ತೋಳನ್ನು ಮುಖದಂತೆ ಮಿರುಗಿಸುವುದು ಸಾಧ್ಯ

ತೋಳನ್ನು ಹೊಳೆಯುವಂತೆ ಮಾಡುವ ಕೆಲ ಟಿಪ್ಸ್ ಗಳು ಇಲ್ಲಿವೆ.

1. ಗ್ಲಿಸರಿನ್, ಹಾಲಿನ ಕೆನೆ ಮತ್ತು ರೋಸ್ ವಾಟರ್ ಬೆರೆಸಿ ಕ್ರೀಂನಂತೆ ತಯಾರಿಸಿಕೊಂಡು ಬೆಳಗ್ಗೆ ಮತ್ತು ರಾತ್ರಿ ತೋಳುಗಳನ್ನು ಮತ್ತು ಟ್ಯಾನ್ ಆದ ಜಾಗವನ್ನು ಮಸಾಜ್ ಮಾಡಿಕೊಳ್ಳಬೇಕು.

2. ವಿಟಮಿನ್ ಇ ಎಣ್ಣೆಯೊಂದಿಗೆ ಸ್ವಲ್ಪ ಅರಿಶಿನ ಬೆರೆಸಿ ಸ್ನಾನಕ್ಕೆ ಮುಂಚೆ ಹಚ್ಚಿಕೊಂಡರೆ ತೋಳಿನ ಚರ್ಮ ಮೃದುವಾಗುತ್ತದೆ.

3. ಸಾಸಿವೆ ಎಣ್ಣೆಯೊಂದಿಗೆ ಸ್ವಲ್ಪ ಕಸ್ತೂರಿ ಅರಿಶಿನ ಬೆರೆಸಿ ಹಚ್ಚಿಕೊಂಡರೆ ಕೂದಲು ಕಡಿಮೆಯಾಗಿ ತೋಳುಗಳು ಚೆಂದವಿರುವಂತೆ ನೋಡಿಕೊಳ್ಳುತ್ತದೆ.

4. ತೋಳುಗಳನ್ನು ಹೊಳೆಯುವಂತೆ ಮಾಡುವಲ್ಲಿ ಸ್ಕ್ರಬ್ಬಿಂಗ್ ತುಂಬಾ ಅವಶ್ಯಕ. ಇದು ನಿರ್ಜೀವ ಕಣಗಳನ್ನು ಹೋಗಿಸಿ ಚರ್ಮವನ್ನು ತಾಜಾ ಆಗುವಂತೆ ಕಾಣುತ್ತದೆ. ಕಡಲೆ ಹಿಟ್ಟಿನಿಂದ ಕೈಗಳಿಗೆ ಮಸಾಜ್ ಮಾಡಿಕೊಳ್ಳುವುದು ಸರಳ ಸುಲಭ ವಿಧಾನ.

5. ಬೆಣ್ಣೆ ಅಥವಾ ತುಪ್ಪದಿಂದ ಚರ್ಮ, ಮೊಣಕೈ ಗಂಟುಗಳನ್ನು ಆಗಾಗ್ಗೆ ಮಸಾಜ್ ಮಾಡಿಕೊಂಡರೂ ನಿಮ್ಮ ತ್ವಚೆ ಮಗುವಿನ ತ್ವಚೆಯಂತೆ ಮೃದುವಾಗುತ್ತದೆ.

6. ವ್ಯಾಸಲೀನ್ ಜೆಲ್ಲಿಯೊಂದಿಗೆ ಕೆಲವು ಹನಿ ಗ್ಲಿಸರಿನ್ ಬೆರೆಸಿ ಮಸಾಜ್ ಮಾಡಿಕೊಂಡರೆ ಒಣಗಿದ ತ್ವಚೆಯಿಂದ ಮುಕ್ತಿ ನೀಡಿ ಚರ್ಮದ ಆಳದಲ್ಲಿ ಸೇರಿಕೊಂಡಿರುವ ಕೊಳೆಯನ್ನೂ ತೊಲಗಿಸುತ್ತದೆ.