ಮೈಗೆ ಮೆತ್ತಿದ ಬಣ್ಣ ಹೋಗಲಾಡಿಸಬೇಕೆ?

ತೆಂಗಿನೆಣ್ಣೆ ಜೊತೆ ಮಿಶ್ರ ಮಾಡಿದ ತೆಂಗಿನ ಹಾಲು

ತೆಂಗಿನ ಹಾಲನ್ನು ತೆಂಗಿನೆಣ್ಣೆ ಜೊತೆ ಮಿಶ್ರಣ ಮಾಡಿ ಮುಖಕ್ಕೆ, ಮೈಗೆ ಹಚ್ಚಿ. ಈ ರೀತಿ ಮಾಡಿದರೆ ತ್ವಚೆಗೂ ಹಾನಿಯಾಗುವುದಿಲ್ಲ, ಬಣ್ಣವನ್ನೂ ಸುಲಭವಾಗಿ ತೆಗೆಯಬಹುದು.

ಸಾಸಿವೆ ಎಣ್ಣೆ

ಸಾಸಿವೆ ಎಣ್ಣೆಯನ್ನು ಮೈಗೆ ಉಜ್ಜಿ ಕೆಲವು ಗಂಟೆಗಳ ಕಾಲ ಹಾಗೆಯೇ ಬಿಡಿ. ನಂತರ ಮೈಯನ್ನು ತಿಕ್ಕ ತೊಳೆದರೆ ಬಣ್ಣ ಹೋಗುವುದು.

ಅರಿಶಿಣ ಪುಡಿ

ಹೋಳಿಯ ಬಣ್ಣ ತೆಗೆಯಲು ಅರಿಶಿಣ ಪುಡಿಯನ್ನು ಎಣ್ಣೆ ಜೊತೆ ಮಿಶ್ರಣ ಮಾಡಿ ತಿಕ್ಕಿ, ನಂತರ ಸೋಪು ಹಚ್ಚಿ ಮೈ ತೊಳೆದರೆ ಸಾಕು.

ನಿಂಬೆ ರಸ

ಮೊದಲು ಮೈಗೆ ಎಣ್ಣೆ ತಿಕ್ಕಿ, ನಂತರ ನಿಂಬೆ ಹಣ್ಣಿನಿಂದ ಮೈಉಜ್ಜಿ. ಈ ರೀತಿ ಮಾಡಿದರೆ ಮೈಯಲ್ಲಿ ಹೋಳಿ ಬಣ್ಣ ಸ್ವಲ್ಪವೂ ಇರುವುದಿಲ್ಲ.

ಮೊಸರು

ಹೋಳಿಯಾಡಿದ ನಂತರ ಮೊಸರು ಹಚ್ಚಿದರೆ ತ್ವಚೆ ಮೃದುವಾಗಿರುವುದು.

ಜೇನು

ಹೋಳಿಯಾಡಿದ ನಂತರ ಎಣ್ಣೆ ಹಚ್ಚಿ ಸ್ನಾನ ಮಾಡಿ, ನಂತರ ಪುನಃ ಜೇನು ಹಚ್ಚಿ ಸ್ನಾನ ಮಾಡಿದರೆ ತ್ವಚೆಗೆ ಕೆಮಿಕಲ್ ನಿಂದ ಯಾವುದೇ ಹಾನಿಯಿಂಟಾಗುವುದಿಲ್ಲ.

ಗೋಧಿ ಹಿಟ್ಟು

ಗೋಧಿ ಹಿಟ್ಟನ್ನು ಎಣ್ಣೆಯಲ್ಲಿ ಮಿಕ್ಸ್ ಮಾಡಿ ಸ್ಕ್ರಬ್ ಮಾಡಿದರೆ ಬಣ್ಣ ಬೇಗನೆ ಹೋಗುತ್ತದೆ.

ವಿನಿಗರ್

1 ಚಮಚ ಆಪಲ್ ಸೈಡರ್ ವಿನಿಗರ್ ಅನ್ನು 1 ಬಕೆಟ್ ತಣ್ಣೀರಿಗೆ ಹಾಕಿ ಅದರಲ್ಲಿ ತಲೆ ತೊಳೆಯಿರಿ. ಈ ರೀತಿ ಮಾಡಿದರೆ ಬಣ್ಣ ಕೂದಲಿನ ಮೇಲೆ ಕೆಟ್ಟ ಪರಿಣಾಮ ಬೀರುವುದನ್ನು ತಡೆಯುತ್ತದೆ.

ಬಾದಾಮಿ ಎಣ್ಣೆ ಅಥವಾ ಕೊಬ್ಬರಿ ಎಣ್ಣೆ

ತಲೆ ತೊಳೆದು ಒಣಗಿಸಿದ ನಂತರ ಬಾದಾಮಿ ಅಥವಾ ಕೊಬ್ಬರಿ ಎಣ್ಣೆಯಿಂದ ಮಸಾಜ್ ಮಾಡಿ. ಈ ರೀತಿ 2-3 ದಿನ ಮಾಡಿ.

ಆಲೀವ್ ಎಣ್ಣೆ

ಮಲಗುವ ಮುನ್ನ ಆಲೀವ್ ಎಣ್ಣೆಯನ್ನು ಮುಖಕ್ಕೆ ಹಚ್ಚಿಕೊಳ್ಳುವುದರಿಂದ ತ್ವಚೆಯ ಹೊಳಪು ಹೆಚ್ಚುವುದು.