Weekly Horoscope: ಡಿಸೆಂಬರ್ 08 ರಿಂದ ಡಿಸೆಂಬರ್ 14ರ ವರೆಗೆ ಮೇಷದಿಂದ ಕನ್ಯಾ ರಾಶಿವರೆಗಿನ ನಿಮ್ಮ ರಾಶಿಫಲ

ಡಿಸೆಂಬರ್ 08 ರಿಂದ ಡಿಸೆಂಬರ್ 14ರ ನಿಮ್ಮ ವಾರ ಭವಿಷ್ಯ (Weekly Horoscope) ಇಲ್ಲಿದೆ...

ಮೇಷ ರಾಶಿ

ಮೇಷ ರಾಶಿಯವರಿಗೆ ಈ ವಾರವು ಅನುಕೂಲಕರ ದಿನಗಳ ತರಲಿದೆ. ನೀವು ಸ್ವಲ್ಪ ಸಮಯದಿಂದ ಸಮಸ್ಯೆಗಳ ಎದುರಿಸುತ್ತಿದ್ದರೆ ಈ ವಾರದಲ್ಲಿ ಅಂತಹ ಹಲವು ಸಮಸ್ಯೆಗಳಿಂದ ಮುಕ್ತಿ ಪಡೆಯಲಿದ್ದೀರಿ. ಆಪ್ತ ಸ್ನೇಹಿತರಿಂದ ಬೆಂಬಲ ಮತ್ತು ಸಹಕಾರದ ಕೊರತೆಯು ಹತಾಶೆಗೆ ಕಾರಣವಾಗಬಹುದು. ವಾರದ ಮೊದಲಾರ್ಧದಲ್ಲಿ ದೀರ್ಘ ಅಥವಾ ಅಲ್ಪ-ದೂರ ಕೆಲಸದ ಪ್ರವಾಸವನ್ನು ಕೈಗೊಳ್ಳಬೇಕಾಗಬಹುದು. ದೇವಾಲಯ ಭೇಟಿಯ ಸಾಧ್ಯತೆ ದಟ್ಟವಾಗಿರಲಿದೆ. ನಿಮ್ಮ ಆದಾಯ ಮೂಲದಲ್ಲಿನ ಹೆಚ್ಚಳವಾಗುವುದು ಹೊಸ ಜವಾಬ್ದಾರಿಯ ತರಬಹುದು. ಪ್ರಣಯ ಸಂಬಂಧಗಳಲ್ಲಿ ಎಚ್ಚರಿಕೆಯಿಂದ ಮುಂದುವರಿಯಿರಿ.

ವೃಷಭ ರಾಶಿ

ಈ ವಾರ ವೃಷಭ ರಾಶಿಯ ಜನರಿಗೆ ಮಿಶ್ರ ಫಲದ ವಾರವಾಗಿರಲಿದೆ. ಹಣದ ವ್ಯವಹಾರದಲ್ಲಿ ಈ ವಾರ ಆದಾಯದಷ್ಟೇ ಖರ್ಚುಗಳ ನೋಡುವಿರಿ. ಮುಂದಿನ ಭವಿಷ್ಯದ ಕೆಲಸವೊಂದಕ್ಕೆ ನೀವು ದೊಡ್ಡ ಮಟ್ಟದ ಹೂಡಿಕೆ ಅಥವಾ ಉಳಿತಾಯ ಮಾಡುವುದು ಉತ್ತಮವಾಗಲಿದೆ. ದೂರ ಪ್ರಯಾಣಗಳು, ಆಪ್ತರ ಭೇಟಿ, ಖರ್ಚುಗಳು ಈ ವಾರ ಸಾಮಾನ್ಯವಾಗಿರಲಿದೆ. ವಾರದ ಮೊದಲಾರ್ಧದಲ್ಲಿ ಸಣ್ಣ ಕೆಲಸಗಳಿಗೆ ಆತುರದಿಂದ ತೆಗೆದುಕೊಂಡ ನಿರ್ಧಾರಗಳು ಚಿಂತೆಯಾಗಿ ಬದಲಾಗಬಹುದು. ಈ ಸಮಯದಲ್ಲಿ ಕುಟುಂಬ ಸದಸ್ಯರೊಂದಿಗೆ ಭಿನ್ನಾಭಿಪ್ರಾಯಗಳು ಉಂಟಾಗಬಹುದು. ಅಪೇಕ್ಷಿತ ಯಶಸ್ಸನ್ನು ಸಾಧಿಸಲು ಸಾಮಾನ್ಯಕ್ಕಿಂತ ಹೆಚ್ಚಿನ ಶ್ರಮ ಬೇಕಾಗುತ್ತದೆ. ಉದ್ಯಮಿಗಳು ಈ ವಾರ ಅಪಾಯಕಾರಿ ಹೂಡಿಕೆಗಳನ್ನು ತಪ್ಪಿಸಬೇಕು. ವ್ಯಾಪಾರಿಗಳಿಗೆ ಈ ವಾರವು ಅನುಕೂಲಗಳಿದ್ದರೂ ಎಚ್ಚರಿಕೆಯ ವ್ಯವಹಾರ ಉತ್ತಮ.

ಮಿಥುನ ರಾಶಿ

ಈ ವಾರ ಮಿಥುನ ರಾಶಿಯವರಿಗೆ ಅತ್ಯಂತ ಶುಭ ಮತ್ತು ಪ್ರಯೋಜನಕಾರಿ ಎಂದು ಸಾಬೀತುಪಡಿಸುತ್ತದೆ. ನೀವು ವೃತ್ತಿ ಅಥವಾ ವ್ಯವಹಾರವನ್ನು ವಿಸ್ತರಿಸುವ ಆಲೋಚನೆಯಲ್ಲಿ ದೊಡ್ಡ ನಿರ್ಧಾರ ತೆಗೆದುಕೊಳ್ಳಬಹುದು. ವಾರದ ಆರಂಭದಿಂದಲೂ ನಿಮ್ಮ ಹಣಕಾಸು ವಿಚಾರದಲ್ಲಿ ಚಿಂತೆಗಳು ಕಾಡಬಹುದು. ಆಪ್ತರಿಗೆ ನಿಮ್ಮಿಂದಾಗಿ ಸಹಾಯವಾದರೂ ನಿಮ್ಮ ಹಣಕಾಸು ವಿಚಾರದಿಂದ ಅವರು ಬಯಸಿದ ಫಲಿತಾಂಶ ನಿಮ್ಮಿಂದ ಸಿಗದೆ ಇರಬಹುದು. ಈ ವಾರ ಕೆಲಸ ಮಾಡುವ ವೃತ್ತಿಪರರಿಗೆ ಅತ್ಯಂತ ಶುಭ ಮತ್ತು ಪ್ರಯೋಜನಕಾರಿಯಾಗಿರುತ್ತದೆ. ವ್ಯವಹಾರದಲ್ಲಿ ನೀವು ಬಯಸಿದ ಲಾಭವನ್ನು ಸಾಧಿಸುವಿರಿ. ನ್ಯಾಯಾಲಯದ ಪ್ರಕರಣ ಬಾಕಿ ಇದ್ದರೆ, ಅನುಕೂಲಕರ ತೀರ್ಪು ಗಮನಾರ್ಹ ಪರಿಹಾರವನ್ನು ತರುತ್ತದೆ.

ಕರ್ಕ ರಾಶಿ

ಕರ್ಕ ರಾಶಿಯವರಿಗೆ ಈ ವಾರ ಸಾಮಾನ್ಯವಾಗಿ ಫಲಪ್ರದವಾಗಿರುತ್ತದೆ. ವಾರದ ಆರಂಭದಲ್ಲಿ ನೀವು ಕೆಲಸದಲ್ಲಿ ನಿರತರಾಗಿರಬಹುದು. ಈ ಸಮಯದಲ್ಲಿ ನೀವು ಇದ್ದಕ್ಕಿದ್ದಂತೆ ಕೆಲಸದಲ್ಲಿ ಹೆಚ್ಚುವರಿ ಕೆಲಸದ ಹೊರೆಗಳನ್ನು ಎದುರಿಸಬೇಕಾಗುತ್ತದೆ. ಕುಟುಂಬದ ಸದಸ್ಯರ ಆರೋಗ್ಯದ ಬಗ್ಗೆ ನೀವು ಚಿಂತಿತರಾಗಿರಬಹುದು. ವಾರದ ಮಧ್ಯದಲ್ಲಿ, ಕೆಲಸದಲ್ಲಿರುವ ಸ್ನೇಹಿತರು ಅಥವಾ ಸಹೋದ್ಯೋಗಿಗಳ ನಡವಳಿಕೆಯಲ್ಲಿನ ಬದಲಾವಣೆಯು ನಿಮಗೆ ತೊಂದರೆಯನ್ನುಂಟುಮಾಡಬಹುದು. ವಾರದ ಮಧ್ಯದಿಂದ ನಿಮ್ಮ ಎಲ್ಲಾ ಕೆಲಸಗಳಲ್ಲಿ ಶುಭವಾಗಲಿದೆ. ಸಹೋದ್ಯೋಗಿಗಳು ಮತ್ತು ಹಿತೈಷಿಗಳು ಕಷ್ಟದ ಸಮಯದಲ್ಲಿ ಸಹಾಯಕ್ಕೆ ಬರಬಹುದು. ಉದ್ಯೋಗ ಸಂಬಂಧಿ ಸಮಸ್ಯೆಗಳು ನಿವಾರಣೆಯಾಗಲಿದೆ. ಗೃಹಿಣಿಯರಿಗೆ ಈ ವಾರವು ಲಾಭದಾಯಕವಾಗಲಿದೆ. ಆರ್ಥಿಕವಾಗಿ ನೀವು ಸಾಲಗಳಿಂದ ಮುಕ್ತಿ ಪಡೆಯುವ ಪ್ರಯತ್ನ ಬಿಡಬೇಡಿ. ದೇವಾಲಯ, ಪ್ರವಾಸದಂತಹ ಕೆಲಸದಲ್ಲಿ ತೊಡಗಬಹುದು.

ಸಿಂಹ ರಾಶಿ

ಈ ವಾರ ಸಿಂಹ ರಾಶಿಯವರಿಗೆ ವೃತ್ತಿ ಮತ್ತು ವ್ಯವಹಾರದ ವಿಷಯದಲ್ಲಿ ಹಾಗೂ ಕುಟುಂಬ ಮತ್ತು ಮನೆಯ ವಿಷಯದಲ್ಲಿ ಅನುಕೂಲಕರವಾಗಿರುತ್ತದೆ. ವಾರದ ಆರಂಭದಲ್ಲಿ ಹಣಕಾಸಿನ ವಿಚಾರವಾಗಿ ಬಹಳ ಅನುಕೂಲ ನೋಡಬಹುದು. ಕೆಲಸಗಳ ಸಂಬಂಧ ನಿಮ್ಮ ದೊಡ್ಡ ನಿರ್ಧಾರಗಳು ನಿಮಗೆ ಶುಭ ತರಲಿವೆ. ಉತ್ತರಾರ್ಧದಲ್ಲಿ ನಿಮ್ಮ ಹಲವು ಕೆಲಸಗಳಲ್ಲಿ ಶುಭವಿದೆ. ಅದ್ರಲ್ಲೂ ನಿರುದ್ಯೋಗಿಗಳಲ್ಲಿ ಈ ವಾರ ನೀವು ಬಯಸಿದ ಕೆಲಸ ಸಿಗಬಹುದು. ವೃತ್ತಿ ಮತ್ತು ವ್ಯವಹಾರ ದೃಷ್ಟಿಕೋನದಿಂದ ಈ ಸಮಯ ಅನುಕೂಲಕರವಾಗಿರುತ್ತದೆ. ವಾರದ ಮೊದಲಾರ್ಧವು ವ್ಯವಹಾರದಲ್ಲಿ ತೊಡಗಿರುವವರಿಗೆ ಶುಭವಿದೆ. ವಾಹನ ಸಂಬಂಧವಾಗಿ ಎಚ್ಚರಿಕೆಯಿಂದ ಇರುವುದು ಉತ್ತಮ. ಹಾಗೆ ಖರ್ಚುಗಳ ಮೇಲೆಯೂ ಹಿಡಿತವಿರಲಿ.

ಕನ್ಯಾ ರಾಶಿ

ಕನ್ಯಾ ರಾಶಿಯವರಿಗೆ ವಾರದ ಮೊದಲಾರ್ಧವು ಮಿಶ್ರ ಫಲಿತಾಂಶಗಳನ್ನು ತರಲಿದೆ. ಉತ್ತರಾರ್ಧವು ಅತ್ಯಂತ ಶುಭವಾಗಿರುತ್ತದೆ. ವಾರದ ಆರಂಭದಲ್ಲಿ ನೀವು ಕೆಲಸಕ್ಕಾಗಿ ಸಾಕಷ್ಟು ಓಡಾಡಬೇಕಾಗಬಹುದು. ಈ ಸಮಯದಲ್ಲಿ, ಕುಟುಂಬ ಸದಸ್ಯರಿಗೆ ಸಂಬಂಧಿಸಿದ ಸಮಸ್ಯೆಯ ಬಗ್ಗೆ ನೀವು ಚಿಂತಿತರಾಗುತ್ತೀರಿ. ವೃತ್ತಿಪರರಿಗೆ ಈ ವಾರ ಬಹಳ ಅನುಕೂಲಕರ ದಿನಗಳಿವೆ. ವಾರದ ಮಧ್ಯದಲ್ಲಿ ಹಠಾತ್ ಹಣಕಾಸಿನ ಲಾಭ ನೋಡಬಹುದು. ನಿಮ್ಮ ವ್ಯವಹಾರವು ಅಪೇಕ್ಷಿತ ಲಾಭ ಮತ್ತು ಹೆಚ್ಚಿದ ಆದಾಯವನ್ನು ತರುತ್ತದೆ. ನಿಮ್ಮ ಸಂಗಾತಿಯೊಂದಿಗೆ ನೀವು ಉತ್ತಮ ಸಮನ್ವಯವನ್ನು ಅನುಭವಿಸುವಿರಿ.