ಅವಗಾಡೊ ಎಣ್ಣೆ ಇರುವಾಗ ಕೃತಕ ಲಿಪ್‌ಸ್ಟಿಕ್ ಏಕೆ?

Body Care

oi-Reena

By Hema S

Published: Friday, June 22, 2012, 11:52 [IST]

ಅಂದವಾದ, ಮೃದುವಾದ ತುಟಿ ಹೆಣ್ಣಿನ ಸೌಂದರ್ಯವನ್ನು ಹೆಚ್ಚು ಮಾಡುತ್ತದೆ. ಆದ್ದರಿಂದ ತುಟಿ ಅಂದ ಹೆಚ್ಚಿಸಲು ಲಿಪ್ ಸ್ಟಿಕ್ , ಲಿಪ್ ಕೇರ್ ಬಳಸುವುದು ಸಹಜ. ಆದರೆ ಇವುಗಳಿಂದ ತಾತ್ಕಾಲಿಕವಾಗಿ ಸೌಂದರ್ಯವನ್ನು ಹೆಚ್ಚಿಸಬಹುದು. ಅಲ್ಲದೆ ಲಿಪ್ ಸ್ಟಿಕ್ ಅನ್ನು ಪ್ರತಿದಿನ ಹಚ್ಚುತ್ತಿದ್ದರೆ ತುಟಿ ತನ್ನ ನೈಸರ್ಗಿಕ ಸೌಂದರ್ಯವನ್ನು ಕಳೆದುಕೊಂಡು ಕಪ್ಪಾಗತೊಡಗುತ್ತದೆ.

ಆದ್ದರಿಂದ ಆಕರ್ಷಕ ತುಟಿ ಪಡೆಯಲು ನೈಸರ್ಗಿಕವಾದ ವಿಧಾನಗಳನ್ನು ಅನುಸರಿಸುವುದು ಒಳ್ಳೆಯದು. ಅದರಲ್ಲೂ ಬೆಣ್ಣೆ ಹಣ್ಣು ಅಥವಾ ಅವಗಾಡೊ ಹಣ್ಣು ತ್ವಚೆ ಮತ್ತು ಆರೋಗ್ಯಕ್ಕೆ ಒಳ್ಳೆಯದು. ಇದರಿಂದ ಫೇಶಿಯಲ್ ಮಾಡಿದರೆ ಮೃದುವಾದ ತ್ವಚೆಯನ್ನು ಪಡೆಯುತ್ತದೆ. ಇದೇ ಹಣ್ಣನ್ನು ತುಟಿ ಅಂದ ಹೆಚ್ಚಿಸಲು ಕೂಡ ಬಳಸಬಹುದಾಗಿದ್ದು ಬಳಸುವ ವಿಧಾನ ನೋಡಿ ಇಲ್ಲಿದೆ.

ಅವಗಾಡೊ ಎಣ್ಣೆ: ಈ ಎಣ್ಣೆ ಮಾರುಕಟ್ಟೆಯಲ್ಲಿ ಲಭ್ಯವಾಗುವುದು. ಬೆಣ್ಣೆ ಹಣ್ಣಿನ ಎಣ್ಣೆಯನ್ನು ಪ್ರತಿದಿನ ಮಲುಗುವ ಮುನ್ನ ತುಟಿಗೆ ಹಚ್ಚಿದರೆ ತುಟಿ ಮೃದುವಾಗುವುದು. ಈ ರೀತಿ ಹಚ್ಚುತ್ತಿದ್ದರೆ ಲಿಪ್ ಸ್ಟಿಕ್ ನಿಂದ ತುಟಿ ಕಪ್ಪಾಗುವುದನ್ನು ತಡೆಯಬಹುದು.

ಜೇನು ಮತ್ತು ಅವಗಾಡೊ ಎಣ್ಣೆ: ಜೇನು, ಸ್ವಲ್ಪ ಉಪ್ಪು, ಮತ್ತು ಅವಗಾಡೊ ಎಣ್ಣೆ ಹಾಕಿ ಮಿಶ್ರ ಮಾಡಿ 3-4 ನಿಮಿಷ ತುಟಿಗೆ ಸ್ಕ್ರಬ್ ಮಾಡಬೇಕು. ನಂತರ ತಣ್ಣೀರಿನಿಂದ ತೊಳೆಯಬೇಕು. ಈ ರೀತಿ ಮಾಡಿದರೆ ತುಟಿ ಸೌಂದರ್ಯ ಹೆಚ್ಚಾಗುವುದು. ಈ ರೀತಿ ವಾರಕ್ಕೊಮ್ಮೆ ಮಾಡಿದರೂ ಸಾಕು.

ಅವಗಾಡೊ ಎಣ್ಣೆ ಮತ್ತು ಸಕ್ಕರೆ: ಸಕ್ಕರೆ ಸ್ಕ್ರಬ್ ತುಟಿಗೆ ಮಾತ್ರವಲ್ಲ ಮುಖಕ್ಕೂ ಒಳ್ಳೆಯದು. ಸ್ವಲ್ಪ ಸಕ್ಕರೆ ಮತ್ತು ಒಂದು ಚಮಚ ಅವಗಾಡೊ ಎಣ್ಣೆಯನ್ನು ಮಿಶ್ರ ಮಾಡಿ ಅದರಿಂದ ಮುಖ ಮತ್ತು ತುಟಿಗೆ ಸ್ಕ್ರಬ್ ಮಾಡಿದರೆ ತುಟಿ ಮತ್ತು ಮುಖ ಹೊಳಪನ್ನು ಪಡೆಯುತ್ತದೆ. ರಾಸಾಯನಿಕ ಕ್ರೀಮ್ ಬಳಸಿ ಫೇಸ್ ಸ್ಕ್ರಬ್ ಮಾಡುವುದಕ್ಕಿಂತ ಈ ವಿಧಾನ ಬಳಸಿ ಮಾಡಿದರೆ ಯಾವುದೇ ಅಡ್ಡ ಪರಿಣಾಮ ಉಂಟಾಗುವುದಿಲ್ಲ, ನಿಮ್ಮ ಸೌಂದರ್ಯ ಕೂಡ ಹೆಚ್ಚುತ್ತದೆ.

ಅವಗಾಡೊ ಲಿಪ್ ಬಾಮ್ : ಅವಗಾಡೊ ಲಿಪ್ ಬಾಮ್ ಲಭ್ಯವಿದೆ. ತುಟಿ ಅಂದ ಹೆಚ್ಚಿಸಲು ಅದನ್ನು ಕೂಡ ಬಳಸಬಹುದು. ಇದರಿಂದ ತುಟಿ ಗುಲಾಬಿ ಬಣ್ಣದಿಂದ ಆಕರ್ಷಕವಾಗಿ ಕಾಣುತ್ತದೆ. ಗುಡ್ ಲಕ್..