ಕ್ಯಾರೆಟ್ ನಿಂದ ದೊರೆಯುವುದು ಆಕರ್ಷಕ ಸೌಂದರ್ಯ

Body Care

oi-Reena

By Hema S

Published: Thursday, May 3, 2012, 17:55 [IST]

ನಗರ ಪ್ರದೇಶದಲ್ಲಿ ಪರಿಸರ ಮಾಲಿನ್ಯ ಹೆಚ್ಚಾಗಿರುವುದರಿಂದ ಆರೋಗ್ಯ ಅಷ್ಟೇ ಅಲ್ಲ ತ್ವಚೆ ಕೂಡ ಹಾಳಾಗುತ್ತದೆ. ಕಾಂತಿಯುತ ತ್ವಚೆ ಬೇಕೆನ್ನುವವರು ಅದರ ಆರೈಕೆ ಬಗ್ಗೆ ಸ್ವಲ್ಪ ಗಮನ ಹರಿಸಬೇಕು. ಕ್ಯಾರೆಟ್ ದೇಹದ ಮತ್ತು ತ್ವಚೆ ಆರೋಗ್ಯ ಹೆಚ್ಚಿಸುವ ತರಕಾರಿಯಾಗಿದೆ. ಇದನ್ನು ತಿನ್ನಲು ಮಾತ್ರವಲ್ಲ ಮುಖದ ಕಾಂತಿ ಮತ್ತಷ್ಟು ಹೆಚ್ಚಿಸಲು ಫೇಶಿಯಲ್ ಆಗಿ ಉಪಯೋಗಿಸಬಹುದು. ಈ ಕ್ಯಾರೆಟ್ ಫೇಶಿಯಲ್ ತಯಾರಿಸುವ ವಿಧಾನ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು:
* 2-3 ದೊಡ್ಡ ಕ್ಯಾರೆಟ್
* 4 ಚಮಚ ಹನಿ
* 1 ಚಮಚ ಆಲೀವ್ ಎಣ್ಣೆ
* 1 ಚಮಚ ನಿಂಬೆ ರಸ

ತಯಾರಿಸುವ ವಿಧಾನ:

1. ಕ್ಯಾರೆಟ್ ಅನ್ನು ಬೇಯಿಸಬೇಕು. ತಣ್ಣಗಾದ ಮೇಲೆ ಅದನ್ನು ಪೇಸ್ಟ್ ರೀತಿ ಮಾಡಿ ಜೇನು ಮಿಶ್ರ ಮಾಡಬೇಕು.

2. ಈ ಮಿಶ್ರಣಕ್ಕೆ ಆಲೀವ್ ಎಣ್ಣೆ ಮತ್ತು ನಿಂಬೆ ರಸ ಸೇರಿಸಿ ಮಿಶ್ರ ಮಾಡಬೇಕು. ಮಿಶ್ರಣ ತುಂಬಾ ಗಟ್ಟಿಯಾಗಿದ್ದರೆ ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

3. ನಂತರ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ಮುಖ ತೊಳೆಯಬೇಕು. ಈ ರೀತಿ ಮಾಡಿದರೆ ಮುಖ ಆಕರ್ಷಕವಾಗಿ ಕಾಣುವುದು.

ಸೌಂದರ್ಯ ಎಂದು ಬಂದಾಗ ಕೂದಲು ಕೂಡ ಆಕರ್ಷಕವಾಗಿದ್ದರನೆ ನೋಡಲು ಚೆಂದ. ಕೂದಲು ಒಣಗಿದ್ದರೆ, ತನ್ನ ಆಕರ್ಷಣೆ ಕಳೆದುಕೊಡಿದ್ದರೆ ಈ ಕ್ಯಾರೆಟ್ ಬಳಸಿ ಕೂದಲಿನ ಹೊಳಪನ್ನು ಮರಳಿ ಪಡೆಯಬಹುದು.

ಕೂದಲಿನ ಆರೋಗ್ಯಕ್ಕಾಗಿ ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

* ಕ್ಯಾರೆಟ್ ಅನ್ನು ತುರಿಯಬೇಕು, ನಂತರ ಅದನ್ನು ಮಿಕ್ಸಿಯಲ್ಲಿ ಅರೆಯಬೇಕು .

* ಒಂದು ಬಟ್ಟಲಿನಲ್ಲಿ ಮೊಟ್ಟೆಯ ಬಿಳಿ ಮತ್ತು ಮೊಸರು ಹಾಕಿ ಚೆನ್ನಾಗಿ ಕದಡಿ ಅದಕ್ಕೆ ಕ್ಯಾರೆಟ್ ಪೇಸ್ಟ್ ಹಾಕಿ ಮಿಶ್ರ ಮಾಡಬೇಕು.

ಈ ಮಿಶ್ರಣವನ್ನು ಕೂದಲಿಗೆ ಹಚ್ಚಿ ಒಂದು ಗಂಟೆಯ ಬಳಿಕ ತಲೆ ತೊಳೆಯಬೇಕು. ಈ ರೀತಿ ಮಾಡಿದರೆ ಕೂದಲು ಮೃದುವಾಗುವುದು ಮತ್ತು ಸೊಂಪಾಗಿ ಬೆಳೆಯುವುದು.

ಸೌಂದರ್ಯ ಹೆಚ್ಚಿಸಿಕೊಳ್ಳಲು ನೈಸರ್ಗಿಕ ವಿಧಾನ ಅನುಸರಿಸುವುದು ಒಳ್ಳೆಯದು.