ಈ ಶನಿವಾರ(ಮಾರ್ಚ್ 29) ತುಂಬಾ ವಿಶೇಷವಾಗಿದೆ, 57 ವರ್ಷಗಳ ಬಳಿಕ ಈ ಯೋಗ ಉಂಟಾಗಲಿದೆ

57 ವರ್ಷಗಳ ಈ ಶನಿವಾರ ಜ್ಯೋತಿಷ್ಯದ ದೃಷ್ಟಿಯಿಂದ ತುಂಬಾನೇ ಮಹತ್ವದ್ದಾಗಿದೆ. ಈ ದಿನ ತುಂಬಾನೇ ಮಹತ್ವದ ಘಟನೆ ನಡೆಯಲಿದೆ. ಈ ದಿನ ಶುಭ, ಅಶುಭ ಯೋಗಗಳು ಉಂಟಾಗಲಿದೆ, ಪ್ರಮುಖ ಗ್ರಹ ರಾಶಿ ಬದಲಾವಣೆ ಮಾಡಲಿದೆ, ವಿಶಿಷ್ಠ ಯೋಗಗಳು ಉಂಟಾಗಿದೆ, ಹೀಗೆ ಈ ದಿನ(ಮಾರ್ಚ್ 29) ತುಂಬಾನೇ ವಿಶೇಷವಾಗಿದೆ:

ಷಷ್ಠಗ್ರಹಿ ಯೋಗ
ಈ ದಿನದಂದು ಮೀನ ರಾಶಿಯಲ್ಲಿ ಶನಿ, ರಾಹು, ಸೂರ್ಯ, ಬುಧ, ಶುಕ್ರ ಮತ್ತು ಚಂದ್ರ ಗ್ರಹಗಳ ಸಂಯೋಗವಾಗಲಿದೆ. ಇದೊಂದು ತುಂಬಾ ಅಪರೂಪದ ಸಂಯೋಗವಾಗಲಿದೆ, 6 ಗ್ರಹಗಳು ಮೀನ ರಾಶಿಯಲ್ಲಿ ಸಂಯೋಗವಾಗಲಿದೆ. ಶನಿಯು 30 ವರ್ಷಗಳ ಬಳಿಕ ಮೀನ ರಾಶಿಗೆ ಸಂಚರಿಸಲಿದೆ.

ಶನಿ ಅಮವಾಸ್ಯೆ
ಶನಿವಾರದಂದು ಅಮವಾಸ್ಯೆ ಬಂದಿರುವುದರಿಂದ ಶನಿ ಅಮವಾಸ್ಯೆ ಎಂದು ಕರೆಯಲಾಗುವುದು. ಈ ಅಮವಾಸ್ಯೆ ಇತರ ಅಮವಾಸ್ಯೆಗಿಂತ ಭಿನ್ನವಾಗಿರುತ್ತದೆ. ಶನಿಯ ತೊಂದರೆಗಳಿಂದ ಪಾರಾಗಲು ಈ ದಿನ ಪರಿಹಾರ ಕಾರ್ಯ ಮಾಡಿದರೆ ಒಳ್ಳೆಯದು. ಅಲ್ಲದೆ ಈ ದಿನ ಶನಿ ರಾಶಿ ಬದಲಾವಣೆ ಮಾಡುವುದರಿಂದ ಈ ದಿನ ಮತ್ತಷ್ಟು ವಿಶೇಷವಾಗಿರಲಿದೆ. ಈ ದಿನ ಶನಿ ದೇವಾಲಯಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದರೆ ಒಳ್ಳೆಯದು. ಶನಿ ಸಾಡೇಸಾತಿ ಇರುವವರು ಈ ದಿನ ಶನಿ ದೇವಾಲಯಕ್ಕೆ ಹೋಗಿ ಎಳ್ಳೆಣ್ಣೆ ಹಾಗೂ ಕಪ್ಪು ಎಳ್ಳುಗಳನ್ನು ಅರ್ಪಿಸಿ.

ಶನಿ ಮೀನ ಯೋಗ
ಶನಿಯು ಗುರು ಆಡಳಿತ ಗ್ರಹವಾಗಿರುವ ಮೀನ ರಾಶಿಗೆ ಸಂಚರಿಸಲಿದೆ. ಶನಿಯ ಈ ಸಂಚಾರ ದ್ವಾದಶ ರಾಶಿಗಳ ಮೇಲೆ ತುಂಬಾನೇ ಪ್ರಭಾವ ಬೀರಲಿದೆ. ಈ ಸಂಚಾರ ದೇಶ-ವಿದೇಶ ಹಲವು ಬದಲಾವಣೆಗಳನ್ನು ತರಲಿದ. ಪ್ರತಿಯೊಂದು ರಾಶಿಯ ಮೇಲೆ ಇದರ ಪ್ರಭಾವ ಬೀರಲಿದೆ.
ಈ ಶನಿ ಸಂಚಾರದಿಂದ ಮಕರ ರಾಶಿಯವರು ಶನಿ ಸಾಡೇಸಾತಿಯಿಂದ ಮುಕ್ತರಾಗುತ್ತಾರೆ. ಮೇಷ ರಾಶಿಯವರಿಗೆ ಶನಿ ಸಾಡೇಸಾತಿ ಪ್ರಾರಂಭವಾಗಲಿದೆ. ಕುಂಭ ಹಾಗೂ ಮೀನ ರಾಶಿಯವರಲ್ಲಿ ಶನಿ ಸಾಡೇಸಾತಿ ಮುಂದುವರೆಯಲಿದೆ.

ಪಿಶಾಚ ಯೋಗ
ಈ ದಿನ ಪಿಶಾಚ ಯೋಗ ಕೂಡ ಇದೆ. ಶನಿ ಮತ್ತು ರಾಹು ಸಂಯೋಗದಿಂದ ಪಿಶಾಚ ಯೋಗ ಉಂಟಾಗಲಿದೆ. ಈ ಪಿಶಾಚ ಯೋಗ ತುಂಬಾ ಕಠಿಣವಾದ ಯೋಗ ಎಂದು ಕರೆಯಲಾಗುವುದು.

ಅಶುಭ ಯೋಗ
ಮೀನ ರಾಶಿಯಲ್ಲಿ ಶನಿ ಮತ್ತು ಚಂದ್ರನ ಸಂಯೋಗದಿಂದ ಅಶುಭ ಯೋಗ ಉಂಟಾಗಲಿದೆ. ಈ ಯೋಗ ಮನೆಯಲ್ಲಿ ಸಮಸ್ಯೆಗಳನ್ನು ಉಂಟು ಮಾಡಬಹುದು, ಮೀನ ರಾಶಿಯವರು ಈ ದಿನ ಜಾಗ್ರತೆವಹಿಸಬೇಕು.

ಮೀನ ರಾಶಿಯಲ್ಲಿ ಬುಧಾದಿತ್ಯ ಯೋಗವಿದೆ
ಮೀನ ರಾಶಿಯಲ್ಲಿ ಬುಧ ಮತ್ತು ಸೂರ್ಯ ಸಂಯೋಗದಿಂದ ಬುಧಾದಿತ್ಯ ಯೋಗ ಉಂಟಾಗಿದೆ. ಈ ಯೋಗ ಸಮೃದ್ಧಿಯನ್ನು ಹೆಚ್ಚಿಸುತ್ತದೆ. ವ್ಯಾಪಾರಸ್ಥರು ಧನ ಲಾಭ ಪಡೆಯಬಹುದು.

ಶುಕ್ರಾದಿತ್ಯ ಯೋಗ ಉಂಟಾಗಿದೆ
ಸೂರ್ಯ ಮತ್ತು ಶುಕ್ರ ಮೀನ ರಾಶಿಯಲ್ಲಿ ಸಂಯೋಗವಾಗಲಿದೆ, ಇದರಿಂದಾಗಿ ಶುಕ್ರಾದಿತ್ಯ ಯೋಗ ಉಂಟಾಗಲಿದೆ.

ಲಕ್ಷ್ಮಿ ನಾರಾಯಣ ಯೋಗ ಕೂಡ ಇದೆ
ಈ ದಿನದಂದು ಲಕ್ಷ್ಮಿ ನಾರಾಯಣ ಯೋಗ ಕೂಡ ಇದೆ. ಬುಧ ಹಾಗೂ ಶುಕ್ರ ಗ್ರಹಗಳ ಸಂಯೋಗದಿಂದ ಲಕ್ಷ್ಮಿ ನಾರಾಯಣ ಯೋಗ ಉಂಟಾಗಲಿದೆ.

ಸೂಚನೆ
ಈ ಲೇಖನವನ್ನು ಜ್ಯೋತಿಷ್ಯ ಪ್ರಕಾರ ನೀಡಲಾಗಿದ್ದು, ಮಾಹಿತಿಯ ಉದ್ದೇಶದಿಂದ ಮಾತ್ರ ನೀಡಲಾಗಿದೆ, ಯಾವುದೇ ನಿರ್ಧಾರ ಅಥವಾ ನಷ್ಟಗಳಿಗೆ Kannada Boldsky.com ಹೊಣೆಯಲ್ಲ. ಯಾವುದೇ ನಿರ್ಧಾರಕ್ಕೆ ಬರುವ ಮುನ್ನ ಅಥವಾ ಹೂಡಿಕೆ ಮುನ್ನ ತಜ್ಞರ ಸಲಹೆ ಪಡೆಯುವುದು ಸೂಕ್ತ

Disclaimer: ಈ ಲೇಖನದಲ್ಲಿ ಉಲ್ಲೇಖಿಸಲಾದ ಹರಳುಗಳ ಪ್ರಯೋಜನಗಳು ಸಾಂಪ್ರದಾಯಿಕ ನಂಬಿಕೆಗಳು ಮತ್ತು ಜ್ಯೋತಿಷ್ಯ ಪದ್ಧತಿಗಳನ್ನು ಆಧರಿಸಿವೆ. ಇದರ ಫಲಿತಾಂಶಗಳು ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗಬಹುದು. ಜ್ಯೋತಿಷ್ಯ ಉದ್ದೇಶಗಳಿಗಾಗಿ ಯಾವುದೇ ರತ್ನವನ್ನು ಧರಿಸುವ ಮೊದಲು ಪ್ರಮಾಣೀಕೃತ ಜ್ಯೋತಿಷಿ ಅಥವಾ ಹರಳು ತಜ್ಞರನ್ನು ಸಂಪರ್ಕಿಸಲು ನಾವು ಶಿಫಾರಸು ಮಾಡುತ್ತೇವೆ. ಈ ವಿಷಯವು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಕಟಿಸಲಾಗಿದೆ ವೃತ್ತಿಪರ ಸಲಹೆಗೆ ಪರ್ಯಾಯವಾಗಿ ಪರಿಗಣಿಸಬಾರದು.