ಹೋಳಿ ಬಣ್ಣ ಹೋಗಲಾಡಿಸುವ ಉಪಾಯ

Body Care

oi-Reena

By Hema S

Published: Friday, March 9, 2012, 10:27 [IST]

ಹೋಳಿ ಹಬ್ಬದ ಆಚರಣೆ ಮುಗಿಯಿತು. ಆದರೆ ಮೈಯಲ್ಲಿ ಬಣ್ಣಗಳು ಅದರಲ್ಲೂ ಕಿವಿಯಲ್ಲಿ ಮತ್ತು ಕೂದಲಿನಲ್ಲಿ ಅಂಟಿರುವ ಬಣ್ಣಗಳು ತೊಳೆದರೂ ಹೋಗುವುದಿಲ್ಲ. ಕೆಮಿಕಲ್ ನಿಂದ ತ್ವಚೆ ಮತ್ತು ಕೂದಲಿಗೆ ಹಾನಿ ಉಂಟಾಗಬಹುದೆ ಎಂಬ ಚಿಂತೆ ಬೇಡ, ಈ ಸರಳ ವಿಧಾನವನ್ನು ಬಳಸಿ ಬಣ್ಣಗಳನ್ನು ಹೋಗಲಾಡಿಸಿ.

ಮೈ: ಮೈಗೆ ಎಣ್ಣೆ ನಂತರ ಉಗುರು ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿದರೆ ಹೋಳಿ ಬಣ್ಣ ಹೋಗಲಾಡಿಸಬಹುದು.
ಕಿವಿ: ಕಿವಿಯೊಳಗೆಯಿರುವ ಬಣ್ಣ ತೊಳೆದಾಗ ಹೋಗಿಲ್ಲ ಅಂದರೆ ಹತ್ತಿಯನ್ನು ತೆಂಗಿನೆಣ್ಣೆಯಲ್ಲಿ ನೆನೆಸಿ ಅದರಿಂದ ಕಿವಿಯನ್ನು ಉಜ್ಜಿ. ನಂತರ ತೊಳೆದರೆ ಕಿವಿ ಶುದ್ಧವಾಗುವುದು.

ಕೂದಲಿನಿಂದ ಬಣ್ಣ ತೆಗೆಯುವುದು:

1. ಕೂದಲಿಗೆ ಚೆನ್ನಾಗಿ ಎಣ್ಣೆ ಹಾಕಿ ಅಧಿಕ ಕೆಮಿಕಲ್ ಇರುವ ಶ್ಯಾಂಪೂ ಬಳಸುವ ಬದಲು ಹರ್ಬಲ್ ಶ್ಯಾಂಪೂಗಳನ್ನು ಹಚ್ಚಿ. ಈ ರೀತಿ ಮಾಡಿದರೆ ಬಣ್ಣದಿಂದ ಕೂದಲು ಹಾಳಾಗುವುದನ್ನು ತಪ್ಪಿಸಬಹುದು.

2. ಕೂದಲನ್ನು ತೊಳೆದ ಬಳಿಕ ಕಂಡೀಷನರ್ ಹಾಕಲು ಮರೆಯಬೇಡಿ.

3. ಕೂದಲನ್ನು ಒಮ್ಮೆ ತೊಳೆದ ಬಳಿಕ ಮತ್ತೊಮ್ಮೆ ತೊಳೆಯುವಾಗ ಮೊಸರು ಮತ್ತು ನಿಂಬೆರಸ ಮಿಶ್ರ ಮಾಡಿ ಹಚ್ಚಿ ಅರ್ಧ ಗಂಟೆಯ ಬಳಿಕ ಮೃದು ಶ್ಯಾಂಪೂನಿಂದ ತಲೆತೊಳೆಯಿರಿ.

4. ಬಣ್ಣದಿಂದ ಕೂದಲು ಗಡಸಾಗಿರುತ್ತದೆ. ಆದ್ದರಿಂದ ತಲೆತೊಳೆದು ಒಣಗಿಸಬೇಕು. ನಂತರ ತಲೆ ತುಂಬಾ ಎಣ್ಣೆ ಹಚ್ಚಿ ಮರುದಿನ ಬೆಳಗ್ಗೆ ತಲೆತೊಳದರೆ ಕೂದಲಿಗೆ ಬಣ್ಣದಿಂದ ಯಾವುದೇ ಹಾನಿ ಉಂಟಾಗುವುದಿಲ್ಲ.