ಮುಜುಗರ ತರದಂತೆ ಇರಲಿ ಡ್ರೆಸ್ಸಿಂಗ್!

ಹೆಣ್ಣು ಮಕ್ಕಳು ಡ್ರೆಸ್ ಮಾಡುವಾಗ ಸ್ವಲ್ಪ ಎಚ್ಚರಿಕೆಯಿಂದ ಡ್ರೆಸ್ ಮಾಡಬೇಕು. ಕೆಲವೊಂದು ಡ್ರೆಸ್ ಮಾಡುವಾಗ ಡ್ರೆಸ್ ತುಂಬಾ ತೆಳುವಾಗಿದ್ದು ದೇಹದ ಅಂಗಾಂಗಗಳು ಎದ್ದು ಕಾಣುವಂತೆ ಇದ್ದರೆ ನೋಡುಗರಿಗೆ ಮುಜುಗರ ಉಂಟು ಮಾಡುವುದು ಅಲ್ಲದೆ ಹುಡುಗರು ಹುಡುಗಿಯರ ಆ ರೀತಿಯ ಡ್ರೆಸ್ಸಿಂಗ್ ನೋಡಿ ಹಿಂದಿನಿಂದ ಗೇಲಿ ಮಾಡುತ್ತಾರೆ. ಅದರಲ್ಲೂ ಟಿ ಶರ್ಟ್ ಅಥವಾ ಶರ್ಟ್ ಧರಿಸಿದಾಗ ಸ್ತನದ ತೊಟ್ಟುಗಳು ಎದ್ದು ಕಾಣುವಂತೆ ಡ್ರೆಸ್ ಮಾಡಬಾರದು. ಈ ರೀತಿ ಕಂಡರೆ ಧರಿಸಿದವರಿಗಿಂತ ಇತರ ಹೆಣ್ಣು ಮಕ್ಕಳು ಹೆಚ್ಚು ಮುಜುಗರವನ್ನು ಪಡುವಂತವಾಗುವುದು. ಅಲ್ಲದೆ ಡ್ರೆಸ್ಸಿಂಗ್ ವ್ಯಕ್ತಿಯ ವ್ಯಕ್ತಿತ್ವವನ್ನು ಹೇಳುವುದರಿಂದ ಆದಷ್ಟು ಸಭ್ಯ ರೀತಿಯಲ್ಲಿ ಡ್ರೆಸ್ ಮಾಡಿದರೆ ನೋಡುವವರು ಕೂಡ ಗೌರವದ ದೃಷ್ಟಿಯಿಂದ ನೋಡುತ್ತಾರೆ. ಎದೆ ಭಾಗ ಎದ್ದು ಕಂಡು ಮುಜುಗರ ಉಂಟು ಮಾಡದಿರಲು ಡ್ರೆಸ್ ಹಾಕುವಾಗ ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

ವಿವಿಧ ಬಣ್ಣದ ಬಟ್ಟೆ: ಹೆಚ್ಚಾಗಿ ಒಂದೇ ಬಣ್ಣದ ಡ್ರೆಸ್ ಹಾಕಿದಾಗ ನೋಡುಗರ ದೃಷ್ಟಿ ಎದೆಯತ್ತ ಹೋಗುವುದು. ಅದರ ಬದಲು ಬಣ್ಣ ಬಣ್ಣದ ಡ್ರೆಸ್ ಹಾಕಿದಾಗ ಆ ಭಾಗ ಹೆಚ್ಚಾಗಿ ಗಮನ ಸೆಳೆಯುವುದಿಲ್ಲ. ಆದ್ದರಿಂದ ಹೂವಿನ ಅಲಂಕಾರ ಇರುವ ಅಥವಾ ವಿನ್ಯಾಸವಿರುವ ಟಾಪ್ ಧರಿಸುವುದು ಒಳ್ಳೆಯದು.

ಸ್ಲಿಪ್: ಸ್ಲಿಪ್ ಗಳನ್ನು ಕೊಳ್ಳುವಾಗ ಕಾಟನ್ ಸ್ಲಿಪ್ ಕೊಳ್ಳಬೇಕು. ಪಾಲಿಸ್ಟರ್ ಅಥವಾ ಐಕ್ರಾ ಬಟ್ಟೆಗಳನ್ನು ಧರಿಸಿದಾಗ ಅದು ಮೈಗೆ ಅಂಟಿ ನಿಲ್ಲುವುದರಿಂದ ಸ್ತನ ತೊಟ್ಟುಗಳು ಎದ್ದುಕಾಣುವುದು. ಆದ್ದರಿಂದ ಕಾಟನ್ ಬಟ್ಟೆಗಳನ್ನು ಆಯ್ಕೆ ಮಾಡುವುದು ಒಳ್ಳೆಯದು.

ಗಾಢ ಬಣ್ಣದ ಬಟ್ಟೆ: ತೆಳು ಬಣ್ಣಕ್ಕಿಂತ ಗಾಢ ಬಣ್ಣದ ಡ್ರೆಸ್ ಧರಿಸಿದರೆ ಮೈ ಭಂಗಿ ಅಷ್ಟಾಗಿ ಎದ್ದು ಕಾಣುವುದಿಲ್ಲ. ಆದ್ದರಿಂದ ಬಿಳಿ, ಬೇಬಿ ಪಿಂಕ್, ಹಳದಿ ಬಣ್ಣದ ಡ್ರೆಸ್ ಹಾಕುವಾಗ ಎದೆ ಮುಜುಗರ ತರದಂತೆ ಡ್ರೆಸ್ ಮಾಡಬೇಕು.

ಪ್ಯಾಡೆಡ್ ಡ್ರೆಸ್: ಎದೆಯಿಂದ ಉಂಟಾಗುವ ಮುಜುಗರವನ್ನು ತಪ್ಪಿಸಲು ಪ್ಯಾಡೆಡ್ ಬ್ರಾ ಧರಿಸಬಹುದು.

ಡ್ರೆಸ್ಸಿಂಗ್: ಡ್ರೆಸ್ ಮಾಡಿದ ನಂತರ ಸ್ಟೋಲ್ (ಶಾಲೂ) ಹಾಕಿದರೆ ನೋಡುಗರ ಕಣ್ಣಿಗೆ ನೀಟಾಗಿ ಮತ್ತು ಫ್ಯಾಷನೇಬಲ್ ಆಗಿ ಕಾಣಿವಿರಿ.

ಟ್ಯೂಬ್ ಟಾಪ್ : ಈಗೆಲ್ಲಾ ಟ್ಯೂಬ್ ಟಾಪ್ ಬಂದಿರುವುದರಿಂದ ಅದನ್ನು ಧರಿಸಿ ನಂತರ ಡ್ರೆಸ್ ಹಾಕಿದರೆ ಯಾವುದೇ ಮುಜುಗರ ಉಂಟಾಗುವುದಿಲ್ಲ ಅಲ್ಲದೆ ಸ್ತನ ಕೂಡ ಆಕರ್ಷಕ ಆಕಾರವನ್ನು ಪಡೆಯುವುದು.

ಜಾಕೆಟ್ ಅಥವಾ ಸ್ಕಾರ್ಫ್ : ಟಿ ಶರ್ಟ್ ಹಾಕಿದಾಗ ಅದರ ಮೇಲೆ ಜಾಕೆಟ್ ಅಥವಾ ಸ್ಕಾರ್ಫ್ ಹಾಕಿದರೆ ಫ್ಯಾಷನೇಬಲ್ ಆಗಿ ಮತ್ತು ನೀಟಾಗಿ ಕಾಣಬಹುದು.

ಪೂರಕ ವಸ್ತುಗಳು:
ಪ್ಯಾಡೆಡ್ ಬ್ರಾ: ಪ್ಯಾಡೆಡ್ ಬ್ರಾ ಧರಿಸಿ, ನಂತರ ಟಿ ಶರ್ಟ್ ಧರಿಸಿದರೆ ಯಾವುದೇ ರೀತಿಯ ಮುಜುಗರ ಉಂಟಾಗುವುದಿಲ್ಲ.
ನಿಪ್ಪಲ್ ಕವರ್ಸ್: ನಿಪ್ಪಲ್ ಕವರ್ ಮಾರ್ಕೆಟ್ ನಲ್ಲಿ ಲಭ್ಯವಿದ್ದು ಅದನ್ನು ಬಳಸಿದರೆ ಎದೆ ಭಾಗ ಎದ್ದು ಕಾಣುವುದಿಲ್ಲ.