ಸುಂದರ ಕೈಗಳನ್ನು ಹೊಂದಲು ಸುಲಭ ಮಾರ್ಗ

ಕ್ರೀಂ ಮತ್ತು ಲೋಶನ್ ಗಳ ಹೊರತಾಗಿ ಹೇಗೆ ನಿಮ್ಮ ಕೈಗಳನ್ನು ಮೃದುವಾಗಿಸಿಕೊಳ್ಳಬಹುದು ಎಂಬುದನ್ನು ನೋಡಿ;

1. ಪ್ರತಿ ದಿನ ಮನೆಯಲ್ಲಿ ಬೆಚ್ಚಗಿನ ನೀರು ಮತ್ತು ಹ್ಯಾಂಡ್ ವಾಶ್ ನೊಂದಿಗೆ ಮೂರು ಬಾರಿ ಕೈತೊಳೆದುಕೊಳ್ಳುತ್ತಿರಬೇಕು. ನಂತರ ಬೆಚ್ಚಗಿನ ನೀರಿನಲ್ಲಿ ಕೆಲವು ಹನಿ ಆಲಿವ್ ಎಣ್ಣೆ ಸೇರಿಸಿ ಅದಕ್ಕೆ ಕೈಗಳನ್ನು ಅದ್ದಬೇಕು. ಮೃದುವಾದ ಬಟ್ಟೆಯಿಂದ ಕೈಗಳನ್ನು ಒರೆಸಿಕೊಳ್ಳಬೇಕು.

2. ಸ್ವಲ್ಪ ಜೇನಿನೊಂದಿಗೆ ಉಪ್ಪು ಮತ್ತು ನಿಂಬೆ ರಸ ಬೆರೆಸಿ ಅದನ್ನು ಕೈಗಳಿಗೆ ಲೇಪಿಸಿಕೊಂಡು ಮಸಾಜ್ ಮಾಡಬೇಕು. ಈ ರೀತಿ ನಿರಂತರವಾಗಿ ಕೆಲದಿನಗಳವರೆಗೆ ಮುಂದುವರೆಸಿದರೆ ಫಲಿತಾಂಶ ಗೋಚರಿಸುತ್ತದೆ.

3. ಪುದೀನಾ ಎಲೆಯನ್ನು ಬಿಸಿ ನೀರಿನಲ್ಲಿ ಹಾಕಿ ಅದಕ್ಕೆ ನಿಂಬೆ ರಸ ಸೇರಿಸಿ ಸುಮಾರು 5 ನಿಮಿಷ ಕೈಗಳನ್ನು ಅದರಲ್ಲಿ ಸೋಕಿಸಬೇಕು. ನಂತರ ಹ್ಯಾಂಡ್ ವಾಶ್ ನಿಂದ ಕೈಗಳನ್ನು ತೊಳೆದುಕೊಳ್ಳಬೇಕು.

4. ಸಕ್ಕರೆ ಮತ್ತು ಜೇನಿನ ಮಿಶ್ರಣವನ್ನು ಕೈಗಳಿಗೆ ಹಚ್ಚಿ ಮಸಾಜ್ ಮಾಡಿದರೆ ಕೈಗಳು ಹೊಳೆಯುತ್ತವೆ.ಈ ಮಿಶ್ರಣದಿಂದ ನಿರ್ಜೀವ ಕಣಗಳು ತೊಲಗಿ ಮೃದು ಮತ್ತು ಆಕರ್ಷಕ ಕೈಗಳನ್ನು ನೀಡುತ್ತವೆ.
ಈ ಸಲಹೆಗಳನ್ನು ಪಾಲಿಸಿ ಗಡುಸಾದ ನಿಮ್ಮ ಕೈಗಳನ್ನು ತುಂಬಾ ಸುಲಭವಾಗಿ ಮೃದುಗೊಳಿಸಿಕೊಳ್ಳುವುದು ಸಾಧ್ಯವಿದೆ.