ಅಪ್ಸರೆಯಂತಹ ತ್ವಚೆಗೆ ಹೇಳಿ ಮಾಡಿಸಿದ ಗಿಡಗಳಿವು ಕಣ್ರೀ!

ಅಲೋವೆರಾ

ಲೋಳೆ ಅಥವಾ ಅಲೋವೆರಾವು ತ್ವಚೆಗೆ ಹೇಳಿ ಮಾಡಿಸಿದ ಗಿಡವಾಗಿರುತ್ತದೆ. ಅಲೋವಿರಾದ ಜೆಲ್ ಅನ್ನು ಮೊಡವೆಗಳಿಂದ ಮುಕ್ತಿ ಪಡೆಯಲು ಬಳಸಲಾಗುತ್ತದೆ. ಇದೊಂದು ಔಷಧೀಯ ಅಂಶವಾಗಿರುವ ಗಿಡಮೂಲಿಕೆಯಾಗಿದ್ದು, ಇದು ಸನ್ ಬರ್ನ್ ಅನ್ನು ನಿವಾರಿಸುವುದರ ಜೊತೆಗೆ ಇದರಲ್ಲಿರುವ ತಂಪುಕಾರಿ ಗುಣಗಳು ಬೇಸಿಗೆಯಲ್ಲಿ ನಿಮಗೆ ಸಹಾಯ ಮಾಡುತ್ತದೆ.

ಲ್ಯಾವೆಂಡರ್

ಈ ಮಧುರವಾದ ಸುವಾಸನೆ ಬೀರುವ ಗಿಡವು ನಿಮ್ಮ ತ್ವಚೆಗೆ ಪ್ರಯೋಜನಕಾರಿಯಾಗಿರುತ್ತದೆ. ಲ್ಯಾವೆಂಡರ್ ನಿಮ್ಮ ತ್ವಚೆಯಲ್ಲಿರುವ ಟಾಕ್ಸಿನ್‍ಗಳನ್ನು ಹೊರಹಾಕುತ್ತದೆ. ಇದರಲ್ಲಿರುವ ಸುಗಂಧವು ನಿಮಗೆ ಅಪ್ಯಾಯಮಾನವಾಗಿರುವುದರ ಜೊತೆಗೆ, ನಿಮ್ಮ ತ್ವಚೆಯನ್ನು ಹೊಳಪಿನಿಂದ ಕಂಗೊಳಿಸುವಂತೆ ಮಾಡುತ್ತದೆ.

ಗುಲಾಬಿ

ನಿಮಗೆ ಎಂದಾದರೂ ಬಿಡುವು ದೊರೆತರೆ ಗುಲಾಬಿ ಹೂಗಳತ್ತ ಹೋಗಿ. ಅದರ ಫಕಳೆಗಳನ್ನು ಕಿತ್ತುಕೊಳ್ಳಿ. ಇದಕ್ಕೆ ಈ ಮಧುರವಾದ ಸುವಾಸನೆಯು ಬರಲು ಕಾರಣ, ಅದರಲ್ಲಿರುವ ಅಧಿಕ ನೀರಿನಂಶ. ಈ ಹೂವಿನ ರಸವನ್ನು ಹಿಂಡಿಕೊಂಡು ಮುಖಕ್ಕೆ ಲೇಪಿಸಿ, ಅರ್ಧ ಗಂಟೆ ಬಿಟ್ಟು ನಂತರ ತೊಳೆಯಿರಿ.

ಟೀ ಟ್ರೀ

ಈ ಗಿಡವು ನಿಮ್ಮ ತ್ವಚೆಯಲ್ಲಿ ಕಂಡುಬರುವ ಮೊಡವೆ ಮತ್ತು ರ‍್ಯಾಷಸ್ ಗಳನ್ನು ಗುಣ ಮುಖ ಮಾಡುತ್ತದೆ. ಇದಕ್ಕಾಗಿ ನೀವು ಮಾಡಬೇಕಾಗಿರುವುದು ಇಷ್ಟೇ, ಇದರ ಎಣ್ಣೆಯನ್ನು ತೆಗೆದುಕೊಂಡು ಅದನ್ನು ನಿಮ್ಮ ತ್ವಚೆಯಲ್ಲಿ ಸಮಸ್ಯೆಯಿರುವ ಭಾಗಕ್ಕೆ ಲೇಪಿಸಬೇಕು. ಒಣಗಿದ ಮೇಲೆ ಇದನ್ನು ತೊಳೆಯಿರಿ, ಸಾಕು

ಬೇವು

ಬೇವಿನಲ್ಲಿ ಅದ್ಭುತವಾದ ಆಂಟಿಆಕ್ಸಿಡೆಂಟ್‍ಗಳು ಇರುತ್ತವೆ. ಇದು ತ್ವಚೆಗೆ ಒಳ್ಳೆಯದು. ಬೇವಿನಲ್ಲಿರುವ ಎಣ್ಣೆಯು,ನಿಮ್ಮ ತ್ವಚೆಯನ್ನು ಯೌವನದಿಂದ ಕಂಗೊಳಿಸುವಂತೆ ಮಾಡುತ್ತದೆ. ಜೊತೆಗೆ ತ್ವಚೆಯ ಬಣ್ಣವನ್ನು ಸಹ ಸುಧಾರಿಸುತ್ತದೆ.