ಆಕರ್ಷಕ ತ್ವಚೆಗೆ 5 ಪ್ರಮುಖ ಮಸಾಜ್ ಎಣ್ಣೆ

Body Care

oi-Reena

By Hema S

Published: Monday, December 12, 2011, 13:10 [IST]

ಎಣ್ಣೆ ಮಸಾಜ್ ಮಾಡುವುದರಿಂದ ದಣಿವು ನಿವಾರಣೆ ಅಷ್ಟೆ ಅಲ್ಲ ತ್ವಚೆಯ ಕಾಂತಿ ಕೂಡ ಹೆಚ್ಚುತ್ತದೆ. ಸಾಮಾನ್ಯವಾಗಿ ಕೊಬ್ಬರಿ ಎಣ್ಣೆ ಅಥವಾ ಜೊಜೊಬಾ ಎಣ್ಣೆಯನ್ನು ಮಸಾಜ್ ಮಾಡಲು ಬಳಸಲಾಗುವುದು. ಆದರೆ ಇವುಗಳನ್ನು ಹೊರತುಪಡಿಸಿ ಈ ಕೆಳಗಿನ ಎಣ್ಣೆಗಳಿಂದ ಕೂಡ ತ್ವಚೆ ಕಾಂತಿಯನ್ನು ಹೆಚ್ಚಿಸಬಹುದು.

1. ಬೆಣ್ಣೆ ಹಣ್ಣಿನ ಎಣ್ಣೆ : ಅವೊಕಾಡೊ ಅಥವಾ ಬೆಣ್ಣೆ ಹಣ್ಣಿನ ಎಣ್ಣೆ ತ್ವಚೆ ಕಾಂತಿಯನ್ನು ಹೆಚ್ಚಿಸುವಲ್ಲಿ ತುಂಬಾ ಸಹಕಾರಿ. ಈ ಎಣ್ಣೆ ಬಳಸಿದರೆ ಮುಖದಲ್ಲಿ ಕೊಲಗೆನ್ ಅಂಶವನ್ನು ಹೆಚ್ಚು ಉತ್ಪತ್ತಿ ಮಾಡಲು ಸಹಾಯ ಮಾಡುತ್ತದೆ. ಇದರಿಂದಾಗಿ ಮುಖ ಹೊಳಪಿನಿಂದ ಮತ್ತು ಯೌವನದಿಂದ ಕೂಡಿರುತ್ತದೆ.

2. ಗಂಧದ ಎಣ್ಣೆ: ಗಂಧವನ್ನು ಅರೆದು ಪೇಸ್ಟ್ ಮಾಡಿ ಹಚ್ಚಬಹುದು, ಹಾಗೆಯೆ ಗಂಧದ ಎಣ್ಣೆಯನ್ನು ಮುಖಕ್ಕೆ ಹಚ್ಚುವುದರಿಂದ ಮೊಡವೆ, ಕಲೆಗಳು ಮಾಯವಾಗಿ ತ್ವಚೆಯ ಕಾಂತಿ ಹೆಚ್ಚುತ್ತದೆ.

3. ದ್ರಾಕ್ಷಿ ಬೀಜದ ಎಣ್ಣೆ: ಇದನ್ನು ಹಚ್ಚುವುದರಿಂದ ವೈನ್ ಫೇಶಿಯಲ್ ಮಾಡಿಸಿದಂತಹ ಪ್ರಯೋಜನವನ್ನು ಪಡೆಯಬಹುದು. ಈ ಎಣ್ಣೆಯನ್ನು ವೈನ್ ಮಾಡಲು ಬಳಸುವ ದ್ರಾಕ್ಷಿಯ ಬೀಜದಿಂದ ಮಾಡಲಾಗಿದ್ದು ಇದನ್ನು ಮುಖಕ್ಕೆ ಹಚ್ಚುವುದರಿಂದ ಮುಖದಲ್ಲಿ ಮೊಡವೆ ಕಡಿಮೆಯಾಗಿ ಸುಂದರವಾಗಿ ಕಾಣಬಹುದು.

4. ಲ್ಯಾವೆಂಡರ್ ಎಣ್ಣೆ: ಮುಖದಲ್ಲಿ ಮೊಡವೆ, ಕಪ್ಪು ಕಲೆಗಳು ಮುಂತಾದ ತ್ವಚೆ ಸಮಸ್ಯೆಯನ್ನು ಈ ಎಣ್ಣೆ ಬಳಸಿ ಹೋಗಲಾಡಿಸಬಹುದು.

5. ನೀಲಗಿರಿ ಎಣ್ಣೆ: ಇದೊಂದು ಔಷಧೀಯ ಮತ್ತು ಸೌಂದರ್ಯವರ್ಧಕ ಗುಣವಿರುವ ಎಣ್ಣೆ ಆಗಿದೆ. ಈ ಎಣ್ಣೆಯನ್ನು ಹಚ್ಚಿ ಮೈಯನ್ನು ಬೆಚ್ಚಗೆ ಇಡಬಹುದು, ಅಲ್ಲದೆ ಇದು ತ್ವಚೆ ಕಾಂತಿಯನ್ನು ಸಹ ಹೆಚ್ಚಿಸುತ್ತದೆ.