ಸುಂದರವಾದ ಪಾದಗಳಿಗಾಗಿ ಪೆಡಿಕ್ಯೂರೇ ಬೇಕೆಂದಿಲ್ಲ!

ಹೆಚ್ಚಿನವರು ಮುಖದ ಆರೈಕೆ ಬಗ್ಗೆ ವಹಿಸುವಷ್ಟು ಎಚ್ಚರವನ್ನು ಕಾಲಿನ ಆರೈಕೆಯಲ್ಲಿ ವಹಿಸುವುದಿಲ್ಲ. ಸೌಂದರ್ಯವೆಂದು ಬಂದಾಗ ಮುಖ ಮಾತ್ರವಲ್ಲ ಕಾಲುಗಳು ಕೂಡ ಸುಂದರವಾಗಿರಬೇಕು. ಅದರಲ್ಲೂ ಚಪ್ಪಲಿ ಧರಿಸುವಾಗ ಪಾದಗಳು ಆಕರ್ಷಕವಾಗಿ ಕಾಣಬೇಕೆಂದರೆ ಅದರ ಆರೈಕೆ ಬಗ್ಗೆ ಗಮನಹರಿಸಬೇಕು. ಇದಕ್ಕಾಗಿ ಪಡಿಕ್ಯೂರ್ ಮಾಡಿಸಬಹುದು. ಆದರೆ ಅದನ್ನು ಮಾಡಿಸಿಕೊಂಡು ಕೂರಲು ಹೆಚ್ಚಿನವರಿಗೆ ಸಮಯವಿರುವುದಿಲ್ಲ, ಅಲ್ಲದೆ ಅಧಿಕ ಹಣವನ್ನು ಬ್ಯೂಟಿ ಪಾರ್ಲರ್‌ಗಳಿಗೆ ಕೊಡಬೇಕಾಗುತ್ತದೆ. ಅದರ ಬದಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಸುಂದರವಾದ ಪಾದಗಳು ನಿಮ್ಮದಾಗುವುದು.

ಕಾಲು ತೊಳೆಯುವುದು: ಹೊರಗಡೆ ಸುತ್ತಾಡಿ ಬಂದ ತಕ್ಷಣ ಕಾಲುಗಳನ್ನು ತೊಳೆಯಬೇಕು. ಕಾಲು ತೊಳೆಯಲು ಹದ ಬಿಸಿ ಬೀರನ್ನು ಉಪಯೋಗಿಸುವುದು ಒಳ್ಳೆಯದು. ಇದರಿಂದ ಬ್ಯಾಕ್ಟೀರಿಯಾಗಳು ನಾಶವಾಗುತ್ತದೆ.

ಬ್ರಷ್ ಬಳಸಬೇಕು: ಕಾಲುಗಳನ್ನು ತೊಳೆದು ಸೋಪು ಹಾಕಿ ಮೃದುವಾದ ಬ್ರಷ್ ಹಾಕಿ ಉಜ್ಜಬೇಕು.

ಉಗುರು: ಮಹಿಳೆಯರಿಗೆ ಉದ್ದದ ಕಾಲುಗಳಲ್ಲಿ ಉದ್ದದ ಉಗುರು ಬಿಡುವುದು ಅಂದ್ರೆ ಇಷ್ಟ. ಆದರೆ ತುಂಬ ಉದ್ದದ ಉಗುರುಗಳಿದ್ದರೆ ಕೊಳೆ ಬೇಗನೆ ತುಂಬಿಕೊಳ್ಳುವುದು. ಆದ್ದರಿಂದ ಕಾಲು ಉಗುರುಗಳನ್ನು ಕತ್ತರಿಸಿ ಶುಚಿಯಾಗಿ ಇಟ್ಟುಕೊಳ್ಳುವುದು ಒಳ್ಳೆಯದು. ಒಂದು ವೇಳೆ ಉಗುರು ಬಿಟ್ಟರೂ ಕೂಡ ಕೊಳೆ ಕೂರಲು ಬಿಡಬಾರದು.

ಮಾಯಿಶ್ಚರೈಸರ್: ಕಾಲಿನ ಸೌಂದರ್ಯವನ್ನು ಹೆಚ್ಚಿಸಲು ಮಾಯಿಶ್ಚರೈಸರ್ ಮಾಡಬೇಕು. ಈ ರೀತಿ ಮಾಡಿದರೆ ಪಾದಗಳಲ್ಲಿ ಬಿರುಕು ಕಾಣಿಸಿಕೊಳ್ಳುವುದಿಲ್ಲ. ಮೃದುವಾದ ಪಾದ ನಿಮ್ಮದಾಗುವುದು.