ಹೊಳೆಯವ ಮೈಕಾಂತಿಯನ್ನು ಪಡೆಯುವುದು ಹೇಗೆ?

Body Care

oi-Reena

By Hema S

Updated: Thursday, October 25, 2012, 9:49 [IST]

ನಾವೆಲ್ಲಾ ತ್ವಚೆಯನ್ನು ಕಣ್ಣಿಗೆ ಕಾಣುವ ಒಂದು ಪದರ ಎಂದು ಭಾವಿಸಿದರೆ ಸ್ಕಿನ್ ಡಾಕ್ಟರ್ ತ್ವಚೆಯನ್ನು ಒಂದು ಅಂಗವೆಂದು ಹೇಳುತ್ತಾರೆ. ತ್ವಚೆ ರೋಗ ನಿರೋಧಕ ಅಂಶವಿರುವ ಒಂದು ಪದರವಾಗಿದೆ. ಆದ್ದರಿಂದಲೇ ರೋಗ ನಿರೋಧಕ ಸಾಮರ್ಥ್ಯ ಕಮ್ಮಿಯಾದಾಗ ಬೇಗನೆ ಕಾಯಿಲೆಗಳು ಬರುವುದು.

ತ್ವಚೆಗೆ ಅನೇಕ ರಾಸಾಯನಿಕಗಳನ್ನು ಹಚ್ಚುವುದರಿಂದ ತ್ವಚೆಗೆ ಹಾನಿ ಉಂಟಾಗುವುದಲ್ಲದೆ ತ್ವಚೆಗೆ ಹೊಳಪು ಬರಲು ಸಾಧ್ಯವಿಲ್ಲ. ನಿಮ್ಮ ತ್ವಚೆಯು ಆರೋಗ್ಯಕರವಾಗಿ ಹಾಗೂ ಆಕರ್ಷಕವಾಗಿ ಇರಬೇಕೆಂದರೆ ಆದಷ್ಟು ನೈಸರ್ಗಿಕವಾದ ವಿಧಾನಗಳನ್ನು ಅನುಸರಿಸುವುದು ಒಳ್ಳೆಯದು.

1. ತುಂಬಾ ಹೊತ್ತು ಬಿಸಿ ನೀರಿನಲ್ಲಿ ಸ್ನಾನ ಮಾಡಬಾರದು ಹಾಗೂ ಬಿಸಿ ನೀರನ್ನು ಬಳಸಬಾರದು, ಅದೇ ರೀತಿ ತುಂಬಾ ತಣ್ಣೀರಿನಲ್ಲಿ ಕೂಡ ಸ್ನಾನ ಮಾಡಬಾರದು. ನ್ಯೂಯಾರ್ಕ್ ನಲ್ಲಿ ಇದರ ಬಗ್ಗೆ ನಡೆಸಿದ ಸಮೀಕ್ಷೆಯಲ್ಲಿ 10 ನಿಮಿಷಕ್ಕಿಂತ ಅಧಿಕ ಶವರ್ ನಲ್ಲಿ ಸ್ನಾನ ಮಾಡುವುದು ತ್ವಚೆಗೆ ಒಳ್ಳೆಯದಲ್ಲ ಎಂಬ ಅಂಶ ತಿಳಿದು ಬಂದಿದೆ.

2. ತ್ವಚೆಯನ್ನು ಕೈ ಬೆರಳಿನಿಂದ ಕೆರೆಯುವ ಮೊದಲು ಗಮನ ಹರಿಸಬೇಕು. ತ್ವಚೆ ತುಂಬಾ ಒಣಗಿದ್ದರೆ ಮೈಯನ್ನು ಬೆರಳಿನಿಂದ ಕೆರೆದರೆ ಗೆರೆ ಬೀಳುವುದು. ಆದಷ್ಟು ತ್ವಚೆಯನ್ನು ಮಾಯಿಶ್ಚರೈಸರ್ ಆಗಿ ಇಟ್ಟುಕೊಳ್ಳಿ.

3. ಮುಖ ಹಾಗೂ ಕುತ್ತಿಗೆಯ ತ್ವಚೆಯ ಬಗೆ ಹೆಚ್ಚಿನ ಗಮನವನ್ನು ಹರಿಸಬೇಕು. ಈ ಭಾಗಕ್ಕೆ ಪ್ರತಿದಿನ ಮಾಯಿಶ್ಚರೈಸರ್ ಹಚ್ಚಬೇಕು.

4. ಬೆಡ್ ರೂಂ ಗಾಳಿಯಾಡುವಂತೆ ಇರಬೇಕು. ಮಲಗುವ ಮೊದಲು ತ್ವಚೆಗೆ ಮಾಯಿಶ್ಚರಸರ್ ಮಾಡಬೇಕು.

5. ಹಣ್ಣುಗಳನ್ನು, ಸೊಪ್ಪು ತರಕಾರಿಗಳನ್ನು ಹೆಚ್ಚಾಗಿ ತಿನ್ನಬೇಕು. ಎಣ್ಣೆ ಸ್ನಾನ, ಮಾಯಿಶ್ಚರೈಸರ್ ಮಾಡಬೇಕು. ವ್ಯಾಯಾಮ ಮಾಡಬೇಕು ಈ ಅಂಶಗಳನ್ನು ಪಾಲಿಸಿದರೆ ಯಾವುದೇ ಕ್ರೀಮ್ , ಪೌಡರ್ ಇಲ್ಲದೆ ಹೊಳೆಯುವ ತ್ವಚೆಯನ್ನು ಪಡೆಯಬಹುದು.