ಸೆಖೆಗೆ ತಂಪಾಗಲು ಸಖತ್ ಸಲಹೆಗಳು

Body Care

oi-Reena

By Hema S

Published: Friday, April 13, 2012, 11:38 [IST]

ಬೇಸಿಗೆಯಲ್ಲಿ ಅಧಿಕ ದೂಳು ಮತ್ತು ಅತಿಯಾಗಿ ಬೆವರುವುದರಿಂದ ಮೊಡವೆ, ತುರಿಕೆ ಮುಂತಾದ ಸಮಸ್ಯೆಗಳು ಉಂಟಾಗುತ್ತದೆ. ಆದ್ದರಿಂದ ತಲೆ ಮತ್ತು ತ್ವಚೆಯನ್ನು ಶುದ್ಧವಾಗಿ ಇಟ್ಟುಕೊಳ್ಳಬೇಕು. ಬೇಸಿಗೆಯಲ್ಲಿ ಕಂಡು ಬರುವ ಸೌಂದರ್ಯ ಸಂಬಂಧಿ ಸಮಸ್ಯೆಗಳನ್ನು ಹೋಗಲಾಡಿಸಲು ಈ ಕೆಳಗಿನ ವಿಧಾನಗಳನ್ನು ಅನುಸರಿಸುವುದು ಒಳ್ಳೆಯದು.

1. ದಿನಾ ತಲೆ ಸ್ನಾನ: ದಿನವೂ ತಲೆ ತೊಳೆದರೆ ಕೂದಲು ಹಾಳಾಗುತ್ತದೆ ಅನ್ನುವುದು ತಪ್ಪು ಕಲ್ಪನೆ. ಕೂದಲು ಆರೋಗ್ಯವಾಗಿ ಬೆಳೆಯಲು ಕೂದಲಿನ ಬುಡ ಶುಚಿಯಾಗಿರಬೇಕು. ಆದ್ದರಿಂದ ಪ್ರತಿದಿನ ತಲೆಸ್ನಾನ ಮಾಡಿದರೆ ಹೊಟ್ಟಿನ ಸಮಸ್ಯೆ ಉಂಟಾಗುವುದಿಲ್ಲ.

2. ಪಾದಗಳನ್ನು ತೊಳೆಯಬೇಕು: ಸಮಯ ಸಿಕ್ಕಿದಾಗ ಪಾದಗಳನ್ನು ತೊಳೆದರೆ ದೇಹ ತಂಪಾಗುತ್ತದೆ. ಹೊರಗಡೆ ಹೋಗಿ ಮನೆಗೆ ಬಂದಾಗ ಕಾಲಿಗೆ ನೀರು ಹಾಕಿಕೊಂಡು ಒಳಗೆ ಬರಲು ಹಿರಿಯರು ಹೇಳುತ್ತಾರೆ. ಅದನನ್ನು ಅವರು ಸಂಪ್ರದಾಯ ಅಂದರೆ ವೈಜ್ಞಾನಿಕ ದೃಷ್ಟಿಯಿಂದ ನೋಡಿದಾಗ ಈ ರೀತಿ ನೀರು ಹಾಕಿದಾಗ ದೇಹಕ್ಕೆ ತಂಪು ಸಿಗುತ್ತದೆ.

3. ಕುತ್ತಿಗೆಗೆ ನೀರು ಹಾಕುವುದು: ತುಂಬಾ ಸೆಕೆಯಾದಾಗ ಮುಖ ಮತ್ತು ಕುತ್ತಿಗೆ ನೀರು ಹಾಕಿ, ಕುತ್ತಿಗೆ ಹಿಂಭಾಗಕ್ಕೆ ಸ್ವಲ್ಪ ನೀರು ಹಾಕಿದರೆ ಸೆಕೆ ಕೂಡಲೆ ಕಡಿಮೆಯಾಗುತ್ತದೆ.

4. ಮಣ್ಣಿನ ಪ್ಯಾಕ್: ದೇಹಕ್ಕೆ ತಂಪು ನೀಡಲು ಮತ್ತು ಮುಖದಲ್ಲಿರುವ ಮೊಡವೆಗಳನ್ನು ಹೋಗಲಾಡಿಸುವಲ್ಲಿ ಮಣ್ಣಿನ ಪ್ಯಾಕ್ ಹಚ್ಚುವುದು ಒಳ್ಳೆಯದು. ಮುಲ್ತಾನಿ ಮಿಟಿಯನ್ನು ಮುಖಕ್ಕೆ ಹಚ್ಚುವುದು ಒಳ್ಳೆಯದು.

5. ಸನ್ ಸ್ಕ್ರೀನ್: ಹೊರಗಡೆ ಹೋಗುವಾಗ ಸನ್ ಸ್ಕ್ರೀನ್ ಲೋಷನ್ ಬಳಸಿದರೆ ತ್ವಚೆ ಕಪ್ಪಾಗುವುದಿಲ್ಲ.

6. ರೋಸ್ ವಾಟರ್: ರೋಸ್ ವಾಟರ್‌ನಿಂದ ಕ್ಲೆನ್ಸಿಂಗ್ ಮಾಡುವುದು ಒಳ್ಳೆಯದು. ರೋಸ್ ವಾಟರ್ ಮತ್ತು ಗಂಧದ ಪುಡಿ ಮಿಶ್ರ ಮಾಡಿ ಫೇಸ್ ಪ್ಯಾಕ್ ಮಾಡಿದರೆ ತ್ವಚೆ ಬಿಸಿಲಿಗೆ ಮಂಕಾಗುವುದಿಲ್ಲ.

7. ತಂಪು ನೀಡುವ ಆಹಾರ: ಹಣ್ಣುಗಳು ಮತ್ತು ದೇಹಕ್ಕೆ ತಂಪು ನೀಡುವ ತರಕಾರಿಗಳನ್ನು ಹೆಚ್ಚಾಗಿ ತಿನ್ನಬೇಕು. ಚಿಕನ್ ಈ ಸಮಯದಲ್ಲಿ ಹೆಚ್ಚಾಗಿ ತಿನ್ನದಿರುವುದು ಒಳ್ಳೆಯದು.