ಕಂಕುಳವನ್ನು ಬಿಳುಪಾಗಿಸಲು ಟಿಪ್ಸ್

ಲೋಳೆಸರ

ಪ್ರತೀದಿನ ಕಂಕುಳಕ್ಕೆ ಲೋಳೆಸರ ಹಚ್ಚಿದರೆ ಕಂಕುಳ ಕಪ್ಪಾಗುವುದಿಲ್ಲ, ಅಲ್ಲದೆ ನುಣಪಾಗಿಯೂ ಇರುತ್ತದೆ, ಅಲರ್ಜಿ ಉಂಟಾಗುವುದನ್ನು ತಡೆಯುತ್ತದೆ.

ನಿಂಬೆ ರಸ

ವ್ಯಾಕ್ಸ್ ಮಾಡಿದ ನಂತರ ನಿಂಬೆರಸ ಹಚ್ಚಿ ಅರ್ಧ ಗಂಟೆಯ ಬಳಿಕ ತೊಳೆಯಿರಿ. ಪ್ರತೀದಿನ ಸ್ನಾನಕ್ಕೆ ಹೋಗುವ ಮುನ್ನ ನಿಂಬೆರಸ ಹಚ್ಚಿದರೆ ಕಂಕುಳ ಕಪ್ಪಾಗುವುದಿಲ್ಲ.

ರೋಸ್ ವಾಟರ್

ಸ್ನಾನದ ನಂತರ ಕಂಕುಳಕ್ಕೆ ಸ್ವಲ್ಪ ರೋಸ್ ವಾಟರ್ ಹಚ್ಚಿದರೆ ಕಂಕುಳ ಕಪ್ಪಾಗುವುದನ್ನು ತಡೆಯಬಹುದು, ಮತ್ತು ದುರ್ವಾಸನೆ ಬೀರುವುದನ್ನು ತಡೆಯಬಹುದು.

ಅರಿಶಿಣ

ಸ್ನಾನಕ್ಕೆ ಮುಂಚೆ ಕಂಕುಳಕ್ಕೆ ಸ್ವಲ್ಪ ಅರಿಶಿಣವನ್ನು ಹಚ್ಚಿದರೆ ತ್ವಚೆ ಬಿಳುಪಾಗುವುದು. ತ್ವಚೆ ನುಣಪಾಗಿ, ಬಿಳುಪಾಗಿ ಇದ್ದರೆ ಸ್ಲೀವ್ ಲೆಸ್ ಧರಿಸಿದಾಗ ಕೈ ಎತ್ತಲು ಆತ್ಮವಿಶ್ವಾಸ ಮೂಡುವುದು.

ಕಹಿ ಬೇವಿನ ಎಲೆ

ಕಹಿಬೇವಿನ ಎಲೆಯನ್ನು ಪೇಸ್ಟ್ ಮಾಡಿ ವಾರಕ್ಕೊಮ್ಮೆ ಕಂಕುಳಕ್ಕೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಸ್ನಾನ ಮಾಡಿ. ಇದರಿಂದ ಕಂಕುಳ ದುರ್ವಾಸನೆ ಬೀರುವುದನ್ನು ಹಾಗೂ ಆ ಭಾಗದಲ್ಲಿ ತ್ವಚೆ ಕಪ್ಪಾಗುವುದನ್ನು ತಡೆಯಬಹುದು.

ಮುಲ್ತಾನಿ ಮಿಟಿ

ಮುಲ್ತಾನಿ ಮಿಟಿಯ ಪೇಸ್ಟ್ ಮಾಡಿ ಹಚ್ಚಿದರೆ ಕಂಕುಳದ ಬಿಳುಪು ಹೆಚ್ಚುವುದು. ಮುಲ್ತಾನಿ ಮಿಟಿಯನ್ನು ಮುಖಕ್ಕೆ ಹಚ್ಚುವಾಗ ಕತ್ತು ಮತ್ತು ಕಂಕುಳಕ್ಕೆ ಹಚ್ಚಿ.