ನಿಮ್ಮ ಉಗುರಿಗೆ ಶೈನಿ ಟಚ್ ನೀಡೋದು ಸುಲಭ

Body Care

oi-Sumalatha

By Sumalatha

Published: Friday, November 11, 2011, 11:03 [IST]

ಉಗುರುಗಳು ಶುದ್ಧತೆ ಮತ್ತು ಸೌಂದರ್ಯದ ಸಂಕೇತ. ಆದ್ದರಿಂದ ಉಗುರುಗಳನ್ನು ಸುಂದರವಾಗಿಟ್ಟುಕೊಳ್ಳುವುದು ಮುಖ್ಯ. ಮೆನಿಕ್ಯೂರ್ ಆಕರ್ಷಕ ಉಗುರು ಪಡೆಯಲು ಸಹಾಯ ಮಾಡುತ್ತೆ. ಆದರೆ ನೈಲ್ ಪಾಲಿಶ್ ಇಲ್ಲದೆಯೇ ನೈಸರ್ಗಿಕವಾಗಿ ಹೊಳಪು ನೀಡುವುದು ಹೇಗೆ ಎಂದು ತಿಳಿದುಕೊಳ್ಳಿ.

1. ಯಾವಾಗಲೂ ನೈಲ್ ಪಾಲಿಶ್ ಹಾಕಿಕೊಳ್ಳಬೇಡಿ. ಇದು ಉಗುರುಗಳನ್ನು ಒಳಗಿನಿಂದಲೇ ಒಣಗುವಂತೆ ಮಾಡುತ್ತದೆ. ಹಾಗೆಯೇ ನೈಲ್ ಪಾಲಿಶ್ ಬ್ರ್ಯಾಂಡ್ ಗಳನ್ನೂ ಆಗಾಗ್ಗೆ ಬದಲಿಸುತ್ತಿರಬೇಡಿ.

2. ವಾರಕ್ಕೆ ಮೂರು ಬಾರಿ ತುಸು ಬಿಸಿ ನೀರಿನಲ್ಲಿ ಉಗುರುಗಳನ್ನು ಅದ್ದಿ ಹಾಗೇ ಮಸಾಜ್ ಮಾಡಿಕೊಳ್ಳಿ.

3. ಮಲಗುವಾಗ ಬೆರಳುಗಳಿಗೆ ಸ್ವಲ್ಪ ಎಣ್ಣೆ ಸವರಿಕೊಂಡು ಮಲಗಿದರೆ ಉಗುರುಗಳು ನೈಸರ್ಗಿಕವಾಗಿ ಹೊಳಪು ಪಡೆಯುತ್ತದೆ.

4. ನಿಂಬೆಸಿಪ್ಪೆಯಿಂದ ಉಗುರು ಮತ್ತು ಉಗುರಿನ ಸುತ್ತಲ ಚರ್ಮವನ್ನು ಚೆನ್ನಾಗಿ ಮಸಾಜ್ ಮಾಡಿಕೊಳ್ಳಬೇಕು. ಇದು ಉಗುರು ಹಳದಿ ಬಣ್ಣಕ್ಕೆ ತಿರುಗುವುದನ್ನೂ ತಡೆಯುತ್ತದೆ.

5. ನಿಂಬೆರಸದೊಂದಿಗೆ ಆಲಿವ್ ಎಣ್ಣೆ ಬೆರೆಸಿ ಮಸಾಜ್ ಮಾಡಿಕೊಂಡರೆ ಬೆರಳುಗಳು ಮಾತ್ರವಲ್ಲ, ಕೈಗಳೂ ಸುಂದರವಾಗುತ್ತದೆ.

6. ಉಗುರಿನ ಹಳದಿ ಬಣ್ಣವನ್ನು ಹೋಗಿಸಲು ಕೊಬ್ಬರಿ ಎಣ್ಣೆಯಿಂದ ಮಸಾಜ್ ಮಾಡಿಕೊಂಡರೆ ರಕ್ತಸಂಚಲನ ಹೆಚ್ಚಾಗಿ ಉಗುರುಗಳು ಗುಲಾಬಿ ಬಣ್ಣಕ್ಕೆ ತಿರುಗುತ್ತವೆ.