ಎಣ್ಣೆಯಂಶದ ಮೂಗಿನಿಂದ ಮುಕ್ತಿ ಬೇಕೆ?

ಎಣ್ಣೆ ತ್ವಚೆಯವರಿಗೆ ಅತೀ ದೊಡ್ಡ ಸಮಸ್ಯೆಯೆಂದರೆ ಎಣ್ಣೆಯಂಶ ಮೂಗಿನ ತುದಿಯಲ್ಲಿ ಎದ್ದು ಕಾಣುವುದು . ಇದರಿಂದ ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ಉಂಟಾಗುವುದು. ಮುಖ ಡಲ್ಲಾಗಿ ಕಾಣುವುದು. ಎಣ್ಣೆಯಂಶ ಹೋಗಲಾಡಿಸದಿದ್ದರೆ ಯಾವ ಮೇಕಪ್ ಪ್ರಯೋಜನಕ್ಕೆ ಬರುವುದಿಲ್ಲ.

ಇಲ್ಲಿ ನಾವು ಕೆಲವು ಮನೆಮದ್ದು ನೀಡುತ್ತಿದ್ದೇವೆ. ಅವುಗಳನ್ನು ಪಾಲಿಸಿದರೆ ಮೂಗಿನ ಮೇಲೆ ಎಣ್ಣೆಯಂಶ ನಿಲ್ಲದಂತೆ ತಡೆದು. ಬ್ಲ್ಯಾಕ್ ಹೆಡ್ಸ್ ಸಮಸ್ಯೆಯಿಂದ ಹೊರಬರಬಹುದು.

ಮನೆಮದ್ದು

* ದಿನದಲ್ಲಿ 2-3 ಬಾರಿ ಮುಖ ತೊಳೆಯಿರಿ. ಸಂಜೆ ಟೋನರ್ ಬಳಸಿ ಮುಖ ತೊಳೆಯಿರಿ.
ಗಮನಿಸಿ: ತುಂಬಾ ಬಾರಿ ಮುಖ ತೊಳೆಯುವ ಅಭ್ಯಾಸ ಒಳ್ಳೆಯದಲ್ಲ, ಅದು ನಿಮ್ಮ ತ್ವಚೆಯನ್ನು ಡ್ರೈಯಾಗಿಡುತ್ತದೆ.

* ಮತ್ತೊಂದು ಸರಳ ವಿಧಾನವೆಂದರೆ ಸ್ವಲ್ಪ ಹತ್ತಿಯ ಉಂಡೆಗೆ ನಿಂಬೆ ರಸ ಹಿಂಡಿ ಅದರಿಂದ ನಿಮ್ಮ ಮೂಗನ್ನು ಉಜ್ಜಿ. ಈ ರೀತಿ ಪ್ರತೀದಿನ ಮಾಡಿದರೆ ಮೂಗಿನ ತುದಿಯಲ್ಲಿ ಎಣ್ಣೆಯಂಶ ನಿಲ್ಲುವುದಿಲ್ಲ.

* ಸ್ಕ್ರಬ್ಬಿಂಗ್, ಕ್ಲೀನ್ ಅಪ್ ಮಾಡಿಸುವುದು ತ್ವಚೆ ಆರೋಗ್ಯದ ದೃಷ್ಟಿಯಿಂದ ತುಂಬಾ ಒಳ್ಳೆಯದು. ಈ ರೀತಿ ಮಾಡುವುದರಿಂದ ಮುಖ ಎಣ್ಣೆ-ಎಣ್ಣೆಯಾಗಿ ಕಾಣುವುದನ್ನು ತಪ್ಪಿಸಬಹುದು.

* ವಿನೆಗರ್ ಎಣ್ಣೆ ತ್ವಚೆ ಹೋಗಲಾಡಿಸುವಲ್ಲಿ ತುಂಬಾ ಪರಿಣಾಮಕಾರಿ. ಅರ್ಧ ಗ್ಲಾಸ್ ನೀರಿಗೆ 2-3 ವಿನೆಗರ್ ಹಾಕಿ ಅದರಲ್ಲಿ ಹತ್ತಿಯನ್ನು ಅದ್ದಿ ಮುಖವನ್ನು ಉಜ್ಜಿ. ಈ ರೀತಿ ಮಾಡುವುದರಿಂದ ಮುಖದ ಎಣ್ಣೆಯಂಶ ಕಡಿಮೆಯಾಗಿ, ಮುಖದ ಕಾಂತಿ ಹೆಚ್ಚುವುದು.