ಗುಲಾಬಿ ಎಸಳಿನಂತಹ ತುಟಿಗಾಗಿ ಟಾಪ್ ಸಲಹೆಗಳು

ಸೌತೆಕಾಯಿ

ಸೌತೆಕಾಯಿಯನ್ನು ಅರ್ಧ ಭಾಗವಾಗಿ ಕತ್ತರಿಸಿ. ಸೌತೆಕಾಯಿಯ ಸಿಪ್ಪೆಯನ್ನು ತೆಗೆದು, ಅದನ್ನು ತಣ್ಣೀರಿನಲ್ಲಿ ಇಡಿ. 15 ನಿಮಿಷದ ನಂತರ ಇದನ್ನು ತೆಗೆದುಕೊಂಡು ಒಡೆದ ತುಟಿಗಳ ಮೇಲೆ ಮಸಾಜ್ ಮಾಡಿ. ಇದು ತುಟಿಗಳಿಗೆ ತೇವಾಂಶವನ್ನು ಒದಗಿಸಲು ಇರುವ ಅತ್ಯಂತ ಶೀಘ್ರ ಪರಿಹಾರವಾಗಿದೆ.

ಬೆಣ್ಣೆ

ಬೆಣ್ಣೆಯು ಒಡೆದ ತುಟಿಗಳಿಗೆ ಚಿಕಿತ್ಸೆ ನೀಡುವ ಅತ್ಯುತ್ತಮ ಮನೆಮದ್ದಾಗಿದೆ. ಬೆಣ್ಣೆಯಲ್ಲಿರುವ ಪ್ರೋಟಿನ್‌ಗಳು ನಿಮ್ಮ ತುಟಿಗಳಿಗೆ ತೇವಾಂಶವನ್ನು ನೀಡುತ್ತವೆ.

ಬಾದಾಮಿ ಎಣ್ಣೆ

ಬಾದಾಮಿ ಎಣ್ಣೆಯಲ್ಲಿ ವಿಟಮಿನ್ ಇ ಅಧಿಕವಾಗಿರುತ್ತದೆ. ಇದು ಸಹ ಒಡೆದ ತುಟಿಗಳಿಗೆ ಒಂದು ಒಳ್ಳೆಯ ಮನೆಮದ್ದಾಗಿದೆ. ಬಾದಾಮಿ ಎಣ್ಣೆಯನ್ನು ಒಂದು ಚಮಚದಲ್ಲಿ ತೆಗೆದುಕೊಂಡು ಅದನ್ನು ಮೇಣದ ಬತ್ತಿಯಲ್ಲಿ ಕಾಯಿಸಿ. ನಂತರ ಈ ಬಿಸಿ ಎಣ್ಣೆಯಿಂದ ತುಟಿಗೆ ಮಸಾಜ್ ಮಾಡಿ.

ಸಕ್ಕರೆ ಮತ್ತು ಜೇನುತುಪ್ಪ

ಸಕ್ಕರೆ ಮತ್ತು ಜೇನು ತುಪ್ಪದ ಮಿಶ್ರಣವನ್ನು ಮಾಡಿಕೊಳ್ಳಿ. ಸಕ್ಕರೆಯು ನಿರ್ಜೀವ ತ್ವಚೆಯನ್ನು ತೆಗೆಯಲು ಸಹಾಯ ಮಾಡಿದರೆ, ಜೇನು ತುಪ್ಪವು ನಿಮ್ಮ ತುಟಿಗೆ ತೇವಾಂಶವನ್ನು ಒದಗಿಸುತ್ತದೆ.

ಜ್ಯೂಸ್ ಲಿಪ್ ಮಾಸ್ಕ್ ಪ್ರಯತ್ನಿಸಿ

ನೀವು ಎಂದಾದರು ಒಡೆದ ತುಟಿಗೆ ಜ್ಯೂಸ್ ಮಾಸ್ಕ್ ಪ್ರಯತ್ನಿಸಿ ನೋಡಿದ್ದೀರಾ. ನಿಮಗೆ ಇಷ್ಟವಾದ ಹಣ್ಣ ಪೇಸ್ಟ್ ತಯಾರಿಸಿಕೊಳ್ಳಿ. ಇದನ್ನು ನಿಮ್ಮ ತುಟಿ ಯಾವಾಗ ಒಣಗುತ್ತದೋ, ಆಗ ಅದರ ಮೇಲೆ ಲೇಪಿಸಿ. ಹಣ್ಣಿನಲ್ಲಿರುವ ವಿಟಮಿನ್‌ಗಳು ನಿಮ್ಮ ತುಟಿಗಳನ್ನು ಮೃದುಗೊಳಿಸಲು ಸಹಾಯ ಮಾಡುತ್ತವೆ.

ಅಲೋವೆರಾ

ಅಲೋವೆರಾ ಅಥವಾ ಲೋಳೆಯನ್ನು ಸಹ ಒಡೆದ ತುಟಿಗಳಿಗೆ ಮನೆ ಮದ್ದಾಗಿ ಬಳಸಬಹುದು. ಇದಕ್ಕಾಗಿ ಲೋಳೆಯನ್ನು ಕತ್ತರಿಸಿ, ಅದರ ರಸದಿಂದ ಲಿಪ್ ಬಾಮ್ ತಯಾರಿಸಿಕೊಳ್ಳಿ. ಇದರಿಂದ ನಿಮ್ಮ ತುಟಿಯು ಗುಣಮುಖವಾಗುತ್ತದೆ.

ಸಿಟ್ರಸ್ ಪೀಲ್ ಮಾಸ್ಕ್

ನಿಂಬೆ, ಕಿತ್ತಳೆ, ಮೂಸಂಬಿಯಂತಹ ಸಿಟ್ರಸ್ ಹಣ್ಣುಗಳು ಸಹ ನಿಮ್ಮ ಒಡೆದ ತುಟಿಗಳನ್ನು ಗುಣಪಡಿಸುತ್ತವೆ. ಇವುಗಳ ಸಿಪ್ಪೆಗಳಿಂದ ಬರುವ ರಸವನ್ನು ನಿಮ್ಮ ತುಟಿಗಳಿಗೆ ಲೇಪಿಸಿ. ಒಡೆದ ತುಟಿಗಳು ಗುಣ ಮುಖವಾಗುತ್ತವೆ.