ಬೇಸಿಗೆಯಲ್ಲೂ ತಂಪಾಗಿರಲು ಸಹಕಾರಿ ಈ 12 ಸಲಹೆಗಳು

ಬೆಳಗ್ಗಿನ ಸ್ನಾನ:

ಬೇಸಿಗೆಯಲ್ಲಿ ಬೆಳಗ್ಗೆ ಸ್ನಾನ ಮಾಡುವುದು ಹಿತಕಾರಿಯಾಗಿರುತ್ತದೆ. ರಾತ್ರಿ ಪೂರ್ತಿ ನೀವು ಬೆವರಿನಿಂದ ತೊಯ್ದು ಹೋಗಿದ್ದರೆ ಬೆಳಗ್ಗೆ ಎದ್ದು ನೀವು ಮಾಡಬೇಕಾದ ಮೊದಲ ಕೆಲಸವೆಂದರೆ ಸ್ನಾನ ಮಾಡುವುದಾಗಿದೆ. ಸ್ನಾನವು ನಿಮ್ಮ ದೇಹವನ್ನು ತಂಪಾಗಿರಿಸಲು ಸಹಕಾರಿಯಾಗಿದೆ.

ಸುಗಂಧಭರಿತ ಸೋಪುಗಳು:

ಬೇಸಿಗೆಯಲ್ಲಿ ಸುಗಂಧಭರಿತ ಸೋಪುಗಳನ್ನು ನಿಮಗೆ ಬಳಸಬಹುದು. ಇದರಿಂದ ನಿಮ್ಮ ದೇಹ ಒಣಗುವುದು ಸ್ವಲ್ಪ ಪ್ರಮಾಣದಲ್ಲಿ ಕಡಿಮೆಯಾಗುತ್ತದೆ. ಆದರೆ ಸೋಪುಗಳ ಮತ್ತು ಜೆಲ್‌ಗಳನ್ನು ಬಳಸುವಾಗ ಅವುಗಳ ಬ್ರಾಂಡ್‌ಗಳ ಕಡೆಗೂ ಗಮನ ನೀಡಿ.

ಡಿಯೋ ಚಿಮುಕಿಸಿ:

ನಿಮ್ಮ ತ್ವಚೆಯ ರಂಧ್ರಗಳನ್ನು ಬ್ಲಾಕ್ ಮಾಡಿ ನಿಮ್ಮನ್ನು ಬೆವರಲು ಬಿಡದಂತೆ ಡಿಯೋಡ್ರೆಂಟ್ ಮಾಡುತ್ತದೆ. ಆದರೆ ಇದು ನಿಮ್ಮ ತಾಜಾತನವನ್ನು ದೂರಮಾಡುತ್ತದೆ. ಆದರೆ ಪರಿಮಳಕ್ಕಾಗಿ ಪರ್‌ಫ್ಯೂಮ್‌ಗಳನ್ನು ಬಳಸಿ.

ಟಾಲ್ಕಂ ಪೌಡರ್ ಬಳಸಿ:

ಬೇಸಿಗೆಯಲ್ಲಿ ತಾಜಾ ಮತ್ತು ಫ್ರೆಶ್ ಆಗಿರಲು ಟಾಲ್ಕಂ ಪೌಡರ್ ಅನ್ನು ಬಳಸಿ. ಇದು ನಿಮ್ಮ ತ್ವಚೆಯ ರಂಧ್ರಗಳನ್ನು ಮುಚ್ಚುವುದಿಲ್ಲ ಆದರೆ ಬೆವರಿನಿಂದ ಸಂರಕ್ಷಿಸುತ್ತದೆ.

ಸಂಜೆ ಸ್ನಾನ:

ನಿಜವಾಗಿಯೂ ಬೇಸಿಗೆಯ ಧಗೆ ನಿಮ್ಮನ್ನು ಸುಡುತ್ತಿದ್ದರೆ, ದಿನದಲ್ಲಿ ಎರಡು ಸಲ ಸ್ನಾನ ಮಾಡುವುದು ಒಳಿತು. ಸಂಜೆ ಸಮಯದಲ್ಲಿ ಸ್ನಾನ ಮಾಡುವುದು ರಾತ್ರಿ ನೀವು ಬೆವರುವುದನ್ನು ತಡೆಗಟ್ಟಿ ಸುಖ ನಿದ್ರೆಯನ್ನು ಒದಗಿಸುತ್ತದೆ.

ಕೋಲ್ಡ್ ಶವರ್ ಬಳಸಿ:

ನಿಮ್ಮ ಕೊಠಡಿಯ ತಾಪಮಾನಕ್ಕನುಗುಣವಾಗಿ ಬೇಸಿಗೆಯಲ್ಲಿ ನೀರನ್ನು ಸ್ನಾನಕ್ಕೆ ಬಳಸಿ. ಬಿಸಿ ನೀರ ಸ್ನಾನ ನಿಮಗೆ ಆರಾಮವನ್ನುನೀಡುತ್ತದೆ ಆದರೆ ನಿಮ್ಮ ದೇಹದ ತಾಪಾಮಾನವನ್ನು ಕೆಳಕ್ಕೆ ಇಳಿಸುತ್ತದೆ.

ನಿಮ್ಮ ಕೂದಲನ್ನು ಪ್ರತೀ ದಿನ ತೊಳೆದುಕೊಳ್ಳಿ:

ಬೇಸಿಗೆಯಲ್ಲಿ ಪ್ರತೀ ದಿನ ಕೂದಲನ್ನು ತೊಳೆದುಕೊಳ್ಳುವುದು ಅತ್ಯವಶ್ಯಕ. ನಿಮ್ಮ ಕೂದಲನ್ನು ತೊಳೆದಾಗ ಮಾತ್ರವೇ ನಿಮ್ಮ ಕುತ್ತಿಗೆಯ ಹಿಂಭಾಗ ತಂಪಾಗಿ ನಿಮಗೆ ಹಿತಕಾರಿಯಾಗುತ್ತದೆ.

ಮೇಕಪ್:

ನಿಮ್ಮ ತ್ವಚೆಯ ರಂಧ್ರಗಳನ್ನು ಮುಚ್ಚಿ ನಿಮ್ಮನ್ನು ಬೇಗೆಯಿಂದ ಬಳಲುವಂತೆ ಮೇಕಪ್ ಮಾಡುತ್ತದೆ. ಅಲ್ಲದೆ ಇದರಲ್ಲಿರುವ ರಾಸಾಯನಿಕಗಳು ಮುಖದಲ್ಲಿ ಮೊಡವೆ ಉತ್ಪಾದನೆಗೊಳ್ಳಲು ಸಹಕಾರಿ. ಆದ್ದರಿಂದ ಬೇಸಿಗೆಯಲ್ಲಿ ಸ್ವಾಭಾವಿಕವಾಗಿರಿ.

ಹತ್ತಿ ಬಟ್ಟೆಗಳನ್ನು ಬಳಸಿ:

ಭಾರತೀಯ ಬೇಸಿಗೆ ಕಾಲವನ್ನು ಎದುರಿಸಲು ಅತಿ ಸೂಕ್ತ ಧಿರಿಸೆಂದರೆ ಹತ್ತಿ ಬಟ್ಟೆಯಾಗಿದೆ. ಬೇಸಿಗೆಯಲ್ಲಿ ರೇಶ್ಮೆ ಅಥವಾ ಸಿಂಥೆಟಿಕ್ ಧಿರಿಸುಗಳನ್ನು ಧರಿಸದಿರಿ.

ಧರಿಸುವ ಚಪ್ಪಲಿ ಆರಾಮದಾಯಕವಾಗಿರಲಿ:

ಹೈ ಹೀಲ್ಡ್ ಚಪ್ಪಲಿಗಳನ್ನು ಧರಿಸುವುದು ಬೇಸಿಗೆಯಲ್ಲಿ ಅಷ್ಟೊಂದು ಆರಾಮದಾಯಕವಾಗಿರುವುದಿಲ್ಲ. ನೀವು ಧರಿಸುವ ಚಪ್ಪಲಿ ಗಾಳಿಯಾಡುವಂತಿರಲಿ ಹಾಗೂ ನಿಮ್ಮ ಕಾಲಿನ ಚರ್ಮವನ್ನು ಬಿಗಿಯದೆ ಸ್ವತಂತ್ರವಾಗಿರಿಸಲಿ.

ತಾಜಾ ಗಾಳಿ ಪಡೆಯಿರಿ:

ಯಾವಾಗಲೂ ಏರ್‌ಕಂಡೀಷನ್ ಅಡಿಯಲ್ಲಿ ಇರುವುದು ನಿಮ್ಮ ತ್ವಚೆಯ ನೈಸರ್ಗಿಕ ಎಣ್ಣೆಯನ್ನು ಡ್ರೈ ಮಾಡಿ ನಿಮ್ಮನ್ನು ಡಲ್ ಮಾಡುತ್ತದೆ. ಆದ್ದರಿಂದ ತಾಜಾ ಗಾಳಿ ಪಡೆಯಿರಿ.

ಬೇಸಿಗೆ ಪರಿಕರಗಳು:

ಸನ್ ಶೇಡ್‌ಗಳು, ಹ್ಯಾಟ್ ಮತ್ತು ಸ್ಕಾಫ್‌ಗಳನ್ನು ಬೇಸಿಗೆಯಲ್ಲಿ ಹೊರಹೋಗುವಾಗ ಮರೆಯದೆ ಧರಿಸಿಕೊಳ್ಳಿ. ಸನ್ ಸ್ಕ್ರೀನ್ ಲೋಶನ್ ಬಳಕೆಯನ್ನು ಮಾಡಿ.