ಮಸಾಜ್ ಮಾಡೋದಕ್ಕೆ ಈ ಐದು ಎಣ್ಣೆ ಬಳಸಿ

Body Care

oi-Sumalatha

By Sumalatha

Published: Saturday, October 8, 2011, 15:11 [IST]

ಸುಂದರ ಮತ್ತು ಸದೃಢ ತ್ವಚೆ ಪಡೆಯಬೇಕೆಂದರೆ ಎಣ್ಣೆ ಮಸಾಜ್ ದೇಹಕ್ಕೆ ತುಂಬಾ ಮುಖ್ಯ. ಆದರೆ ಮಸಾಜ್ ಗೆ ಯಾವ ಎಣ್ಣೆ ಉಪಯೋಗಿಸುತ್ತೀರ ಅನ್ನೋದೂ ಅಷ್ಟೇ ಮುಖ್ಯ. ಬ್ಯೂಟಿ ಪಾರ್ಲರ್ ಮತ್ತು ಸ್ಪಾಗಳಲ್ಲಿ ಬಳಸುವ ಐದು ಪ್ರಮುಖ ಮಸಾಜ್ ಎಣ್ಣೆ ಯಾವುದೆಂದು ತಿಳಿದುಕೊಂಡು ನೀವೂ ಉಪಯೋಗಿಸಬಹುದು.

ಮಸಾಜ್ ಎಣ್ಣೆ ಮತ್ತು ಅವುಗಳಿಂದಾಗುವ ಉಪಯೋಗ ಹೀಗಿದೆ:

* ಸೂರ್ಯಕಾಂತಿ ಎಣ್ಣೆ: ಅಂಟಿಕೊಳ್ಳದ ಈ ಸೂರ್ಯಕಾಂತಿ ಎಣ್ಣೆ ತ್ವಚೆಯನ್ನು ತಿಳಿಗೊಳಿಸುತ್ತೆ. ಇದರಲ್ಲಿನ ಲೀನೊಲೀಕ್ ಆಸಿಡ್, ಪಾಲ್ಮಿಟಿಕ್, ಸ್ಟೀರಿಯಕ್ ಆಸಿಡ್ ತ್ವಚೆಯನ್ನು ತಾಜಾ ಇರಿಸುತ್ತದೆ. ವಿಟಮಿನ್ ಇ ಮತ್ತು ಅರಿಶಿನ ಬೆರೆಸಿ ಮಸಾಜ್ ಮಾಡಿಕೊಂಡರೆ ಇನ್ನೂ ಉತ್ತಮ ಫಲಿತಾಂಶ ಪಡೆಯಬಹುದು.

* ಸಾಸಿವೆ ಎಣ್ಣೆ: ಇದರಲ್ಲಿರುವ ಔಷಧೀಯ ಅಂಶವನ್ನು ಆಯುರ್ವೇದದಲ್ಲಿ ಉತ್ತಮವಾಗಿ ಬಳಕೆ ಮಾಡಿಕೊಳ್ಳಲಾಗುತ್ತದೆ. ಇದನ್ನು ನಿತ್ಯವೂ ಮಸಾಜ್ ಮಾಡಿಕೊಳ್ಳುವುದರಿಂದ ದುರ್ಬಲ ಮೂಳೆ ಸುಧಾರಿಸುತ್ತದೆ ಮತ್ತು ರಕ್ತಸಂಚಲನವೂ ಚೆನ್ನಾಗಿರುತ್ತದೆ. ಸಾಸಿವೆ ಎಣ್ಣೆ ತ್ವಚೆಗೆ ಉತ್ತಮ ಟೋನರ್ ಕೂಡ ಹೌದು.

* ಕೊಬ್ಬರಿ ಎಣ್ಣೆ: ಸುಲಭವಾಗಿ ದೊರೆಯುವ ಕೊಬ್ಬರಿ ಎಣ್ಣೆ ಕೂದಲಿಗೆ ಮತ್ತು ತ್ವಚೆಗೆ ಎರಡಕ್ಕೂ ತುಂಬಾ ಉಪಯೋಗಕ್ಕೆ ಬರುವ ಎಣ್ಣೆ. ಕಡಿಮೆ ಬೆಲೆಯಲ್ಲಿ ಸಿಗುವ ಈ ಎಣ್ಣೆ ಚರ್ಮಕ್ಕೆ ತೇಂವಾಂಶ ಒದಗಿಸಿ ಚರ್ಮ ಹೊಳೆಯುವಂತೆ ನೋಡಿಕೊಳ್ಳುತ್ತದೆ.

* ಬಾದಾಮಿ ಎಣ್ಣೆ: ಮಸಾಜ್ ಎಣ್ಣೆಗಳಲ್ಲಿ ಬಾದಾಮಿ ಎಣ್ಣೆಗೆ ವಿಶೇಷ ಸ್ಥಾನವಿದೆ. ಈ ಎಣ್ಣೆಯನ್ನು ಚರ್ಮ ಬೇಗನೆ ಹೀರಿಕೊಳ್ಳುತ್ತದೆ. ವಿಟಮಿನ್ ಇ ಎಣ್ಣೆಯೊಂದಿಗೆ ಈ ಎಣ್ಣೆಯನ್ನು ಬೆರೆಸಿ ಹಚ್ಚಿಕೊಂಡರೆ ಚರ್ಮಕ್ಕೆ ಅವಶ್ಯಕವಿರುವ ಪೋಷಕಾಂಶವನ್ನು ಒದಗಿಸಿದಂತೆ.

* ಜೋಜೋಬಾ ಎಣ್ಣೆ: ಬೆನ್ನು ನೋವಿನಿಂದ ಬಳಲುತ್ತಿದ್ದವರಿಗೆ ಜೋಜೋಬಾ ಎಣ್ಣೆಯ ಮಸಾಜ್ ಉತ್ತಮ ರಿಲ್ಯಾಕ್ಸ್ ನೀಡುತ್ತದೆ. ಇದರಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಅಂಶವಿರುವುದರಿಂದ ಚರ್ಮದ ಅನೇಕ ಕಾಯಿಲೆಗಳನ್ನು ದೂರವಿರಿಸುತ್ತದೆ. ನಿರ್ಜೀವ ಕಣಕ್ಕೆ ಜೀವ ತುಂಬಲು ಇದು ಹೆಚ್ಚು ಸಹಕಾರಿ.