ಗ್ರೀಕ್ ರಿಂದ ಕಲಿಯಬಹುದು ಸೌಂದರ್ಯದ ರಹಸ್ಯ

Body Care

oi-Reena

By Hema S

Published: Wednesday, May 23, 2012, 15:50 [IST]

ಸೌಂದರ್ಯ ಪ್ರಜ್ಞೆ ಅನ್ನುವುದು ಈಗಿನಿಂದ ಮಾತ್ರವಲ್ಲ ಅನಾದಿ ಕಾಲದಿಂದಲೂ ಇದೆ. ಈಗ ನಾವು ಕೆಮಿಕಲ್ ಇರುವ ಸೌಂದರ್ಯ ವರ್ಧಕ ಕ್ರೀಮ್ ಗಳನ್ನು ಬಳಸುತ್ತಿದ್ದರೆ ಹಿಂದೆ ನೈಸರ್ಗಿಕವಾದ ವಸ್ತುಗಳಿಂದ ಸೌಂದರ್ಯವನ್ನು ಕಾಪಾಡಿಕೊಳ್ಳುತ್ತಿದ್ದರು. ಚರಿತ್ರೆ ಓದುವಾಗ ಗ್ರೀಕ್ ಜನಾಂಗದವರ ಸೌಂದರ್ಯದ ಕುರಿತಾದ ವರ್ಣನೆಯನ್ನು ಕೇಳುತ್ತೇವೆ. ಇಲ್ಲಿ ನಾವು ಪುರಾತನ ಗ್ರೀಕ್ ಜನರು ಸೌಂದರ್ಯ ಹೆಚ್ಚಿಸಲು ಅನುಸರಿಸುತ್ತಿದ್ದ ಮಾರ್ಗವನ್ನು ನಿಮಗೆ ತಿಳಿಸಲು ಇಷ್ಟಪಡುತ್ತೇವೆ. ಅವರು ಅನುಸರಿಸುತ್ತಿದ್ದ ವಿಧಾನವನ್ನು ನಾವೂ ಪಾಲಿಸಿದರೆ ತಾರುಣ್ಯಭರಿತವಾದ ತ್ವಚೆಯನ್ನು ಪಡೆಯಬಹುದು.

1. ಆರೋಗ್ಯಕರ ಆಹಾರ: ಸಮುದ್ರ ಆಹಾರ, ಹಣ್ಣುಗಳು, ತರಕಾರಿಗಳನ್ನು ತಿನ್ನುವುದು. ದೇಹಕ್ಕೆ ಒಮೆಗಾ3 ಮತ್ತು ಒಮೆಗಾ 6 ಕೊಬ್ಬು ಸೇರಿದರೆ ಅದು ಸೂರ್ಯನ ಕಿರಣಗಳಿಂದ ತ್ವಚೆ ರಕ್ಷಣೆ ಮಾಡುವಲ್ಲಿ ಸಹಕಾರಿಯಾಗುತ್ತೆ. ದೇಹದ ಆರೋಗ್ಯವನ್ನು ಕೂಡ ಹೆಚ್ಚುತ್ತದೆ. ಆರೋಗ್ಯವಂತರಾಗಿದ್ದರೆ ತ್ವಚೆ ಕೂಡ ಹೊಳಪನ್ನು ಪಡೆಯುತ್ತದೆ.

2. ಆಲೀವ್ ಎಣ್ಣೆ: ಕೂದಲಿಗೆ ಮತ್ತು ತ್ವಚೆಗೆ ಆಲೀವ್ ಎಣ್ಣೆ ಬಳಸುವುದು ಒಳ್ಳೆಯದು. ಗ್ರೀಕ್‌ರು ಕೂಡ ಇದೇ ವಿಧಾನವನ್ನು ಅನುಸರಿಸುತ್ತಿದ್ದರು. ಆಲೀವ್ ಎಣ್ಣೆಗೆ ಸ್ವಲ್ಪ ಸಕ್ಕರೆ ಅಥವಾ ಉಪ್ಪು ಹಾಕಿ ಸ್ಕ್ರಬ್ ಮಾಡಿದರೆ ತ್ವಚೆ ಕಾಂತಿ ಹೆಚ್ಚುವುದು.

3. ಜೇನು: ಜೇನನ್ನು ಹಚ್ಚಿದರೆ ಮುಖದ ಕಾಂತಿ ಹೆಚ್ಚಾಗುವುದು ಎಂದು ತಿಳಿದಿರುವ ವಿಷಯ. ಈ ರೀತಿ ಬಳಸಬಹುದೆಂದು ಇತ್ತೀಚಿಗೆ ತಿಳಿದ ವಿಷಯವಲ್ಲ. ಪುರಾತನ ಗ್ರೀಕ್ ಕಾಲದಲ್ಲಿಯೇ ಸೌಂದರ್ಯ ರಕ್ಷಣೆಯಲ್ಲಿ ಇದನ್ನು ಉಪಯೋಗಿಸುತ್ತಿದ್ದರು.

4. ಮೊಸರು: ಮೊಸರಿಗೆ ಸ್ವಲ್ಪ ತಾಜಾ ಹಣ್ಣು, ನಟ್ಸ್ ಹಾಕಿ ಮಿಶ್ರ ಮಾಡಿ ರುಚಿಯನ್ನು ಸವಿಯಲು ಹೇಳುತ್ತಿಲ್ಲ. ಈ ರೀತಿ ತಯಾರಿಸಿ ಅದಕ್ಕೆ ಸ್ವಲ್ಪ ಜೇನು ಮತ್ತು ಆಲೀವ್ ಎಣ್ಣೆ ಸೇರಿಸಿ ಮುಖಕ್ಕೆ ಹಚ್ಚಿ ಒಣಗಿದ ನಂತರ ತೊಳೆಯಬೇಕು. ಈ ರೀತಿ ಮಾಡಿದರೆ ತ್ಚಚೆ ಕಾಂತಿ ಹೆಚ್ಚುವುದು.

5. ಉಪ್ಪು: ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಲು ಹಿಂದೆ ಉಪ್ಪನ್ನು ಬಳಸಿ ಸ್ಕ್ರಬ್ ಮಾಡುತ್ತಿದ್ದರು. ಈ ರೀತಿ ಸ್ಕ್ರಬ್ ಮಾಡುವುದರಿಂದ ತ್ವಚೆ ಮೃದುವಾಗುವುದರ ಜೊತೆಗೆ ಹೊಳಪನ್ನು ಪಡೆಯುತ್ತದೆ.

ಹೀಗೆ ಅತಿ ಸರಳವಾದ ವಿಧಾನಗಳನ್ನು ಬಳಸಿ ತಮ್ಮ ಸೌಂದರ್ಯವನ್ನು ಕಾಪಾಡಿಕೊಂಡಿದ್ದರು.