ಪುರುಷರು ಆಕರ್ಷಕವಾಗಿ ಕಾಣಲು ಕೆಲ ಸಲಹೆಗಳು

Body Care

oi-Reena

By Hema S

Updated: Thursday, April 4, 2013, 9:22 [IST]

ಹೆಚ್ಚಿನ ಪುರುಷರಿಗೆ ಸೌಂದರ್ಯ ಸಲಹೆಗಳನ್ನು ಪಾಲಿಸಲು ಮುಜುಗರ, ಆದರೆ ತಾವು ಸುಂದರವಾಗಿ ಕಾಣಬೇಕು, ನಮ್ಮನ್ನು ನೋಡಿ ಮಹಿಳೆಯರು 'ಯೂ ಆರ್ ಲುಕ್ಕಿಂಗ್ ಸೋ ಹ್ಯಾಂಡ್ ಸಮ್' ಅಂತ ಹೇಳಬೇಕು ಎಂಬ ಆಸೆ ಇರುತ್ತದೆ. ನೈಸರ್ಗಿಕವಾಗಿ ಎಷ್ಟೇ ಸುಂದರವಾಗಿದ್ದರೂ ನೋಡುಗರಿಗೆ ಆಕರ್ಷಕವಾಗಿ ಕಾಣಬೇಕೆಂದರೆ ತ್ವಚೆ ಆರೈಕೆ ಬಗ್ಗೆ ಸ್ವಲ್ಪ ಗಮನ ನೀಡಬೇಕು. ಈ ಕೆಳಗೆ ಕೆಲ ಸಲಹೆಗಳಿವೆ, ಅವುಗಳು ನಿಮ್ಮನ್ನು ಆಕರ್ಷಕವಾಗಿ ಕಾಣುವಂತೆ ಮಾಡುತ್ತದೆ.

1. ಪುರುಷರು ಆಕರ್ಷಕವಾಗಿ ಕಾಣಬೇಕೆಂದರೆ ನೀಟಾಗಿ ಶೇವ್ ಮಾಡಬೇಕು, ಗಡ್ಡ ಬಿಡುವುದಕ್ಕೆ ಇಷ್ಟ ಪಡುವವರು ಅದನ್ನು ಆಗಾಗ ಟ್ರಿಮ್ ಮಾಡುತ್ತಿರಬೇಕು. ಶೇವ್ ಮಾಡುವರು ಮುಖ್ಯವಾಗಿ ಗಮನಿಸಬೇಕಾದ ಅಂಶವೆಂದರೆ ಎದ್ದ ಕೂಡಲೇ ಶೇವ್ ಮಾಡಬಾರದು. ಶೇವ್ ಜೆಲ್ ಬದಲು ಫೇಶಿಯಲ್ ಕ್ಲೆನ್ಸರ್ ಬಳಸುವುದು ಒಳ್ಳೆಯದು.

2. ಪುರುಷರು ಹೆಚ್ಚಾಗಿ ಮೈ ತಿಕ್ಕುವ ಸೋಪನ್ನೇ ಮುಖಕ್ಕೆ ಬಳಸುತ್ತಾರೆ. ತುಂಬಾ ಎಣ್ಣೆ ಮುಖವಿರುವವರು ಸೋಪು ಬಳಸದೆ ಫೇಸ್ ವಾಶ್ ಬಳಸುವುದು ಒಳ್ಳೆಯದು. ಮುಖವನ್ನು ದಿನಾ ಕ್ಲೆನ್ಸ್ ಮಾಡಿ ಮಾಯಿಶ್ಚರೈಸರ್ ಮಾಡಿದರೆ ಮುಖದ ಕಾಂತಿ ಹೆಚ್ಚುವುದು.

3. ಮುಖದಲ್ಲಿರುವ ಬ್ಲ್ಯಾಕ್ ಹೆಡ್ಸ್ , ವೈಟ್ ಹೆಡ್ಸ್ ಮತ್ತು ನಿರ್ಜೀವ ತ್ವಚೆ ಹೋಗಲಾಡಿಸಲು ವಾರದಲ್ಲಿ ಎರಡು ಬಾರಿ ಫೇಸ್ ಸ್ಕ್ರಬ್ ಮಾಡಬೇಕು.

4. ನೆರೆ ಕೂದಲನ್ನು ಮರೆ ಮಾಚಲು ಮೆನ್ ಹೇರ್ ಕಲರ್ ಕ್ರೀಮ್ ಗಳನ್ನು ಬಳಸಬಹುದು.

5. ಲಿಪ್ ಬಾಮ್ ತುಟಿಯ ರಕ್ಷಣೆಗೆ ಇರುವುದರಿಂದ ಮಹಿಳೆಯರು ಮಾತ್ರವಲ್ಲ ಪುರುಷರು ಕೂಡ ಹಚ್ಚಬಹುದಾಗಿದೆ.

6. ಮದ್ಯಪಾನ, ಧೂಮಪಾನ ಆರೋಗ್ಯಕ್ಕೆ ಹಾನಿಕಾರ. ಅದರಲ್ಲೂ ಮಿತಿ ಮೀರಿ ಧೂಮಪಾನ ಮತ್ತು ಮದ್ಯಪಾನ ಮಾಡುತ್ತಿದ್ದರೆ ಮುಖ ಸುಕ್ಕಾಗಿ ಬೇಗನೆ ವಯಸ್ಸಾದಂತೆ ಕಾಣುವುದು.

7. ಮುಖಕ್ಕೆ ಲೋಳೆಸರ ಹಚ್ಚಿದರೆ ಮುಖದಲ್ಲಿರುವ ಮೊಡವೆ, ಕಲೆಗಳಿದ್ದರೆ ಕಡಿಮೆಯಾಗಿ ಮುಖದ ಕಾಂತಿ ಹೆಚ್ಚುವುದು.

8. ಕಣ್ಣಿನ ಸುತ್ತ ಕಪ್ಪು ಕಲೆಗಳು ಉಂಟಾಗುವುದನ್ನು ತಡೆಯಲು ಮಿತಿ ಮೀರಿ ಟೀ ಕುಡಿಯಬಾರದು.

9. ಹಲ್ಲುಗಳನ್ನು ಬ್ರೆಷ್ ನಿಂದ ಬಲವಾಗಿ ತಿಕ್ಕಬೇಡಿ, ಪೇಸ್ಟ್ ನಿಂದ ಹಲ್ಲು ಉಜ್ಜಿದ ನಂತರ ಸ್ವಲ್ಪ ಉಪ್ಪು ಹಾಕಿ ಹಲ್ಲುಜ್ಜಿದರೆ ಹಲ್ಲುಗಳು ಬೆಳ್ಳಗ್ಗೆ ಕಾಣಿಸುತ್ತದೆ.

10. ಚೆನ್ನಾಗಿ ಬೆವರು ಬರುವಂತಹ ವ್ಯಾಯಾಮ ಮಾಡಬೇಕು. ಮೈಯಿಂದ ಬೆವರು ಬಂದರೆ ಬೆವರಿನ ರೂಪದಲ್ಲಿ ಕಶ್ಮಲಗಳು ಹೊರಗೆ ಹೋಗುವುದರಿಂದ ತ್ವಚೆ ಕಾಂತಿಯನ್ನು ಪಡೆಯುತ್ತದೆ.