30 ಪ್ಲಸ್ ಆದವರಿಗೆ ಸೂಕ್ತವಾದ 8 ಫೇಶಿಯಲ್

Published: Monday, August 26, 2013, 13:00 [IST]

ವಯಸ್ಸು 30 ದಾಟಿದ ಬಳಿಕ ನಮ್ಮ ಯೌವನದ ಸೌಂದರ್ಯದ ಕಳೆ ಕಡಿಮೆಯಾಗಬಾರದೆಂದರೆ ಅದರತ್ತ ಗಮನ ಕೊಡಬೇಕಾದದು ಅವಶ್ಯಕ. ಏಕೆಂದರೆ ವಯಸ್ಸಾಗುತ್ತಿದ್ದಂತೆ ನಮ್ಮ ದೇಹದಲ್ಲಿ ಕೊಲೆಜಿನ್ ಅಂಶ ಕಡಿಮೆಯಾಗುತ್ತಾ ಬರುತ್ತದೆ. ಕೊಲೆಜಿನ್ ಅಂಶ ಕಡಿಮೆಯಾದಾಗ ತ್ವಚೆ ಸಡಿಲವಾಗಿ ನೆರಿಗೆಗಳು ಮೂಡುವುದು.

ಆದ್ದರಿಂದ 30ರ ಬಳಿಕ ಕೊಲೆಜಿನ್ ಅಂಶ ಕಡಿಮೆಯಾಗದಂತೆ ನಾವು ಎಚ್ಚರಿಕೆವಹಿಸಬೇಕು. ಕೊಲೆಜಿನ್ ಇರುವ ಆಹಾರ ಸೇವನೆ, anti aging ಫೇಸ್ ಪ್ಯಾಕ್ ಇವೆಲ್ಲಾ ತ್ವಚೆಯ ಯೌವನದ ಕಳೆಯನ್ನು ಮತ್ತಷ್ಟು ವರ್ಷ ಮುಂದೂಡಲು ಸಹಾಯ ಮಾಡುತ್ತದೆ.

ಇಲ್ಲಿ ನಾವು ನಿಮ್ಮ ತ್ವಚೆಯನ್ನು ಬಿಗಿಯಾಗಿಸಿ, ತ್ವಚೆಗೆ ಅಗತ್ಯವಿರುವ ಕೊಲೆಜಿನ್ ಅಂಶ ಒದಗಿಸುವ ನೈಸರ್ಗಿಕವಾದ ಫೇಸ್ ಪ್ಯಾಕ್ ಗಳ ಬಗ್ಗೆ ಹೇಳಿದ್ದೇವೆ ನೋಡಿ:

ಮೊಟ್ಟೆಯ ಬಿಳಿ

ಮೊಟ್ಟೆಯ ಬಿಳಿಯನ್ನು ಮುಖಕ್ಕೆ ಹಚ್ಚಿ, ಅದು ಒಣಗಿದ ಬಳಿಕ ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ವಾರದಲ್ಲಿ 2-3 ಬಾರಿ ಮಾಡಿ. ಈ ರೀತಿ ಮಾಡುವುದರಿಂದ ಮುಪ್ಪು ಬೇಗನೆ ನಿಮ್ಮನ್ನು ಆವರಿಸುವುದಿಲ್ಲ.

ಮುಲ್ತಾನಿ ಮಿಟಿ

ಮುಲ್ತಾನಿ ಮಿಟಿಯ ಪೇಸ್ ಪ್ಯಾಕ್ ತುಂಬಾ ಒಳ್ಳೆಯದು. ಇದನ್ನು ಮೊಟ್ಟೆಯ ಬಿಳಿ, ಸ್ವಲ್ಪ ಗ್ಲಿಸೆರಿನ್ ಮತ್ತು ಸ್ವಲ್ಪ ಜೇನು ಹಾಕಿ ಮಿಕ್ಸ್ ಮಾಡಿ ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷದ ಬಳಿಕ ಮುಖ ತಣ್ಣೀರಿನಲ್ಲಿ ಮುಖ ತೊಳೆಯಿರಿ.

ಜೇನು

ಜೇನಿಗೆ ಸ್ವಲ್ಪ ಗ್ಲಿಸೆರಿನ್ ಹಾಕಿ ಮಿಕ್ಸ್ ಮಾಡಿ, ಅದನ್ನು ಮುಖಕ್ಕೆ ಹಚ್ಚಿ 10 ನಿಮಿಷದ ಬಳಿಕ ಮುಖ ತೊಳೆಯಿರಿ. ಈ ರೀತಿ ಪ್ರತೀದಿನ ಅಥವಾ ಎರಡು ದಿನಕ್ಕೊಮ್ಮೆಯಾದರೂ ಮುಖಕ್ಕೆ ಹಚ್ಚಿದರೆ ಮುಖದ ತ್ವಚೆ ಬೇಗನೆ ಸಡಿಲವಾಗುವುದಿಲ್ಲ. ಇದರಿಂದ ಸುಕ್ಕು ಬೇಗನೆ ನಿಮ್ಮನ್ನು ಕಾಡುವುದಿಲ್ಲ.