ಆಕರ್ಷಕ ಸ್ತನಕ್ಕೆ ಈ 5 ಅಂಶಗಳು ಅವಶ್ಯಕ

1.ಈಸ್ಟೋಜನ್ ಕಡಿಮೆಮಾಡುವ ಆಹಾರದಿಂದ ದೂರವಿರಿ:

ಮದ್ಯ ಕುಡಿದರೆ ದೇಹದಲ್ಲಿ ಈಸ್ಟೋಜನ್ ಪ್ರಮಾಣ ಕಡಿಮೆಯಾಗುವುದು. ಇದರಿಂದ ಸ್ತನದ ಆಕಾರದಲ್ಲಿ ವ್ಯತ್ಯಾಸ ಉಂಟಾಗುವುದು. ಅಧಿಕ ನಾರಿನಂಶ ಇರುವ ಆಹಾರಗಳನ್ನು ತಿನ್ನಬೇಕು. ಆಹಾರದಲ್ಲಿರುವ ಪ್ರೊಟೀನ್ ಸ್ತನದ ಗಾತ್ರವನ್ನು ಹೆಚ್ಚು ಮಾಡುವಲ್ಲಿ ಸಹಕಾರಿಯಾಗಿದೆ. ಮೀನು, ಆಲೀವ್ ಎಣ್ಣೆ, ತರಕಾರಿ ಮತ್ತು ಹಣ್ಣುಗಳನ್ನು ಪ್ರತಿನಿತ್ಯ ಸೇವಿಸಬೇಕು.

2. ಬ್ರಾ ಸೈಜ್ ಸರಿಯಾಗಿರಬೇಕು:

ತುಂಬಾ ಬಿಗಿ ಅಥವಾ ಸಡಿಲವಾಗಿರುವ ಬ್ರಾಗಳನ್ನು ಧರಿಸಬಾರದು. ಆಟಗಾರರು, ಎದೆ ಹಾಲುಣಿಸುವವರು ಮತ್ತು ಮಧ್ಯ ವಯಸ್ಸು ದಾಟಿದವರು ಸ್ತನ ಬಿಗಿಯಾಗಿ ನಿಲ್ಲುವಂತಹ ಬ್ರಾ ಧರಿಸಬೇಕು. ಎದೆಯಲ್ಲಿ ತುಂಬಾ ಕೊಬ್ಬಿನಂಶ ಶೇಖರವಾದರೆ ಗಾತ್ರ ಮಿತಿ ಮೀರಿ ಹೆಚ್ಚಾಗಿ ಕಾಣುವುದು. ಅದು ಕೂಡ ದೇಹದ ಅಂದವನ್ನು ಹಾಳು ಮಾಡುತ್ತದೆ.

3. ದೇಹದ ತೂಕದಲ್ಲಿ ಸಮತೋಲನ:

ಯೋಗ, ವ್ಯಾಯಾಮ, ಆಹಾರಕ್ರಮ ಇವುಗಳಿಂದ ದೇಹದ ತೂಕವನ್ನು ಸಮತೋಲನದಲ್ಲಿ ಇಡುವಂತೆ ಮಾಡುತ್ತದೆ. ಇದರಿಂದ ಆಕರ್ಷಕ ಸ್ತನ ಗಾತ್ರ ದೊರೆಯುವುದು.

4. ವ್ಯಾಯಾಮ:

ಪುಶ್ ಅಪ್ ಅಥವಾ ಪುಲ್ ಅಪ್ ವ್ಯಾಯಾಮಗಳು ಸ್ತನವನ್ನು ಬಿಗಿಯಾಗಿರುವಂತೆ ಮಾಡುವಲ್ಲಿ ಸಹಕಾರಿಯಾಗಿದೆ.

5. ಮಸಾಜ್:

ರಾತ್ರಿ ಮಲಗುವಾಗ ಸ್ತನಕ್ಕೆ ಮಾಯಿಶ್ಚರೈಸರ್ ನಿಂದ ಮಸಾಜ್ ಮಾಡುವುದರಿಂದ ವಯಸ್ಸಾದರೂ ಸ್ತನ ಆಕರ್ಷಕವಾಗಿ ಕಾಣುವುದು. ಅಲ್ಲದೆ ತ್ವಚೆ ಒಣಗುವುದನ್ನು ತಡೆಗಟ್ಟಬಹುದು.