ಆಕರ್ಷಕ ತುಟಿಗೆ ಆರೈಕೆ ಮುಖ್ಯ,ಮೇಕಪ್ ಅಲ್ಲ

ಸಾಮಾನ್ಯವಾಗಿ ನಾವು ಲಿಪ್ ಕೇರ್ ಕ್ಕಿಂತ, ಲಿಪ್ ಮೇಕಪ್ ಕಡೆ ಹೆಚ್ಚು ಗಮನ ಕೊಡುತ್ತೇವೆ. ಆದರೆ ತುಟಿಯ ತ್ವಚೆಯ ಆರೈಕೆ ಮಾಡದೆ, ತುಟಿಗೆ ಮೇಕಪ್ ಮಾಡುವುದರಿಂದ ಆಕರ್ಷಕವಾದ ತುಟಿ ಪಡೆಯಲು ಸಾಧ್ಯವಿಲ್ಲ.

ಒಣ ತುಟಿ, ತುಟಿ ಕಪ್ಪಾಗುವುದು, ತುಟಿಯಲ್ಲಿ ಬಿರುಕು ಉಂಟಾಗಿ ನೋವಾಗುವುದು, ತುಟಿ ತನ್ನ ಹೊಳಪನ್ನು ಕಳೆದುಕೊಳ್ಳುವುದು ಹೀಗೆ ಅನೇಕ ತುಟಿ ಸಮಸ್ಯೆಗಳಿವೆ. ಇಲ್ಲಿ ನಾವು ತುಟಿ ಸಮಸ್ಯೆಗೆ ಕಾರಣ ಮತ್ತು ಪರಿಹಾರ ಬಗ್ಗೆ ಹೇಳಿದ್ದೇವೆ ನೋಡಿ:

ತುಟಿ ಡ್ರೈಯಾಗಲು ಕಾರಣಗಳು
* ದೇಹದಲ್ಲಿ ನೀರಿನಂಶ ಕಡಿಮೆಯಾದರೆ
* ಧೂಮಪಾನ
* ಹೆಚ್ಚು ಹೊತ್ತು ಬಿಸಿಲಿನಲ್ಲಿ ಇದ್ದರೆ
* ವಿಟಮಿನ್ ಎ, ಬಿ, ಸಿಯ ಕೊರತೆ
* ಮದ್ಯಪಾನ
* ಮೇಕಪ್
ಪರಿಹಾರ: ಹೆಚ್ಚು ನೀರು ಕುಡಿದು, ವಿಟಮಿನ್ ಇರುವ ಆಹಾರಗಳನ್ನು ತಿನ್ನಬೇಕು. ಕೆಟ್ಟ ಚಟಗಳನ್ನು ದೂರಮಾಡಿ, ಮೇಕಪ್ ಪ್ರತೀದಿನ ಮಾಡಿದ್ದರೆ ತುಟಿಯ ಹೊಳಪು ಹೆಚ್ಚುವುದು.

ತುಟಿ ಕಪ್ಪಾಗಲು ಕಾರಣ:
* ಧೂಮಪಾನ ಮತ್ತು ಮದ್ಯಪಾನ
* ಕಳಪೆ ಮಟ್ಟದ ಸೌಂದರ್ಯವರ್ಧಕಗಳನ್ನು ಬಳಸುವುದು
* ಡ್ರೈಯಾಗುವುದರಿಂದ

ಪರಿಹಾರ
* ಒಳ್ಳೆಯ ಲಿಪ್ ಬಾಮ್ ಬಳಸಿ ಮಸಾಜ್ ಮಾಡಿ.
* ಬಿಸಿಲಿಗೆ ಹೋಗುವಾಗ ತ್ವಚೆ ಮತ್ತು ತುಟಿಯ ರಕ್ಷಣೆ ಕಡೆಗೆ ಎಚ್ಚರವಹಿಸಿ.
* ತುಪ್ಪ, ಜೇನು ಈ ರೀತಿಯ ನೈಸರ್ಗಿಕವಾದ ವಸ್ತುಗಳನ್ನು ಹಚ್ಚಿದರೂ ತುಟಿ ಹೊಳಪನ್ನು ಪಡೆಯುವುದು.