ಉಗುರುಗಳಲ್ಲಿ ಬಿಳಿಚುಕ್ಕಿಗಳಿದ್ದರೆ ಅಪಾಯ!

Body Care

oi-Reena

By Hema S

Published: Monday, February 20, 2012, 14:36 [IST]

ಕ್ಯಾಲ್ಸಿಯಂ ಅಹಾರದ ಕೊರತೆ, ಉಗುರಿನಲ್ಲಿ ಕಾಯಿಲೆಗಳಿದ್ದರೆ, ಅಥವಾ ಎಕ್ಸಿಮಾದಂತಹ ತ್ವಚೆಯಿದ್ದರೆ ಉಗುರುಗಳಲ್ಲಿ ಬಿಳಿ ಚುಕ್ಕಿಗಳು ಉಂಟಾಗುತ್ತದೆ. ಈ ರೀತಿಯ ಬಿಳಿ ಚುಕ್ಕಿಗಳು ಆರೋಗ್ಯಕರ ಉಗುರಿನ ಲಕ್ಷಣವಲ್ಲ. ಆದರೆ ಬಿಳಿ ಚುಕ್ಕೆಗಳನ್ನು ಈ ಕೆಳಗಿನ ವಿಧಾನಗಳಿಂದ ಹೋಗಲಾಡಿಸಬಹುದು.

1. ಸತು ಮತ್ತು ಪ್ರೊಟೀನ್ ಅಧಿಕವಿರುವ ಆಹಾರವನ್ನು ಸೇವಿಸಬೇಕು. ಚೀಸ್ ಮತ್ತು ಹಾಲಿನಲ್ಲಿ ಕ್ಯಾಲ್ಸಿಯಂ ಅಧಿಕವಿರುವುದರಿಂದ ಇವುಗಳನ್ನು ಸೇವಿಸಿದರೆ ಉಗುರಿನಲ್ಲಿರುವ ಬಿಳಿಚುಕ್ಕಿಗಳನ್ನು ಹೋಗಲಾಡಿಸಬಹುದು.

2. ಉಗುರಿನಲ್ಲಿರುವ ಈ ಬಿಳಿ ಚುಕ್ಕಿಗಳನ್ನು ಬ್ಲೇಡ್ ನಿಂದ ಕೆರೆದು ತೆಗೆಯುವ ಪ್ರಯತ್ನ ಮಾಡಬೇಡಿ. ಉಗುರು ಉದ್ದ ಬೆಳೆಯುವಾಗ ಅದು ಉಗುರಿನ ತುದಿಯಲ್ಲಿ ಕಾಣಿಸುತ್ತದೆ. ಆಗ ಕತ್ತರಿಸಿ ತೆಗೆಯಿರಿ.

3. ಉಗುರುಗಳನ್ನು ಪ್ರತಿನಿತ್ಯ ಮಾಯಿಶ್ಚರೈಸರ್ ಮಾಡುವುದರಿಂದ ಈ ರೀತಿ ಬಿಳಿ ಚುಕ್ಕಿ ಉಂಟಾಗುವುದನ್ನು ತಡೆಯಬಹುದು.

4. ಉಗುರಿಗೆ ಹಚ್ಚಲು ನೇಲ್ ಪಾಲೀಷ್ ಗಳನ್ನು ಕೊಳ್ಳುವಾಗ ಒಳ್ಳೆಯ ಬ್ರಾಂಡ್ ನೇಲ್ ಪಾಲೀಷ್ ಕೊಳ್ಳಿ. ಕೃತಕ ಉಗುರು, ಕಡಿಮೆ ಗುಣಮಟ್ಟದ ನೇಲ್ ಪಾಲೀಷ್ ಈ ರೀತಿಯ ಬಿಳಿಚುಕ್ಕಿಗಳು ಉಂಟಾಗಲು ಕಾರಣವಾಗಿದೆ.

5. ಉಗುರುಗಳನ್ನು ಮ್ಯಾನಿಕ್ಯೂರ್ ಮಾಡುವಾಗ ಅಧಿಕ ಒತ್ತಡ ಹಾಕಬೇಡಿ. ಮ್ಯೂನಿಕ್ಯೂರ್ ಮಾಡುವಾಗ ಉಗುರುಗಳನ್ನು ಮೃದುವಾಗಿ ಉಜ್ಜಬೇಕು.

ಎಚ್ಚರಿಕೆ: ಈ ರೀತಿಯ ಬಿಳಿಚುಕ್ಕಿಗಳು ಉಗುರಿನ ಮೇಲೆ ಆಗಾಗ ಕಾಣಿಸಿಕೊಂಡರೆ ಹೆಚ್ಚಿನ ಗಮನ ಅಗತ್ಯ.ಏಕೆಂದರೆ ಕಿಡ್ನಿ ಮತ್ತು ಕರಳಿನಲ್ಲಿ ಸಮಸ್ಯೆ ಇದ್ದರೆ ಈ ರೀತಿ ಉಂಟಾಗುತ್ತದೆ. ಈ ರೀತಿ ಆಗುವುದು ತುಂಬಾ ವಿರಳ. ಆದರೆ ಆಗುವ ಸಾಧ್ಯತೆ ಇದೆ. ಆದ್ದರಿಂದ ಬಿಳಿಚುಕ್ಕಿಗಳನ್ನು ಹೋಗಲಾಡಿಸಿ.