Just In
Don't Miss
- Automobiles Bullet Train: ಭಾರತದಲ್ಲಿ ಮೊದಲ ಬಾರಿಗೆ ನವೀನ ರೀತಿಯ ಹಳಿ ಬಳಕೆ.. 320 ಕಿ.ಮೀ ವೇಗದಲ್ಲಿ ಓಡುತ್ತೆ ರೈಲು!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Movies "ಇವರು ಆಡೋ ಮಾತುಗಳಿಂದ ನಮ್ಮ ತಾಯಿ ಊಟ ಮಾಡ್ತಿಲ್ಲ"; ಕಣ್ಣೀರಿಟ್ಟ ವರ್ತೂರು ಸಂತೋಷ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಿಮ್ಮ ಸಂಗಾತಿ ನಿಮ್ಮನ್ನು ಮದುವೆಯಾಗಲು ರೆಡಿ ಎಂದು ಸುಳಿವು ಕೊಡುವ ಸಂಗತಿಗಳಿವು
ಪ್ರೀತಿಯಲ್ಲಿ ಬೀಳುವುದು ಸುಲಭ. ಆದರೆ ಅದನ್ನು ಉಳಿಸಿಕೊಂಡು, ಮದುವೆಯ ತನಕ ಬರುವುದು ಬಹಳ ಕಷ್ಟ. ಪ್ರೀತಿ ಮಾಡಿದವರೆಲ್ಲ ವಿವಾಹವಾಗುತ್ತಾರೆ ಎಂದೂ ಹೇಳಲಾಗುವುದಿಲ್ಲ. ಪ್ರೀತಿಯ ಹಾದಿಯಲ್ಲಿ ಸಿಗೋ ಎಲ್ಲಾ ಕಷ್ಟ-ಸುಖಗಳನ್ನು ಗೆದ್ದು, ಮದುವೆ ಎಂಬ ಪವಿತ್ರ ಬಂಧಕ್ಕೆ ಕಾಲೀಡಬೇಕಾಗುತ್ತದೆ. ಆದರೆ ಅದಕ್ಕೂ ಮುನ್ನ ನಿಮ್ಮ ಸಂಗಾತಿ ಮದುವೆಗೆ ಸಿದ್ದರಿದ್ದಾರೆ, ನಿಮ್ಮೊಂದಿಗೆ ಬಾಳೆಂಬ ಪಯಣದಲ್ಲಿ ನಡೆಯಲು ತಯಾರಾಗಿದ್ದಾರೆ ಎಂದು ನೀವು ತಿಳಿದುಕೊಳ್ಳುವುದು ಬಹಳ ಮುಖ್ಯ. ಒಂದು ವೇಳೆ ನಿಮ್ಮ ಸಂಗಾತಿ ಮದುವೆಗೆ ಸಿದ್ದರಿದ್ದರೆ ಈ ರೀತಿಯ ಲಕ್ಷಣಗಳನ್ನು ತೋರುತ್ತಾರೆ. ಅದ್ಯಾವುದು ಎಂಬುದನ್ನು ಈ ಕೆಳಗೆ ನೀಡಲಾಗಿದೆ.
ನಿಮ್ಮೊಂದಿಗೆ ವಿವಾಹವಾಗಲು ನಿಮ್ಮ ಸಂಗಾತಿ ಸಿದ್ದರಿದ್ದಾರೆ ಎಂದು ಸುಳಿವು ಕೊಡುವ ಸಂಗತಿಗಳನ್ನು ಈ ಕೆಳಗೆ ನೀಡಲಾಗಿದೆ:
ನೀವು ಮಾಡುವ ಎಲ್ಲ ಕೆಲಸದಲ್ಲೂ ಭಾಗಿಯಾಗುತ್ತಾರೆ:
ನಿಮ್ಮ ಸಂಗಾತಿ ನಿಮ್ಮ ಪ್ರತಿ ಗುರಿ, ಸಾಧನೆ ಮತ್ತು ಮಹತ್ವಾಕಾಂಕ್ಷೆ ಎಷ್ಟೇ ದೊಡ್ಡದಾದರೂ ಅದರಲ್ಲಿ ಸಣ್ಣ ಪ್ರಮಾಣದಲ್ಲಾದರೂ ಭಾಗಿಯಾಗುತ್ತಾರೆ. ನಿಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಗುರಿಗಳನ್ನು ತಲುಪುವ ಬಗ್ಗೆ ಅವರು ಕನಸು ಕಾಣುತ್ತಾರೆ. ಗುರಿಗಳನ್ನು ಸಾಧಿಸಲು ಮುಂದಾದರೆ ನಿಮ್ಮನ್ನು ಪ್ರೋತ್ಸಾಹಿಸುತ್ತಾರೆ. ಎಲ್ಲಾ ಕೆಲಸದಲ್ಲೂ ನಿಮ್ಮೋಂದಿಗೆ ಹೆಜ್ಜೆ ಹಾಕುತ್ತಾರೆ.
ನಿಮ್ಮ ಆರ್ಥಿಕ ಸ್ಥಿತಿಗಳಿಗೆ ಹೊಂದಿಕೊಳ್ಳುತ್ತಾರೆ:
ನಿಮ್ಮ ನಿರ್ಧಾರಗಳಲ್ಲಿ ನಿಮ್ಮ ಸಂಗಾತಿ ಆರ್ಥಿಕವಾಗಿ ಬೆಂಬಲ ನೀಡುತ್ತಾರೆ. ನೀವು ಮಾಡುತ್ತಿರುವ ಯಾವುದೇ ತಪ್ಪುಗಳ ಬಗ್ಗೆ ತಿಳಿಸಲು ಸಹ ಪ್ರಯತ್ನಿಸುತ್ತಾರೆ. ಹಣಕಾಸಿಗೆ ಸಂಬಂಧಿಸಿದ ಯಾವುದೇ ವ್ಯವಹಾರದಲ್ಲೀ ನಿಮ್ಮ ಸಲಹೆ ಕೇಳುತ್ತಾರೆ. ನಿಮ್ಮ ಸಂಗಾತಿ ಏನಾದರೂ ಹೀಗೆ ಮಾಡುತ್ತಿದ್ದರೆ, ನೀವೇ ಅದೃಷ್ಠವಂತರು. ಏಕೆಂದರೆ ಈಗಿನ ಕಾಲಕ್ಕೆ ಹೀಗೆ ಅರಿತು ಬಾಳುವುದು ಅದರಲ್ಲೂ ಹಣಕಾಸಿನ ವಿಚಾರದಲ್ಲಿ ಹೊಂದಾಣಿಕೆಯಾಗಿರುವುದು ಬಹಳ ಮುಖ್ಯ.
ನಿಮ್ಮ ಕುಟುಂಬದೊಂದಿಗೆ ಸೇರಿಕೊಳ್ಳುತ್ತಾರೆ:
ನಿಮ್ಮ ಸಂಗಾತಿ ನಿಮ್ಮ ಕುಟುಂಬದೊಂದಿಗೆ ಡಿನ್ನರ್ ಅಥವಾ ಸಂತೋಷ ಕೂಟಗಳಿಗೆ ಆಗಮಿಸಿದಾಗ, ನಿಮ್ಮ ಮನೆಯರೊಂದಿಗೆ ಹೆಚ್ಚು ಆರಾಮದಾಯಕವಾಗಿ ಕಾಲ ಕಳೆಯುತ್ತಾರಾ? ಹಾಗಾದರೆ ಅವರು ನಿಮಗೆ ಪರ್ಫೆಕ್ಟ್ ಪೇರ್ . ಪರಸ್ಪರರ ಕುಟುಂಬಗಳೊಂದಿಗೆ ಹೊಂದಿಕೊಳ್ಳುವುದು ಸಹ ಮದುವೆಗೆ ಮುಖ್ಯವಾಗಿರುತ್ತದೆ. ಏಕೆಂದರೆ ಮದುವೆ ಎಂದರೆ ಕೇವಲ ಎರಡು ವ್ಯಕ್ತಿಗಳ ನಡುವಿನ ಬಂಧವಲ್ಲ. ಎರಡು ಕುಟುಂಬಗಳ ನಡುವಿನ ಅನುಬಂಧವಾಗಿದೆ.
ನಿಮ್ಮಲ್ಲಿ ಅವರನ್ನು ಕಾಣುತ್ತಾರೆ:
ಸಂಬಂಧದಲ್ಲಿ ಪಾರದರ್ಶಕತೆ ಎಂಬುದು ತುಂಬಾ ಮುಖ್ಯ. ಇಬ್ಬರ ನಡುವೆ ಯಾವುದೇ ಮುಚ್ಚು ಮರೆ ಇರಬಾರದು. ಆಗ ಮಾತ್ರ ಸಂಬಂಧ ಗಟ್ಟಿಯಾಗುತ್ತದೆ. ನಿಮ್ಮ ಮುಖದಲ್ಲಿ ಯಾವುದೇ ನಿರಾಶೆ ಅಥವಾ ಬೇಜಾರನ್ನು ಸಹ ನಿಮ್ಮ ಸಂಗಾತಿ ಗಮನಿಸಿದರೆ, ನಿಮ್ಮಲ್ಲಿ ಅವರನ್ನೇ ಕಾಣುತ್ತಿದ್ದಾರೆ ಎಂದರ್ಥ. ನೀವು ಅವರಿಗೆ ಏನನ್ನೂ ಹೇಳದೆ ಅವರು ನಿಮ್ಮ ಎಲ್ಲಾ ಅಭಿವ್ಯಕ್ತಿಗಳನ್ನು ಗಮನಿಸಲು ಮತ್ತು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತದೆ.
ಸೂಕ್ಷ್ಮ ಸುಳಿವುಗಳನ್ನು ಕೊಡುತ್ತಾರೆ:
ನಿಮ್ಮ ಸಂಗಾತಿ ಮದುವೆಗೆ ಸಿದ್ಧರಿದ್ದಾರೆ ಎಂಬ ಸುಳುವುಗಳನ್ನು ಬಿಟ್ಟುಕೊಡುತ್ತಾರೆ. ಅಂದ್ರೆ, ವಿವಾಹಿತ ದಂಪತಿಗಳ ಬಗ್ಗೆ ಮಾತನಾಡುವ ಮೂಲಕ ಅಥವಾ ವಿವಾಹ ಸಮಾರಂಭಗಳನ್ನು ಮೆಚ್ಚುವ ಮೂಲಕ ಹೀಗೆ ಕೆಲವೊಂದು ಮದುವೆಯ ಬಗ್ಗೆ ಚರ್ಚಿಸುತ್ತಾರೆ. ಅವರು ನಿಶ್ಚಿತಾರ್ಥದ ಉಂಗುರಗಳನ್ನು ನೋಡುತ್ತಾರೋ ಇಲ್ಲವೋ ಎಂಬುದನ್ನು ಸಹ ನೋಡಬಹುದು. ಇದು ಮದುವೆಗೆ ಸಿದ್ಧರಿದ್ದಾರೆ ಎಂಬುದರ ಬಲವಾದ ಸುಳಿವಾಗಿದೆ.