ಕಂಕುಳನ್ನು ಕ್ಲೀನ್ ಆಗಿಡಲು ಕೆಲ ಸಲಹೆ..

ಇಲ್ಲಿದೆ ನೋಡಿ ಕಂಕುಳವನ್ನು ಕ್ಲೀನ್ ಆಗಿಡಲು ಸಲಹೆಗಳು

1. ಗಾಢ ಸುವಾಸನೆಯ ಸೋಪುಗಳನ್ನು ಬಳಸುವುದು ಒಳ್ಳೆಯದಲ್ಲ ಏಕೆಂದರೆ ಇಂತಹ ಸೋಪುಗಳನ್ನು ಬಳಸಿದಾಗ ತ್ಚಚೆ ಬೇಗನೆ ಒಣಗುವುದು, ಮತ್ತು ಅಧಿಕ ಬೆವರನ್ನು ಉಂಟು ಮಾಡುತ್ತದೆ. ನಿಂಬೆ ರಸವನ್ನು ಸ್ನಾನದ ನೀರಿಗೆ ಹಾಕಿ ಮೃದು ಸುವಾಸನೆಯ ಸೋಪುವನ್ನು ಬಳಸಿ.

2. ಸ್ನಾನದ ನಂತರ ಪೌಡರ್ ಹಾಕಿಕೊಳ್ಳುವುದು , ಕಂಕುಳ ಪ್ಯಾಡ್ ಗಳನ್ನು ಉಪಯೋಗಿಸಿದರೆ ಬಟ್ಟೆಯಲ್ಲಿ ಬೆವರಿನ ಕಲೆ ಇರುವುದಿಲ್ಲ.

3. ಅನೇಕ ಡಿಯೋಡ್ರೆಂಟ್ ಗಳು ಕಂಕುಳವನ್ನು ಬಿಳಿ ಮಾಡುತ್ತವೆ ಎಂದು ಹೇಳುವುದಾದರೂ ಅವುಗಳನ್ನು ನೇರವಾಗಿ ಮೈಗೆಹಾಕಬೇಡಿ,ಅವುಗಳು ಚರ್ಮವನ್ನು ಮತ್ತಷ್ಟು ಕಪ್ಪಾಗಿಸುತ್ತವೆ.

4. ನೈಸರ್ಗಿಕ ಚಂದನವನ್ನು ಲೇಪಿಸುವುದರಿಂದ ಕಂಕುಳ ಬಿಳಿಯಾಗುತ್ತವೆ.

5. ಕೂದಲು ತೆಗೆಯುವ ಕ್ರೀಮುಗಳನ್ನು ಬಳಸಿ ಕಂಕುಳದ ಕೂದಲು ತೆಗೆಯುವುದರಿಂದ ಕಂಕುಳ ಕ್ಲೀನ್ ಆಗಿ ಬಿಳಿಯಾಗಿ ಕಾಣುವುದು.

6. ಕಂಕುಳ ತುಂಬಾ ಬೆವರುತ್ತಿದ್ದರೆ ಆಗಾಗ ಬೆವರನ್ನು ಒರಿಸುವುದರಿಂದ ಕಂಕುಳ ಕಪ್ಪಾಗುವುದಿಲ್ಲ. ಕಡಲೆ ಹಿಟ್ಟು ಅಥವಾ ಮುಲ್ತಾನಿಮಿಟಿಯನ್ನು ಹಚ್ಚುವುದರಿಂದ ಕಂಕುಳ ಬೆಳ್ಳಗಾಗುವುದು ಹಾಗೂ ವಿಪರೀತ ಬೆವರದು ಕಡಿಮೆ ಆಗುತ್ತದೆ.

7. ತ್ವಚೆಯಲ್ಲಿ ತುರಿಕೆ ಉಂಟಾದರೆ ವಿಟಮಿನ್ E ಎಣ್ಣೆ ಅಥವಾ ತೆಂಗಿನ ಎಣ್ಣೆಯಿಂದ ಮಸಾಜ್ ಮಾಡಿ, ಹೀಗೆ ಮಾಡುವುದು ತ್ವಚೆಗೆ ಒಳ್ಳೆಯದು.

8.ಸಡಿಲವಾದ ಉಡುಪುಗಳನ್ನು ಧರಿಸಿ ಅದರಲ್ಲೂ ಹತ್ತಿ, ಖಾದಿ ಬಟ್ಟೆಯನ್ನು ಬಳಸಿದರೆ ಒಳ್ಳೆಯದು. ಬಟ್ಟೆಗಳನ್ನು, ಕಾಸ್ಮಟಿಕ್, ಕ್ರೀಮ್ ಗಳನ್ನು ಬಳಸುವಾಗ ಸ್ವಲ್ಪ ಜಾಗೃತಿವಹಿಸಿದರೆ ಕಂಕುಳವನ್ನು ಕ್ಲೀನ್ ಆಗಿ ಇಡಬಹುದಾಗಿದೆ.