ಕನ್ನಡಕ ಧರಿಸುವುದರಿಂದ ಬಿದ್ದ ಕಲೆಗೆ ಪರಿಹಾರ

ಕನ್ನಡಕ ಧರಿಸುವವರಿಗೆ ಕಾಡುವ ಪ್ರಮುಖ ಸೌಂದರ್ಯ ಸಮಸ್ಯೆಯೆಂದರೆ ಮೂಗಿನ ಮೇಲೆ ಕಲೆ ಬೀಳುವುದು. ಈ ಕಲೆಯಿಂದಾಗಿ ಕನ್ನಡಕ ಬಿಚ್ಚಿಟ್ಟಾಗ ಆಕರ್ಷಕವಾಗಿ ಕಾಣುವುದಿಲ್ಲ.

ಕನ್ನಡಕಕ್ಕೆ ಗುಡ್ ಬೈ ಹೇಳಿ, ಲೆನ್ಸ್ ಬಳಸೋಣ ಎಂದು ಯೋಚಿಸುವವರಿಗೆ ಕನ್ನಡಕ ಧರಿಸಿದ್ದರಿಂದ ಬಿದ್ದಂತಹ ಕಲೆಯನ್ನು ಹೋಗಲಾಡಿಸುವುದೇ ಒಂದು ಸವಾಲಾಗಿರುತ್ತದೆ.

* ಕ್ಲೆನ್ಸ್ : ದಿನಕ್ಕೆ ಎರಡು ಬಾರಿ ಮೂಗನ್ನು ಕ್ಲೆನ್ಸ್ ಮಾಡಿ. ಈ ರೀತಿ ಮಾಡುವುದರಿಂದ ಕಲೆ ಬೇಗನೆ ಹೋಗುವುದು. ಲೆನ್ಸ್ ಗೆ ಬದಲಾಗಿ ಕನ್ನಡಕ ಧರಿಸದೇ ಇದ್ದರೆ ಕೆಲವು ತಿಂಗಳುಗಳಲ್ಲಿ ಆ ಕಲೆ ಸ್ವಾಭಾವಿಕವಾಗಿ ಮಾಯವಾಗುವುದು.

* ಮಾಯಿಶ್ಚರೈಸರ್: ಈ ಕಲೆಯನ್ನು ಬೇಗನೆ ಹೋಗಲಾಡಿಸಲು ಪ್ರತೀದಿನ ಮಾಯಿಶ್ಚರೈಸರ್ ಹಚ್ಚಿ. ಇದರಿಂದ ಆ ಭಾಗದ ತ್ವಚೆ ಡ್ರೈಯಾಗುವುದಿಲ್ಲ.

* ನೈಸರ್ಗಿಕವಾದ ಬ್ಲೀಚಿಂಗ್ : ಟೊಮೆಟೊ, ನಿಂಬೆ ಹಣ್ಣು, ಆಲೂಗಡ್ಡೆ ಈ ರೀತಿಯ ನೈಸರ್ಗಿಕವಾದ ಬ್ಲೀಚಿಂಗ್ ವಸ್ತುಗಳಿಂದ ಮೂಗನ್ನು ಸ್ಕ್ರಬ್ ಮಾಡುವುದರಿಂದ ಕಲೆಯನ್ನು ಹೋಗಲಾಡಿಸಬಹುದು.

* ಟೋನರ್ ಹಚ್ಚಿ: ವಿಟಮಿನ್ ಇ ಇರುವ ಎಣ್ಣೆಯಿಂದ ಮಸಾಜ್ ಮಾಡುವುದರಿಂದ ಮೂಗಿನ ಮೇಲೆ ಇರುವ ಕಪ್ಪು ಕಲೆಯನ್ನು ಹೋಗಲಾಡಿಸಬಹುದು.
ಈ ರೀತಿ ಆರೈಕೆ ಮಾಡಿದರೆ ನಿಮ್ಮ ಮುಖ ನೈಸರ್ಗಿಕವಾದ ಚೆಲುವನ್ನು ಪಡೆಯುವುದು.