ಬೇಡದ ಕೂದಲನ್ನು ತಡೆಗಟ್ಟಲು ಕೆಲ ಸಲಹೆಗಳು

Body Care

oi-Staff

By Super

Updated: Monday, October 12, 2015, 12:36 [IST]

ಸೌಂದರ್ಯ ಪ್ರಜ್ಞೆ ಇರುವ ಮಹಿಳೆಯರು ದೇಹದಲ್ಲಿ ಬೇಡದ ಕೂದಲು ಇರುವುದು ಇಷ್ಟಪಡುವುದಿಲ್ಲ. ಏಕೆಂದರೆ ಕೈ ಕಾಲುಗಳಲ್ಲಿ ಕೂದಲುಗಳಿದ್ದರೆ ಅಷ್ಟು ಆಕರ್ಷಕವಾಗಿ ಕಾಣುವುದಿಲ್ಲ. ವ್ಯಾಕ್ಸಿಂಗ್, ಥ್ರೆಡ್ಡಿಂಗ್ ಮಾಡಿ ತೆಗೆದು ಬಿಡುತ್ತಾರೆ. ಕೆಲವೊಂದು ಹುಡುಗರು ಕೂಡ ಬೇಡದ ಕೂದಲನ್ನು ಇಟ್ಟುಕೊಳ್ಳಲು ಇಷ್ಟಪಡುವುದಿಲ್ಲ. ಬೇಡದ ಕೂದಲನ್ನು ಶೇವಿಂಗ್ ಮಾಡಿದರೆ ಬೇಗನೆ ಬೆಳೆದು ಬಿಡುತ್ತದೆ. ಅದನ್ನು ಆಗಾಗ ತೆಗೆಯುತ್ತಿರಲು ಕಿರಿಕಿರಿ ಅನಿಸುವುದು.

ಆದ್ದರಿಂದ ಬೇಡದ ಕೂದಲು ಬೇಗನೆ ಬೆಳೆಯುವುದನ್ನು ತಡೆಯಲು ಈ ಕೆಳಗಿನ ವಿಧಾನಗಳನ್ನು ಅನುಸರಿಸಬಹುದು.

1. ಶೇವ್ ಮಾಡಬಾರದು: ರೇಝರ್ ಬಳಸಿದರೆ ಅಧಿಕ ಕೂದಲು ಬೆಳೆಯುತ್ತದೆ. ಇದನ್ನು ಒಮ್ಮೆ ಬಳಸಿದರೆ ಅದನ್ನು ಆಗಾಗ ಬಳಸುತ್ತಿರಬೇಕಾಗುತ್ತದೆ. ಕೂದಲು ಕೂಡ ಬೇಗನೆ ಬೆಳೆಯುತ್ತದೆ. ಆದ್ದರಿಂದ ಬೇಡದ ಕೂದಲು ತೆಗೆಯಲು ಶೇವಿಂಗ್ ಮಾರ್ಗ ಅನುಸರಿಸಬಾರದು.

2. ಟ್ವೀಝರ್ ಬಳಸಿ: ಇದನ್ನು ಬಳಸಿದರೆ ಕೂದಲನ್ನು ಬುಡದಿಂದಲೆ ಕಿತ್ತು ತೆಗೆಯುವುದರಿಂದ 4-6 ವಾರದವರೆಗೆ ಕೂದಲು ಬರುವುದಿಲ್ಲ. ಇದನ್ನು ಮುಖದ ಕೂದಲನ್ನು ತೆಗೆಯಲು ಬಳಸಬಹುದು. ಆದರೆ ಎದೆಯಲ್ಲಿರುವ ಕೂದಲು ತೆಗೆಯಲು ಬಳಸಬೇಡಿ.

3. ವ್ಯಾಕ್ಸಿಂಗ್: ವ್ಯಾಕ್ಸಿಂಗ್ ಮಾಡಿದರೆ ಕೂದಲು ಮತ್ತೆ ಬರುವಾಗ ಅದರ ಸಾಂದ್ರತೆ ಕಡಿಮೆಯಾಗುವುದು. ವ್ಯಾಕ್ಸಿಂಗ್‌ಯನ್ನು ತಿಂಗಳಿಗೊಮ್ಮೆ ಮಾಡಿದರೆ ಸಾಕು. ಮತ್ತೆ ಕೂದಲು ಬರುವಾಗ ಎಲ್ಲಾ ಕೂದಲು ಜೊತೆಯಲ್ಲಿ ಬರುವುದರಿಂದ ತೆಗೆಯಲು ಸುಲಭ.

4. ಸೋಯಾ ತಿನ್ನುವುದು: ಟೆಸ್ಟೊಸ್ಟಿರಿನೊ ಹಾರ್ಮೋನ್ ಮಹಿಳೆಯರಿಗಿಂತ ಪುರುಷರ ದೇಹದಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಒಂದು ವೇಳೆ ಮಹಿಳೆಯರಲ್ಲಿ ಈ ಹಾರ್ಮೋನ್ ಅಧಿಕವಿದ್ದರೆ ಮೈಯಲ್ಲಿ ಕೂದಲು ಹೆಚ್ಚಾಗಿ ಬೆಳೆಯುತ್ತದೆ. ಇಂತಹವರು ಸೋಯಾ ತಿಂದರೆ ಮಹಿಳೆಯರ ದೇಹದಲ್ಲಿರುವ ಈಸ್ಟ್ರೋಜನ್ ಹೆಚ್ಚಾಗಿ ಕೂದಲು ಕಡಿಮೆ ಬೆಳೆಯುವಂತೆ ಮಾಡುತ್ತದೆ.

5. ಸ್ನಾಯುಗಳು: ಪುರುಷರಿಗೆ ಮಸಲ್‌ಗಳು (ಮಾಂಸ ಖಂಡಗಳು) ಎದ್ದು ಕಾಣುವಂತೆ ಮೈಕಟ್ಟು ಬೆಳೆಸಿದರೆ ಸ್ವಾಭಾವಿಕವಾಗಿ ಕೂದಲು ಬೆಳೆಯುವುದು ಕಡಿಮೆಯಾಗುತ್ತದೆ.

6. ಲೋಷನ್: ಔಷಧಿ ಅಂಗಡಿಗಳಲ್ಲಿ ಅಥವಾ ಸೌಂದರ್ಯವರ್ಧಕ ಸಾಧನಗಳನ್ನು ಮಾರುವ ಅಂಗಡಿಗಳಲ್ಲಿ ಕೂದಲು ಬೇಗನೆ ಬೆಳೆಯುವುದನ್ನು ತಡೆಗಟ್ಟುವ ಲೋಷನ್ ಸಿಕ್ಕುತ್ತದೆ, ಅದನ್ನು ಹಚ್ಚಬಹುದು. ಆದರೆ ಈ ಲೋಷನ್ ಅಲರ್ಜಿ ಉಂಟು ಮಾಡುತ್ತದೆಯೆ ಎಂದು ಪರೀಕ್ಷಿಸಿ ಕೊಂಡುಕೊಳ್ಳಬೇಕು.