ಹೊಳಪಿನ ಉಗುರಿಗಾಗಿ 4 ರೀತಿಯ ಮ್ಯಾನಿಕ್ಯೂರ್

ಹೆಚ್ಚಿನವರಿಗೆ ಉಗುರು ಬೆಳೆಸುವುದರಲ್ಲಿ ಆಸಕ್ತಿ ಇರುತ್ತದೆ, ಆದರೆ ಅವುಗಳನ್ನು ಸುಂದರವಾಗಿ ಕಾಣುವಂತೆ ಮಾಡುವುದರ ಬಗ್ಗೆ ಹೆಚ್ಚಿನ ಐಡಿಯಾ ಇರುವುದಿಲ್ಲ. ಉಗುರು ಆಕರ್ಷಕವಾಗಿ ಕಾಣಲು ಅದನ್ನು ನೀಟಾಗಿ ಕತ್ತರಿಸಿದರೆ ಮಾತ್ರ ಸಾಲದು ಅದರ ಹೊಳಪನ್ನು ಹೆಚ್ಚಿಸಬೇಕು.

ಈ ಕೆಳಗೆ ಕೆಲವು ಮ್ಯಾನಿಕ್ಯೂರ್ ಗಳನ್ನು ಹೇಳಲಾಗಿದೆ. ಅವುಗಳಲ್ಲಿ ಯಾವುದಾದರೂ ಒಂದನ್ನು ಪಾಲಿಸಿದರೆ ಸಾಕು ಉಗುರಿನ ಸೌಂದರ್ಯ ಹೆಚ್ಚುವುದು. ಈ ಮ್ಯಾನಿಕ್ಯೂರ್ ಗಳನ್ನು ಪಾರ್ಲರ್ ಗೆ ಹೋಗಿ ಎರಡು ತಿಂಗಳಿಗೆ ಒಮ್ಮೆ ಮಾಡಿದರೂ ಸಾಕು.

1. ಫ್ರೆಂಚ್ ಮ್ಯಾನಿಕ್ಯೂರ್: ಈ ಮ್ಯಾನಿಕ್ಯೂರ್ ಮಾಡಿದರೆ ಉಗುರು ತುಂಬಾ ಬೆಳ್ಳಗೆ ಕಾಣಿಸುತ್ತದೆ. ಈ ರೀತಿಯ ಮ್ಯಾನಿಕ್ಯೂರ್ ಮಾಡುವಾಗ ಉಗುರನ್ನು ಚೌಕಾಕಾರದಲ್ಲಿ ಕತ್ತರಿಸಿ ನಂತರ ಅವುಗಳನ್ನು ಮ್ಯಾನಿಕ್ಯೂರ್ ಮಾಡಲಾಗುವುದು. ಈ ರೀತಿ ಮಾಡಿದ್ದೇ ಆದರೆ ಉಗುರು ಅತ್ಯಾಕರ್ಷಕವಾಗಿ ಕಂಡು ಕೈ ಮತ್ತು ಕಾಲಿನ ಅಂದ ಹೆಚ್ಚುವುದು.

2. ಪಾರಾಫಿನ್ ವ್ಯಾಕ್ಸ್ ಮ್ಯಾನಿಕ್ಯೂರ್: ಈ ಮ್ಯಾನಿಕ್ಯೂರ್ ಮಾಡಿದರೆ ಕೈ , ಕಾಲು ಮತ್ತು ಉಗುರುಗಳು ತುಂಬಾ ಸ್ವಚ್ಚವಾಗಿ ಕಾಣುತ್ತದೆ. ಇದರಲ್ಲಿ ಬಿಸಿಯಾದ ವ್ಯಾಕ್ಸ್ ಅನ್ನು ಹಚ್ಚಿ ಒಣಗಿದ ನಂತರ ಕಿತ್ತು ತೆಗೆಯಲಾಗುವುದು. ಈ ರೀತಿ ಮಾಡಿದರೆ ತ್ವಚೆ ತುಂಬಾ ಮೃದುವಾಗುವುದು ಮತ್ತು ಕೈ ಮತ್ತು ಕಾಲು ಆಕರ್ಷಕವಾಗಿ ಕಾಣುತ್ತದೆ.

3. ಬ್ರೆಜಲೈನ್ ಮ್ಯಾನಿಕ್ಯೂರ್: ಮ್ಯಾನಿಕ್ಯೂರ್ ನಲ್ಲಿ ಬಳಸುವ ರಾಸಾಯನಿಕವು ಉಗುರನ್ನು ಹೊಳೆಯುವಂತೆ ಮಾಡುವುದರ ಜೊತೆಗೆ ಗಟ್ಟಿ ಮಾಡುತ್ತದೆ. ಇದರಿಂದ ಉಗುರುಗಳು ಬೇಗನೆ ಮುರಿಯುವುದಿಲ್ಲ.

4. ಹಾಟ್ ಸ್ಟೋನ್ ಮ್ಯಾನಿಕ್ಯೂರ್: ಬಿಸಿ ಕಲ್ಲನ್ನು ಬಳಸಿ ಮ್ಯಾನಿಕ್ಯೂರ್ ಮಾಡಲಾಗುವುದು. ಈ ರೀತಿ ಮಾಡಿದರೆ ದೇಹಕ್ಕೆ ವಿಶ್ರಾಂತಿಯ ಅನುಭವ ಉಂಟಾಗುವುದು ಮತ್ತು ತ್ವಚೆ ಹೊಳಪು ಹೆಚ್ಚುವುದು. ಇದರಿಂದಾಗಿ ಕೈ ಮತ್ತು ಕಾಲುಗಳು ಸ್ವಚ್ಚವಾಗಿ, ಆಕರ್ಷಕವಾಗಿ ಕಾಣುವುದು.

4. ಶೆಲಾಕ್ ಜೆಲ್ ಮ್ಯಾನಿಕ್ಯೂರ್: ಇದು ಸ್ವಲ್ಪ ದುಬಾರಿ ಬೆಲೆಯ ಮ್ಯಾನಿಕ್ಯೂರ್ ಆಗಿದೆ. ಈ ಮ್ಯಾನಿಕ್ಯೂರ್ ಮಾಡಿದರೆ ಉಗುರುಗಳು ಗಟ್ಟಿಯಾಗುತ್ತದೆ ಮತ್ತು ನೋಡಲು ಬೆಳ್ಳಗೆ ಹೊಳಪಿನಿಂದ ಕೂಡಿರುತ್ತದೆ.