ಪುಶ್ ಅಪ್ ಬ್ರಾ : ಇದು ಪುಷ್ಪಾಗೆ ಮಾತ್ರ!

Published: Thursday, August 25, 2011, 16:55 [IST]

ಚಿಕ್ಕ ಗಾತ್ರದ ಸ್ತನ ಹೊಂದಿರುವ ಮಹಿಳೆಯರು ಇನ್ನು ಮುಂದೆ ಸಂಕೋಚ ಪಟ್ಟುಕೊಳ್ಳುವ ಅವಶ್ಯಕತೆ ಇಲ್ಲ. ತಮಗೆ ಬೇಕಾದ ರೀತಿ ಶೇಪ್ ಗೆ ಒಪ್ಪುವಂತೆ, ಸ್ತನ ಹಿಗ್ಗಿದಂತೆ, ಕಾಣಲು ಬಯಸುವ ಹುಡುಗಿಯರಿಗೆ ಪುಶ್ ಅಪ್ ಬ್ರಾ ಸೂಕ್ತ ಆಯ್ಕೆ.

ಏನಿದು ಪುಶ್ ಅಪ್ ಬ್ರಾ ? ಯಾವುದೇ ಸರ್ಜರಿಗಳ ಮೊರೆ ಹೋಗದೆ ಹಣ ಖರ್ಚುಮಾಡದೆ ನ್ಯಾಚುರಲ್ ನ್ಯಾಚುರಲ್ಲೋ ಎಂಬಂತೆ ಕಾಣಿಸಬಹುದಾದ ಈ ಪುಶ್ ಅಪ್ ಬ್ರಾ ಧರಿಸಿದರೆ ಸಾಕು ನಿಮ್ಮ. ಮುಂಭಾರ ಹೆಚ್ಚಾಗುತ್ತದೆ ಮತ್ತು ನೋಡಲಿಕ್ಕೆ ಚೆನ್ನಾಗಿಯೂ ಕಾಣಿಸುತ್ತೀರಿ.

ಪ್ರಸ್ತುತ ಪುಶ್ ಅಪ್ ಬ್ರಾ ತುಂಬಾ ಚಾಲ್ತಿಯಲ್ಲಿರುವ ಮಹಿಳೆಯರ ಒಳ ಉಡುಪು. ಈ ಒಳ ಉಡುಪನ್ನು ಧರಿಸುತ್ತಿರುವ ಮಹಿಳೆಯರ ಸಂಖ್ಯೆಯೂ ದಿನೇ ದಿನೇ ಹೆಚ್ಚುತ್ತಿದೆ. ಹಾಗೆಯೇ ಇದಕ್ಕೆ ಡಿಮ್ಯಾಂಡ್ ಕೂಡ ಹೆಚ್ಚಾಗಿದೆ. ಸ್ತನಗಳ ಗಾತ್ರ ಹಿಗ್ಗಿದಂತೆ ಆಕರ್ಷಕವಾಗಿ ಕಾಣಬೇಕು ಎಂದಿದ್ದರೆ ಈ ಪುಶ್ ಅಪ್ ಬ್ರಾ ಆಯ್ಕೆ ನಿಮ್ಮದಿರಲಿ.

ಮೆತ್ತನೆಯ ಪ್ಯಾಡ್ ಗಳನ್ನು ಒಳಗೆ ಸೇರಿಸಿ ತಯಾರಿಸಲಾಗಿರುವ ಈ ಪುಶ್ ಅಪ್ ಬ್ರಾ ಸ್ತನಗಳ ಗಾತ್ರ ಹಿಗ್ಗಿದಂತೆ ಗೋಚರಿಸುತ್ತದೆ. ತುಂಬಾ ಮೆತ್ತಗೆ ಇರುವ ಈ ಒಳ ಉಡುಪು ಧರಿಸಲು ತುಂಬಾ ಕಂಫರ್ಟಬಲ್ ಎಂದು ಬೆಂಗಳೂರಿನ ಸಿಂಘ್ವಿ ಬ್ಯೂಟಿ ಪಾರ್ಲರ್ ನ ಫಿಲಿಪ್ ಮೆಡೋನ್ಸ್ ಅಭಿಪ್ರಾಯಪಡುತ್ತಾರೆ.

ಕೇವಲ ಹೊರಗೆ ತಿರುಗುವಾಗ ಮಾತ್ರ ಇದನ್ನು ಬಳಸಬೇಕು ಅಂತ ರೂಲ್ಸ್ ಏನಿಲ್ಲ. ದಿನ ಬಳಕೆಗೂ ಇದು ಉಪಯುಕ್ತ. ಬೈದ ವೇ, ಎಲ್ಲ ರೀತಿಯ ಉಡುಪಿಗೂ ಇದು ಹೊಂದುಕೊಳ್ಳುತ್ತದೆ. ಅದರಲ್ಲೂ ಲೋ ಕಟ್ ಶರ್ಟ್ ಗಳಿಗೆ ಮತ್ತು ಬ್ರಾಡ್ ನೆಕ್ ಇರುವ ಡ್ರೆಸ್ ಗಳಿಗೆ ಇದನ್ನು ತೊಟ್ಟುಕೊಳ್ಳಬಹುದು. ಈ ಒಳ ಉಡುಪು ಎಲ್ಲಾ ಸೈಜ್ ಗಳಲ್ಲಿಯೂ ಲಭ್ಯವಿದ್ದು, ಎಲ್ಲ ವಯೋಮಾನದ ಮಹಿಳೆಯರಿಗೂ ಸೂಕ್ತ. ದೊಡ್ಡ ಸ್ತನಗಳನ್ನು ಹೊಂದಿರುವವರೂ ಕೂಡ ಇದನ್ನು ತೊಟ್ಟುಕೊಂಡರೆ ತಪ್ಪೇನಿಲ್ಲ.