ದಿನಾ ಶೇವ್ ಮಾಡಿದರೆ ಒಳ್ಳೆಯದೆ?

Body Care

oi-Reena

By Hema S

Published: Monday, April 16, 2012, 12:05 [IST]

ಪುರುಷರ ಮುಖ ಆಕರ್ಷಕವಾಗಿ ಕಾಣಲು ನೀಟಾಗಿ ಶೇವ್ ಮಾಡಿರಬೇಕು. ಆದರೆ ಈ ಶೇವಿಂಗ್ ಬಗ್ಗೆ ಎರಡು ಅಭಿಪ್ರಾಯಗಳಿವೆ. ಪ್ರತಿದಿನ ಶೇವ್ ಮಾಡಿದರೆ ಒಳ್ಳೆಯದು ಎಂದು ಕೆಲವರು ಹೇಳಿದರೆ, ಇನ್ನು ಕೆಲವರು ಪ್ರತಿದಿನ ಶೇವ್ ಮಾಡಿದರೆ ಮುಖ ತುಂಬಾ ಒರಟಾಗುತ್ತದೆ, ತ್ವಚೆಗೆ ಅಷ್ಟು ಒಳ್ಳೆಯದಲ್ಲ ಎನ್ನುವ ಅಭಿಪ್ರಾಯ ಹೇಳುತ್ತಾರೆ. ಆದರೆ ಇಲ್ಲಿ ನಾವು ದಿನನಿತ್ಯ ಶೇವಿಂಗ್ ಮಾಡಿದರೆ ಅನೇಕ ಪ್ರಯೋಜನಗಳಿವೆ ಎಂದು ಒತ್ತಿ ಹೇಳುತ್ತಿದ್ದೇವೆ. ಆ ಪ್ರಯೋಜನಗಳ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಆಕರ್ಷಕವಾಗಿ ಕಾಣಲು: ಪ್ರತಿದಿನ ಶೇವ್ ಮಾಡಿದರೆ ಮುಖ ಆಕರ್ಷಕವಾಗಿ, ತಾಜಾತನದಿಂದ ಹೊಳೆಯುವುದು. ಹದಿಹರೆಯದವರಾದರೆ ಗಡ್ಡ ಬೆಳೆಯಲಾರಂಭಿಸಿರುತ್ತದೆ. ಆದರೆ ಗಡ್ಡ ಗಲ್ಲದಲ್ಲಿ ಒಂದು ಕಡೆ ಜಾಸ್ತಿ ಮತ್ತೊಂದು ಕಡೆ ಸ್ವಲ್ಪ ಕಡಿಮೆ ಬೆಳೆದಿದ್ದರೆ ನೋಡಲು ಆಕರ್ಷಕವಾಗಿ ಕಾಣುವುದಿಲ್ಲ. ಆದ್ದರಿಂದ ಗಡ್ಡ ಸರಿಯಾಗಿ ಬೆಳೆಯಲು ಪ್ರತಿದಿನ ಶೇವ್ ಮಾಡಿದರೆ ಒಳ್ಳೆಯದು. ಮುಖದಲ್ಲಿ ಮೊಡವೆಯಿದ್ದರೆ ಗಡ್ಡ ಮತ್ತು ಸೆಕೆಯಿಂದಾಗಿ ಮತ್ತಷ್ಟು ಜಾಸ್ತಿಯಾಗುವುದು.

2. ನಿರ್ಜೀವ ತ್ವಚೆ ಹೋಗಲಾಡಿಸುತ್ತದೆ: ಶೇವ್ ಮಾಡುವಾಗ ಶೆವಿಂಗ್ ಜೆಲ್ ಹಾಕಿ ಮುಖಕ್ಕೆ ತಿಕ್ಕಿ ಶೇವ್ ಮಾಡಿ, ನಂತರ ಜೆಲ್ ಅಥವಾ ಮಾಯಿಶ್ಚರೈಸರ್ ಕ್ರೀಮ್ ಹಚ್ಚುವುದರಿಂದ ಮುಖದಲ್ಲಿರು ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಬಹುದು.

3. ತ್ವಚೆ ರಕ್ಷಣೆ: ಶೇವಿಂಗ್ ಮಾಡುವಾಗ ಹಚ್ಚುವ ಕ್ರೀಮ್‌ ಬ್ಯಾಕ್ಟೀರಿಯಾಗಳನ್ನು ದೂರವಿಡುತ್ತದೆ. ಅಲ್ಲದೆ ಪ್ರತಿನಿತ್ಯ ಶೇವ್ ಮಾಡಿದರೆ ಮುಖ ನೋಡಲು ಆಕರ್ಷಕವಾಗಿ ಕಾಣುವುದು.

4. ಶೇವಿಂಗ್ ಉರಿ ಕಡಿಮೆ ಮಾಡುತ್ತೆ: ಪ್ರತಿದಿನ ಶೇವ್ ಮಾಡಿದರೆ ಶೇವಿಂಗ್ ಮಾಡಿದ ಮೇಲೆ ಉರಿ ಇರುವುದಿಲ್ಲ. ಅಲ್ಲದೆ ಶೇವ್ ಮಾಡಿ, ಒಪ್ಪವಾಗಿ ಡ್ರೆಸ್ ಹಾಕಿದರೆ ವ್ಯಕ್ತಿತ್ವ ಕೂಡ ಆಕರ್ಷಕವಾಗಿ ಕಾಣುತ್ತದೆ.

ವಿವಿಧ ವಿನ್ಯಾಸದಲ್ಲಿ ಗಡ್ಡ ಬಿಡುವ ಅಭ್ಯಾಸವಿರುವ ಹುಡುಗರು ಕೂಡ ಅದನ್ನು ಟ್ರಿಮ್ ಮಾಡುತ್ತಿರಬೇಕು. ಆಗ ಮಾತ್ರ ಫ್ಯಾಷನೇಬಲ್ ಆಗಿ ಕಾಣಲು ಸಾಧ್ಯ.