ನಿಂಬೆ ಹಣ್ಣು ಬಳಸಿ, ಉಗುರಿನ ಹೊಳಪು ಹೆಚ್ಚಿಸಿ

Body Care

oi-Reena

By Hema S

Published: Tuesday, January 31, 2012, 14:59 [IST]

ಉಗುರು ಆಕರ್ಷಕವಾಗಿ ಕಾಣಬೇಕೆಂದರೆ ಸರಿಯಾದ ರೀತಿಯಲ್ಲಿ ಆರೈಕೆ ಮಾಡಬೇಕು. ಪಾರ್ಲರ್ ಗಳಲ್ಲಿ ಉಗುರು ಶುದ್ಧ ಮಾಡಲು ಅಧಿಕ ದುಡ್ಡು ಸುರಿಯಬೇಕು. ಪ್ರತಿವಾರ ಬ್ಯೂಟಿ ಪಾರ್ಲರ್ ನಲ್ಲಿ ಮ್ಯಾನಿಕ್ಯೂರ್ ಮಾಡಿಸಲು ಪ್ರತಿವಾರ ದುಡ್ಡು ಸುರಿಯಲು ಮಧ್ಯಮ ವರ್ಗದ ಜನರಿಗೆ ಕಷ್ಟವಾಗುತ್ತದೆ.

ಬ್ಯೂಟಿ ಪಾರ್ಲರ್ ಗೆ ಹಣ ಸುರಿಯಲು ಇಷ್ಟ ಪಡದವರು ಮನೆಯಲ್ಲಿ ಉಗುರುಗಳನ್ನು ಆರೈಕೆ ಮಾಡಿ ಅದರ ಹೊಳಪು ಹೆಚ್ಚಿಸಬಹುದು.ಹೆಚ್ಚು ಖರ್ಚು ಮಾಡದೆ ಉಗುರಿನ ಸೌಂದರ್ಯ ಹೆಚ್ಚಿಸಲು ಇಲ್ಲಿದೆ ಕೆಲ ಸಲಹೆಗಳು. ಅವುಗಳನ್ನು ಪಾಲಿಸಿ ಹೊಳೆಯುವ, ಆಕರ್ಷಕ ಉಗುರಿನ ಸೌಂದರ್ಯ ಪಡೆಯಿರಿ.

1.ನಿಂಬೆ ಹಣ್ಣು: ನಿಂಬೆ ಹಣ್ಣನ್ನು ಕತ್ತರಿಸಿಡಬೇಕು. ಒಂದು ಬೇಸಿನ್ ಅಥವಾ ಬಕೆಟ್ ನಲ್ಲಿ ಸ್ವಲ್ಪ ಬಿಸಿ ನೀರು ಹಾಕಿ ಅದರಲ್ಲಿ ಕೈಗಳನ್ನು ನೆನಸಿ ನಂತರ ನಿಂಬೆ ಹೋಳಿನಿಂದ ಕೈಗಳನ್ನು ತಿಕ್ಕಬೇಕು. ಕಾಲುಗಳಿಗೆ ಹೀಗೆ ಮಾಡಬೇಕು. ಈ ರೀತಿ ಮಾಡಿದರೆ ಕೈ ಮತ್ತು ಕಾಲಿನ ಉಗುರಿನಲ್ಲಿರುವ ಕೊಳೆ ಮತ್ತು ಬೆರಳಿನ ನಿರ್ಜೀವ ತ್ವಚೆ ಹೋಗಲಾಡಿಸಬಹುದು.

2.ನಿಂಬೆ ಹಣ್ಣು ಮತ್ತು ಉಪ್ಪು: ನಿಂಬೆ ಹಣ್ಣನ್ನು ಕತ್ತರಿಸಿ ಅದರಲ್ಲಿ ಸ್ವಲ್ಪ ಉಪ್ಪು ಪುಡಿ ಹಾಕಿ ಮೇಲೆ ಮಾಡಿದಂತೆ ಬಿಒಸಿ ನೀರಿನಲ್ಲಿ ಉಗುರುಗಳನ್ನು ನೆನೆಸಿ 5-6 ನಿಮಿಷ ಇಟ್ಟು ನಿಂಬೆಹಣ್ಣನ್ನು ಮೆಲ್ಲನೆ ಉಜ್ಜಬೇಕು ನಂತರ ಮೃದುವಾದ ಬ್ರಷ್ ಬಳಸಿ ತಿಕ್ಕಬೇಕು.

3. ನಿಂಬೆಹಣ್ಣು ಮತ್ತು ಗ್ಲಿಸರಿನ್: ಒಣ ತ್ವಚೆ ಇರುವವರು ನಿಂಬೆ ಹೋಳಿಗೆ ಸ್ವಲ್ಪ ಗ್ಲಿಸರಿನ್ ಹಾಕಿ ಬೆರಳುಗಳನ್ನು ತಿಕ್ಕಬೇಕು. ಈ ರೀತಿ ಮಾಡಿದರೆ ಬೆರಳುಗಳು ಮಾಯಿಶ್ಚರೈಸರ್ ಅಗಿ ಇರುತ್ತದೆ.

4. ನಿಂಬೆ ಹಣ್ಣು ಮತ್ತು ಸಕ್ಕರೆ : ನೈಸರ್ಗಿಕ ಸ್ಕ್ರಬ್ಬರ್ ಅಗಿ ಸಕ್ಕರೆ ಬಳಸಬಹುದು. ನಿಂಬೆರಸ ಮತ್ತು ಸಕ್ಕರೆ ಜಿತೆ ಸ್ವಲ್ಪ ನೀರು ಬೆರೆಸಿ ಅದರಲ್ಲಿ ಬೆರಳುಗಳನ್ನು ನೆನೆಸಿ ನಂತರ ಮೃದು ಬ್ರಷ್ ಬಳಸಿ ತಿಕ್ಕಿ ತಣ್ಣಿರಿನಿಂದ ಕೈ ತೊಳೆಯಬೇಕು. ಹೀಗೆ ಮಾಡಿದರೆ ಕೈಬೆರಳುಗಳಿಗೆ ಹೊಳಪು ಬರುತ್ತದೆ.