ಐಬ್ರೋ ಮಾಡಿಸುವಾಗ ಗಮನಿಸಬೇಕಾದ ಅಂಶಗಳು

Body Care

oi-Reena

By Hema S

Updated: Tuesday, July 10, 2012, 12:16 [IST]

ಐಬ್ರೋ ಮಾಡಿಸಿದರೆ ಮುಖ ಆಕರ್ಷಕವಾಗಿ ಕಾಣುವುದು. ಆದರೆ ಇದೇ ಐಬ್ರೋವನ್ನು ಸರಿಯಾದ ಶೇಪ್ ಕೊಡದಿದ್ದರೆ ಮುಖದ ಅಂದ ಕೆಡುವುದು. ಆದ್ದರಿಂದ ಐಬ್ರೋ ಮಾಡಿಸುವಾಗ ಚೆನ್ನಾಗಿ ಐಬ್ರೋ ಶೇಪ್ ಕೊಡುವ ಬ್ಯೂಟಿಷಿಯನ್ ಬಳಿ ಹೋಗಬೇಕು. ಬ್ಯೂಟಿಷಿಯನ್ ಅನ್ನು ಆಗಾಗ ಬದಲಾಯಿಸುತ್ತಾ ಇರಬಾರದು, ಈ ರೀತಿ ಮಾಡಿದರೆ ಐಬ್ರೋ ಶೇಪ್ ಹಾಳಾಗುವುದಿಲ್ಲ.

ಐಬ್ರೋ ಮಾಡಿಸುವಾಗ ಈ ಕೆಳಗಿನ ಅಂಶಗಳನ್ನು ಮುಖ್ಯವಾಗಿ ಗಮನಿಸಿಬೇಕು.

1. ನಿಮಗೆ ಯಾವ ರೀತಿಯ ಶೇಪ್‌ನ ಐಬ್ರೋ ಚೆನ್ನಾಗಿ ಕಾಣುತ್ತದೆ ಎಂದು ತಿಳಿದುಕೊಳ್ಳಬೇಕು. ಕೆಲವರಿಗೆ ದಪ್ಪವಾಗಿ ಮಾಡಿಸಿದರೆ ಚೆನ್ನಾಗಿ ಕಾಣಿಸಿದರೆ ಮತ್ತೆ ಕೆಲವರಿಗೆ ತೆಳ್ಳಗೆ ಮಾಡಿಸಿದರೆ ಚೆನ್ನಾಗಿ ಕಾಣಿಸುತ್ತದೆ. ಕೆಲವು ಬ್ಯೂಟಿಷಿಯನ್ ಐಬ್ರೋ ತುಂಬಾ ತೆಳ್ಳಗೆ ಮಾಡಿ ಬಿಡುತ್ತಾರೆ. ಆದ್ದರಿಂದ ಐಬ್ರೋ ಮಾಡಿಸುವ ಮುನ್ನ ಬ್ಯೂಟಿಷಿಯನ್ ಹತ್ತಿರ ನಿಮಗೆ ಐಬ್ರೋ ಯಾವ ಶೇಪ್ ನಲ್ಲಿ ಬೇಕು ಎಂದು ಹೇಳಿ, ಇಲ್ಲದಿದ್ದರೆ ಕೆಲವರು ತುಂಬಾ ತೆಳ್ಳಗೆ ಮಾಡಿಬಿಡುತ್ತಾರೆ.

2. ಐಬ್ರೋ ಬಿಲ್ಲಿನ ರೀತಿಯಲ್ಲಿ ಇದ್ದರೆ ತುಂಬಾ ಆಕರ್ಷಕವಾಗಿ ಕಾಣುತ್ತದೆ. ಆದರೆ ತುಂಬಾ ಬಾಗಿಸಬಾರದು, ತುಂಬಾ ಸ್ಟ್ರೈಟ್ ಆಗಿ ಮಾಡಿಸಬಾರದು, ಬಿಲ್ಲಿನ ರೀತಿಯ ಐಬ್ರೋ ಶೇಪ್ ಎಲ್ಲಾ ಮುಖಕ್ಕೂ ಆಕರ್ಷಕವಾಗಿ ಕಾಣುತ್ತದೆ. ದುಂಡು ಮುಖವಿರುವವರು ಸ್ವಲ್ಪ ದಪ್ಪವಾಗಿ ಮಾಡಿಸಿದರೆ ತುಂಬಾ ಚೆನ್ನಾಗಿ ಕಾಣುತ್ತದೆ.

3. ಐಬ್ರೋವನ್ನು ಚಿಕ್ಕ ಬ್ರೆಷ್ ನಿಂದ ಪ್ರತಿದಿನ ಬಾಚಬೇಕು.

4. ಐಬ್ರೋವನ್ನು 3 ವಾರಕ್ಕೊಮ್ಮೆಯಾದರೂ ಮಾಡಿಸಬೇಕು.

5. ಐಬ್ರೋ ಮಾಡಿಸಿದ ನಂತರ ಐಬ್ರೋ ಪೆನ್ಸಿಲ್ ಬಳಸಿದರೆ ಮುಖದ ಆಕರ್ಷಣೆ ಹೆಚ್ಚುವುದು.

6. ಒಂದು ವೇಳೆ ಐಬ್ರೋ ಬಿಳಿಯಾಗಿದ್ದರೆ ಬ್ರೋ ಸೀಲರ್ ಬಳಸಬಹುದು.

7. ಮುಖ ಟ್ಯಾನ್ ಆಗಿದ್ದರೆ ಐಬ್ರೋ ಮಾಡಿಸಬೇಡಿ.

8. ಐಬ್ರೋ ಮಾಡಿಸುವ ಮುನ್ನ ಮುಖವನ್ನು ಸ್ವಚ್ಛವಾಗಿ ತೊಳೆದು, ತ್ವಚೆ ಒಣಗಿದ ನಂತರ ಮಾಡಿಸಿದರೆ ಅಷ್ಟು ನೋವಾಗುವುದಿಲ್ಲ. ತುಂಬಾ ಬೆವರು ಇದ್ದಾಗ ಹಾಗೇ ಐಬ್ರೋ ಮಾಡಿಸದೆ ಮುಖವನ್ನು ತೊಳೆದು ಮಾಡಿಸುವುದು ಒಳ್ಳೆಯದು.

9. ಐಬ್ರೋ ಮಾಡಿಸುವಾಗ ಕಣ್ಣು ಮತ್ತು ಹಣೆಯನ್ನು ಎಳೆದು ಹಿಡಿಯುತ್ತೇವೆ, ಹೀಗೆ ಎಳೆದು ಹಿಡಿದುರುವಾಗ ನೋವಾಯಿತು ಎಂದು ಬಿಡಬೇಡಿ, ಏಕೆಂದರೆ ಹೀಗೆ ಕೈ ಬಿಟ್ಟರೆ ಥ್ರೆಡ್ ನಿಂದ ಕೇಳುವಾಗ ಗಾಯವಾಗಬಹುದು.

10. ಐಬ್ರೋ ಮಾಡಿಸಿದ ನಂತರ ಕೂಡಲೇ ಹೋಗಿ ಕೆಮಿಕಲ್ ಹಾಕಿ ಮುಖ ತೊಳೆಯಬೇಡಿ, ಸ್ವಲ್ಪ ಹೊತ್ತಿನ ನಂತರ ಮುಖ ತೊಳೆದು ಕ್ರೀಮ್ ಹಚ್ಚಬೇಕು.

ದಿನಾ ಹರಳೆಣ್ಣೆಯನ್ನು ಹಚ್ಚಿದರೆ ಐಬ್ರೋ ಕಪ್ಪಾಗಿ ಆಕರ್ಷಕವಾಗಿ ಕಾಣುವುದು, ಐಬ್ರೋ ಸೌಂದರ್ಯ ಹೆಚ್ಚಿಸಲು ನಿಮ್ಮದೇನಾದರೂ ಸಲಹೆಗಳಿದ್ದರೆ ನಮಗೆ ಬರೆದು ಕಳುಹಿಸಿ.