ಉಗುರುಗಳು ಬೇಗನೆ ಮುರಿದು ಹೋಗುತ್ತದೆಯೇ?

ಕೆಮಿಕಲ್ ಬಳಕೆ ಕಡಿಮೆ ಮಾಡಿ

ಹೆಚ್ಚಿನವರಿಗೆ ನೇಲ್ ಪಾಲಿಷ್ ಹಚ್ಚುವ ಗೀಳು ತುಂಬಾ ಇರುತ್ತದೆ. ದಿನಕ್ಕೊಂದು ನೇಲ್ ಪಾಲಿಷ್ ಹಚ್ಚುತ್ತಾರೆ. ಆದರೆ ಈ ರೀತಿ ಮಾಡುವುದರಿಂದ ನೇಲ್ಸ್ ಬಲಹೀನವಾಗುವುದು ಅನ್ನುವುದನ್ನು ಮರೆಯದಿರಿ.

ಸ್ವಲ್ಪ ಬ್ರೇಕ್ ತೆಗೆದುಕೊಳ್ಳಿ

ಉಗುರಿಗೆ ಬಣ್ಣ ಹಚ್ಚಿದರೆ ಅಮದವಾಗಿ ಕಾಣುತ್ತದೆ, ಆದರೆ ಸ್ವಚ್ಛ ಮಾಡಿ, ಚೆನ್ನಾಗಿ ಶೇಪ್ ನೀಡಿದ ಉಗುರು ಮತ್ತಷ್ಟು ಅಂದವಾಗಿ ಕಾಣುತ್ತದೆ. ಆದ್ದರಿಂದ ಸ್ವಲ್ಪ ದಿನ ಉಗುರಿಗೆ ಯಾವುದೇ ಬಣ್ಣ ಹಚ್ಚ ಹೋಗಬೇಡಿ. ದಿನಾ ಉಗುರಿಗೆ ಕೊಬ್ಬರಿ ಎಣ್ಣೆ ಹಚ್ಚಿ ಆರೈಕೆ ಮಾಡಿ.

ಉಗುರು ಕಚ್ಚುವ ಅಭ್ಯಾಸಗಳು

ಉಗುರು ಕಚ್ಚುವ ಅಭ್ಯಾಸ ಹೆಚ್ಚಿನವರಲ್ಲಿರುತ್ತದೆ. ಈ ಅಭ್ಯಾಸದಿಂದ ಉಗುರುಗಳು ಶೆಪ್ ಔಟ್ ಆಗುವುದು. ಅಂದದ ಉಗುರು ನಿಮ್ಮದಾಗಬೇಕೆಂಬ ಇಚ್ಛೆ ಇದ್ದರೆ ಉಗುರು ಕಚ್ಚುವ ಅಭ್ಯಾಸವನ್ನು ನಿಲ್ಲಿಸಿಬಿಡಿ.

ಕೆಲಸ ಮಾಡುವಾಗ ಕೈಗೆ ಗ್ಲೌಸ್ ಧರಿಸಿ

ಕೈಗೆ ಸೋಪು, ಇತರ ಕೆಮಿಕಲ್ಸ್ ತಾಗಿ ಡ್ರೈಯಾಗದಿರಲು ಮತ್ತು ಉಗುರಿನಲ್ಲಿ ಕೊಳೆ ಸೇರದಿರಲು ಗ್ಲೌಸ್ ಬಳಸಿ.

ಮಾಯಿಶ್ಚರೈಸರ್

ದಿನಾ ಮೈಗೆ ಮಾತ್ರ ಮಾಯಿಶ್ಚರೈಸರ್ ಹಚ್ಚಿದರೆ ಸಾಲದು, ಉಗುರಿಗೂ ಹಚ್ಚಿ, ಇದರಿಂದ ಹೊಳಪಿನ ಉಗುರಿನ ಸೌಂದರ್ಯ ನಿಮ್ಮದಾಗುವುದು.

ಉಗುರಿನ ಉದ್ದ

ಕೆಲವರಿಗೆ ಉಗುರು ಬಿಡುವುದೆಂದರೆ ತುಂಬಾ ಇಷ್ಟ. ಆದರೆ ಉಗುರು ಉದ್ದವಾದಷ್ಟು ಅದರ ಆರೈಕೆ ಕಷ್ಟವಾಗುವುದು. ಮಿತ ಅಳತೆಯಲ್ಲಿ ಬಿಟ್ಟು ಉಗುರಿಗೆ ಶೇಪ್ ಕೊಟ್ಟರೆ ಉಗುರುಗಳು ಆಕರ್ಷಕವಾಗಿ ಕಾಣುವುದು.

ಪೆಡಿಕ್ಯೂರ್ ಪಾಡಿಸಿ

ಪೆಡಿಕ್ಯೂರ್ ನಿಮ್ಮ ಉಗುರಿನಲ್ಲಿರುವ ನಿರ್ಜೀವ ಅಂಶವನ್ನು ತೆಗೆದು ಹಾಕಿ, ನಿಮ್ಮ ಉಗುರುಗಳು ಬೆಳ್ಳಗೆ ಆಕರ್ಷಕವಾಗಿ ಕಾಣುವಂತೆ ಮಾಡುವುದು.