಪ ಉರಿಯನ್ನು ನೀಡಬಹುದು. ಅದಕ್ಕಾಗಿ ಈ ಮಾಸ್ಕ್‌ಗಳನ್ನು ಮುಖದ ಮೇಲೆ ನೇರವಾಗಿ ಬಳಸುವ ಮೊದಲು ಕೈ ಮೇಲೆ ಎಲ್ಲಾದರು ಒಂದು ಪ್ಯಾಚ್ ಟೆಸ್ಟ್ ಮಾಡಿ, ನಂತರ ಮುಖದ ಮೇಲೆ ಪ್ರಯೋಗಿಸಿ.