ಸ್ಟ್ರೆಚ್ ಮಾರ್ಕ್ಸ್ ನಿಂದ ಮುಕ್ತಿ ಪಡೆಯಬೇಕೆ?

Body Care

oi-Reena

By Hema S

Updated: Wednesday, October 31, 2012, 11:11 [IST]

ಸ್ಟ್ರೆಚ್ ಮಾರ್ಕ್ಸ್ ಮಹಿಳೆಯರಿಗೆ ಮುಜುಗರವನ್ನು ತರುವ ವಿಷಯವಾಗಿದೆ. ಸೀರೆ ಹಾಕಿದಾಗ ಹೊಟ್ಟೆಯಲ್ಲಿ ಸ್ಟ್ರೆಚ್ ಮಾರ್ಕ್ಸ್ ಕಂಡರೆ ಆಕರ್ಷಕವಾಗಿ ಕಾಣುವುದಿಲ್ಲ. ಈ ರೀತಿಯ ಸ್ಟ್ರೆಚ್ ಮಾರ್ಕ್ಸ್ ಗರ್ಭಿಣಿಯಾಗುವಾಗ ಬೀಳುತ್ತದೆ, ಹೆರಿಗೆಯ ನಂತರ ಸ್ಟ್ರೆಚ್ ಮಾರ್ಕ್ಸ್ ಹಾಗೇ ಉಳಿದುಕೊಂಡು ಬಿಡುತ್ತದೆ. ಆದರೆ ಈ ಸ್ಟ್ರೆಚ್ ಮಾರ್ಕ್ಸ್ ಅನ್ನು ದೇಹದ ಬಗ್ಗೆ ಆರೈಕೆ ಮಾಡಿದರೆ ಹೋಗಲಾಡಿಸಬಹುದು. ಅದರಲ್ಲೂ ತ್ವಚೆ ಆರೈಕೆಯಲ್ಲಿ ವಿಟಮಿನ್ ಎ ಮತ್ತು ಸಿ ಅವಶ್ಯಕ.

ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸಲು ಈ ಕೆಳಗಿನ ವಸ್ತುಗಳಿಂದ ಮಸಾಜ್ ಮಾಡಿ ಕಲೆ ರಹಿತ, ಸ್ವಚ್ಛವಾದ ತ್ವಚೆ ನಿಮ್ಮದಾಗುವುದು:

1. ಬಾದಾಮಿ ಎಣ್ಣೆ, 1 ಚಮಚ ವ್ಹೀಟ್ ಜೆರ್ಮ್ ಎಣ್ಣೆ (wheat germ oil), ರೋಸ್ ಆಯಲ್(ಎಣ್ಣೆ), ನಿರೋಲಿ ಆಯಿಲ್, ರೋಸ್ ಮೆರಿ ಇವುಗಳನ್ನು ಮಿಶ್ರಣ ಮಾಡಿ ಅದರಿಂದ ವೃತ್ತಾಕಾರವಾಗಿ 20 ನಿಮಿಷ ಮಸಾಜ್ ಮಾಡಬೇಕು. ಈ ರೀತಿ ಪ್ರತಿದಿನ ಮಾಡಿದರೆ ಸ್ಟ್ರೆಚ್ ಮಾರ್ಕ್ಸ್ ಕಡಿಮೆಯಾಗುವುದು (ಈ ಎಣ್ಣೆಗಳು ಆರೋಮಾ ಎಣ್ಣೆ ಅಂಗಡಿಯಲ್ಲಿ ದೊರೆಯುತ್ತದೆ).

2. 10 ಹನಿಯಷ್ಟು ರೋಸ್ ಮೆರಿ ಎಣ್ಣೆಗೆ ಒಂದು ಚಮಚ ಬಾದಾಮಿ ಎಣ್ಣೆ ಹಾಕಿ ಮಿಶ್ರಣ ಮಾಡಿ ಅದರಿಂದ ಸ್ಟ್ರೆಚ್ ಮಾರ್ಕ್ಸ್ ಇರುವಲ್ಲಿ ಮಸಾಜ್ ಮಾಡಿದರೆ ಸಾಕು ಕಲೆ ಕಡಿಮೆಯಾಗುವುದು.

3. 1 ಚಮಚ ಲ್ಯಾವೆಂಡರ್ ಗೆ 1 ಚಮಚ ಆಲೀವ್ ಎಣ್ಣೆಯನ್ನು ಹಾಕಿ ಮಿಶ್ರಣ ಮಾಡಿ ಅದರಿಂದ ಮಸಾಜ್ ಮಾಡಿದರೂ ಸ್ಟ್ರೆಚ್ ಮಾರ್ಕ್ಸ್ ಕಡಿಮೆಯಾಗುವುದು.

4. ಆಪ್ರಿಕಾಟ್ ಎಣ್ಣೆಗೆ ಲ್ಯಾವೆಂಡರ್ ಎಣ್ಣೆ ಹಾಕಿ ಮಸಾಜ್ ಮಾಡಿದರೂ ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸಬಹುದು.

ಈ ರೀತಿಯ ಸ್ಟ್ರೆಚ್ ಮಾರ್ಕ್ಸ್ ದಪ್ಪವಿದ್ದವರು ಸಣ್ಣಗಾದಾಗ ಕೂಡ ಉಂಟಾಗುತ್ತದೆ. ಆಗ ಈ ರೀತಿಯಲ್ಲಿ ಮಸಾಜ್ ಮಾಡಿ ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸಿ, ಕಾಂತಿಯುತ ತ್ವಚೆಯನ್ನು ಪಡೆಯಿರಿ.