ನಾಬಿಯ ಅಂದ ನೀಡಬಹುದು ನರಕದ ಅನುಭವ!

Body Care

oi-Reena

By Hema S

Published: Monday, June 18, 2012, 11:58 [IST]

ಫ್ಯಾಷನ್ ಲೋಕದಲ್ಲಿ ಎನೂ ಮಾಡಿದರೂ ಚೆಂದನೆ. ಹೆಣ್ಣಿನ ಮೂಗಿಗೆ ಮೂಗುತಿ ಇದ್ದರೆ ಹೆಚ್ಚು ಲಕ್ಷಣವಾಗಿ ಕಾಣುವುದು. ಮೂಗುತಿಯಲ್ಲೂ ಅನೇಕ ವಿನ್ಯಾಸ ಮೂಗುತಿ ಹಾಕಿ ಬೆಡಗಿಯರು ತಮ್ಮ ಚೆಲುವನ್ನು ಹೆಚ್ಚಿಸಿಕೊಳ್ಳುತ್ತಾರೆ. ಆದರೆ ಇನ್ನು ಸ್ವಲ್ಪ ಹಚ್ಚಿನ ಫ್ಯಾಷನ್ ಪ್ರಿಯರು ನಾಬಿಗೆ (ಹೊಕ್ಕಳಿಗೆ) ಚುಚ್ಚಿಕೊಳ್ಳುವುದನ್ನು ಕಾಣಬಹುದು. ಸೀರೆ ಅಥವಾ ಹೊಟ್ಟೆ ಕಾಣುವ ಡ್ರೆಸ್ ಹಾಕಿ ಈ ರೀತಿ ಚುಚ್ಚಿಕೊಳ್ಳುವುದು ಒಂದು ಫ್ಯಾಷನ್ . ಆದರೆ ಈ ರೀತಿ ಚುಚ್ಚುವ ಮೊದಲು ಕೆಲವೊಂದು ವಿಷಯಗಳನ್ನು ತಿಳಿದಿರುವುದು ಒಳ್ಳೆಯದು.

ನಾಬಿಗೆ ಚುಚ್ಚಿದರೆ ಗಾಯ ಒಣಗಲು 4-5 ತಿಂಗಳು ಬೇಕಾಗುತ್ತದೆ. ಅಲ್ಲದೆ ಈ ರೀತಿ ಚುಚ್ಚಿಕೊಂಡ ಮೇಲೆ ಜೀವನ ಶೈಲಿಯಲ್ಲಿ ಕೆಲವೊಂದು ಬದಲಾವಣೆ ತರಬೇಕಾಗುತ್ತದೆ.
ಇಷ್ಟಲ್ಲದೆ ನಾಬಿಗೆ ಚುಚ್ಚುವವರು ಈ ಕೆಳಗಿನ ಅಂಶಗಳನ್ನು ಗಮನಿಸುವುದು ಒಳ್ಳೆಯದು.

1. ಸಡಿಲವಾದ ಉಡುಪು: ನಾಬಿಗೆ ಚುಚ್ಚುವ ಮೊದಲು ಆ ಭಾಗವನ್ನು ಶುಚಿಗೊಳಿಸಬೇಕು. ನಂತರ ಸಡಿಲವಾದ ಡ್ರೆಸ್ ಗಳನ್ನು ಕೊಳ್ಳಬೇಕು. ಏಕೆಂದರೆ ಚುಚ್ಚಿದ ನಂತರ ಗಾಯ ಒಣಗುವವರೆಗೆ ಜೀನ್ಸ್ ಮತ್ತು ಟೀ ಶರ್ಟ್ ಅಥವಾ ಬಿಗಿಯಾದ ಉಡುಪು ಧರಿಸಿದರೆ ಬಟ್ಟೆ ತಾಗಿ ನೋವಾಗುವುದು. ಆದ್ದರಿಂದ ಗಾಯ ಒಣಗುವವರೆಗೆ ಸಡಿಲವಾದ ಕುರ್ತಾ ಟಾಪ್ ಧರಿಸಬೇಕು.

2. ಆಭರಣ: ಹೀಗೆ ಚುಚ್ಚುವಾಗ ಕೃತಕ ಆಭರಣಗಳನ್ನು ಧರಿಸಬೇಡಿ. ಉತ್ತಮ ಗುಣಮಟ್ಟದ ಆಭರಣವನ್ನು ಕೊಂಡು ಧರಿಸಬೇಕು. ಇಲ್ಲದಿದ್ದರೆ ಸೆಪ್ಟಿಕ್ ಆಗಿ ಗಾಯ ಜಾಸ್ತಿಯಾಗುವುದು.

3. ಎಳೆಯಬೇಡಿ: ಒಮ್ಮೆ ಚುಚ್ಚಿದ ನಂತರ ಅದನ್ನು ಮುಟ್ಟುವುದು ಅಥವಾ ಬಿಚ್ಚಿ ಹಾಕುವುದು, ಎಳೆಯುವುದಾಗಲಿ ಮಾಡಬಾರದು. ಈ ರೀತಿ ಮಾಡಿದರೆ ಗಾಯ ಬೇಗನೆ ಒಣಗುವುದಿಲ್ಲ.

4. ಮಲಗುವ ಭಂಗಿ: ಒಮ್ಮೆ ಚುಚ್ಚಿದ ಬಳಿಕ ಮಲುಗುವ ಭಂಗಿ ಸರಿಯಾಗಿರಬೇಕು. ಇಲ್ಲದಿದ್ದರೆ ತಿರುಗಿ ಮಲಗಿದ್ದಾಗ ಹೊಕ್ಕಳಿಗೆ ಚುಚ್ಚಿದ ಆಭರಣಕ್ಕೆ ತಾಗಿದರೆ ಜೀವ ಹೋದ ಅನುಭವ ಉಂಟಾಗುತ್ತದೆ. ಅಲ್ಲದೆ ಆ ಭಾಗ ಹೊದಿಕೆಗೆ ತಾಗದಂತೆ ಎಚ್ಚರಿಕೆವಹಿಸಬೇಕು. ಇಲ್ಲದಿದ್ದರೆ ತುಂಬಾ ನೋವು ಅನುಭವಿಸಬೇಕಾಗುವುದು.

5. ಆಭರಣ ಬದಲಾವಣೆ: ಒಮ್ಮೆ ಚುಚ್ಚಿದ ಬಳಿಕ ಆಭರಣಗಳನ್ನು ಆಗಾಗ ಬದಲಾಯಿಸಬಾರದು. ಆಭರಣಗಳನ್ನು ಕೊಳ್ಳುವಾಗ ನೋಡಿ ಕೊಳ್ಳಬೇಕು. ಬಟ್ಟೆಗೆ ಸಿಕ್ಕಿ ಹಾಕಿಕೊಳ್ಳುವ ವಿನ್ಯಾಸವಿರುವ ಆಭರಣಕೊಳ್ಳಬಾರದು.

ನಾಬಿ ಚುಚ್ಚಿ ಫ್ಯಾಷನೇಬಲ್ ಮತ್ತು ಸೆಕ್ಸಿಯಾಗಿ ಕಾಣಲು ಇಷ್ಟಪಡುವವರು ದೈಹಿಕ ನೋವು ಅನುಭವಿಸಲು ಸಿದ್ಧವಿದ್ದರೆ ಮಾತ್ರ ಚುಚ್ಚಿಕೊಳ್ಳಬೇಕು. ಫ್ರೆಂಡ್ ಚುಚ್ಚಿದ್ದಾಳೆ ಎಂದು ಚುಚ್ಚಲು ಹೋದರೆ ವ್ಯತಿರಿಕ್ತವಾದ ಪರಿಣಾಮ ಎದುರಿಸಬೇಕಾಗುವುದು.