ತೆಳು ಹುಬ್ಬನ್ನು ನೈಸರ್ಗಿಕವಾಗಿ ಮಂದವಾಗಿಸುವ ವಿಧಾನ

Updated: Friday, June 21, 2013, 14:53 [IST]

ಮುಖದ ಆಕರ್ಷಣೆ ಹೆಚ್ಚಿಸುವಲ್ಲಿ ಹುಬ್ಬು ಕೂಡ ಪ್ರಮುಖ ಪಾತ್ರವಹಿಸುತ್ತದೆ. ಹುಬ್ಬಿನ ಶೇಪ್ ಚೆನ್ನಾಗಿಲ್ಲವೆಂದರೆ ಬ್ಯೂಟಿ ಪಾರ್ಲರ್ ಹೋಗಿ ಶೇಪ್ ಮಾಡಿಸಬಹುದು. ಆದರೆ ಹುಬ್ಬು ಮಂದವಾಗಿಲ್ಲವೆಂದರೆ ಬರೀ ಶೇಪ್ ಮಾಡಿಸಿದ ಮಾತ್ರಕ್ಕೆ ಆಕರ್ಷಕವಾಗಿ ಕಾಣುವುದಿಲ್ಲ. ಅದು ಕಪ್ಪಾಗಿ ಸ್ವಲ್ಪ ಮಂದವಾಗಿ ಕಂಡರೆ ಮಾತ್ರ ಹುಬ್ಬು ತುಂಬಾ ಆಕರ್ಷಕವಾಗಿ ಕಾಣುವುದು.

ಹುಬ್ಬು ಆಕರ್ಷಕವಾಗಿ ಕಾಣಲು ಐಬ್ರೋ ಪೆನ್ಸಿಲ್ ಬಳಸಿ ಮೇಕಪ್ ಮಾಡಬಹುದು. ಆದರೆ ಮೇಕಪ್ ನಿಂದ ನೈಸರ್ಗಿಕ ಚೆಲುವನ್ನು ಪಡೆಯಲು ಸಾಧ್ಯವಿಲ್ಲ. ಹುಬ್ಬು ದಪ್ಪವಿಲ್ಲದಿದ್ದರೆ ಅದಕ್ಕಾಗಿ ತುಂಬಾ ತಲೆ ಕೆಡಿಸಬೇಕಾಗಿಲ್ಲ, ಏಕೆಂದರೆ ಕೆಲವೊಂದು ನೈಸರ್ಗಿಕವಾದ ವಿಧಾನಗಳನ್ನು ಪಾಲಿಸಿದರೆ ಸಾಕು ಹುಬ್ಬು ಮಂದವಾಗುವುದು ಹಾಗೂ ನೈಸರ್ಗಿಕ ಚೆಲುವನ್ನು ಪಡೆಯುವುದು.

ಹುಬ್ಬನ್ನು ಮಂದವಾಗಿಸಲು ಈ ಕೆಳಗ್ಗೆ ಕೆಲವೊಂದು ನೈಸರ್ಗಿಕವಾದ ವಿಧಾನಗಳನ್ನು ಹೇಳಲಾಗಿದೆ. ಈ ನೈಸರ್ಗಿಕ ವಿಧಾನವನ್ನು ಪಾಲಿಸುವುದಾದರೆ ಸ್ವಲ್ಪ ತಾಳ್ಮೆ ಬೇಕು. ಏಕೆಂದರೆ ಈ ವಿಧಾನವನ್ನು ಪಾಲಿಸಿ ಅದರ ಫಲಿತಾಂಶ ಗೊತ್ತಾಗಲು 3-6 ತಿಂಗಳು ಬೇಕಾಗುವುದು. ಒಮ್ಮೆ ಹುಬ್ಬು ಮಂದವಾಯಿತೆಂದರೆ ಮತ್ತೆ ಅದು ತನ್ನ ಆಕರ್ಷಣೆಯನ್ನು ಕಳೆದುಕೊಳ್ಳುವುದಿಲ್ಲ.

ಹರಳೆಣ್ಣೆ:

ಹರಳೆಣ್ಣೆಯಿಂದ ಹುಬ್ಬಿಗೆ 2-3 ನಿಮಿಷ ಮಸಾಜ್ ಮಾಡಿ ಅರ್ಧ ಗಂಟೆಯ ಬಳಿಕ ಹದ ಬಿಸಿ ನೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ಪ್ರತಿದಿನ ಮಾಡಬೇಕು.

ತೆಂಗಿನೆಣ್ಣೆ ಮತ್ತು ನಿಂಬೆಹಣ್ಣಿನ ಸಿಪ್ಪೆ:

ನಿಂಬೆ ಸಿಪ್ಪೆಯನ್ನು ಪೇಸ್ಟ್ ಮಾಡಿ ಅದನ್ನು ತೆಂಗಿನೆಣ್ಣೆಯಲ್ಲಿ ಮಿಶ್ರಣ ಮಾಡಿ ಕತ್ತಲಿರುವ ಪ್ರದೇಶದಲ್ಲಿ ಇಡಬೇಕು. ನಂತರ ಆ ಮಿಶ್ರಣವನ್ನು ಪ್ರತಿದಿನ ಹುಬ್ಬಿಗೆ ಹಚ್ಚಬೇಕು. ಈ ರೀತಿ ಮಾಡಿದರೆ ಹುಬ್ಬು ಮಂದವಾಗಿ ಬೆಳೆಯುವುದು.