ಒಬ್ಬ ಪ್ರಬುದ್ಧ ಮಹಿಳೆ ತನ್ನವನಲ್ಲಿ ಬಯಸುವ ಗುಣಗಳು ಇವೇ..

ವಿಶ್ವಾಸ:

ಒಬ್ಬ ಪುರುಷನು ತನ್ನನ್ನು ತಾನು ನಂಬಿರುವ, ತನ್ನ ಬಗ್ಗೆ ತಿಳಿದಿರುವ ವ್ಯಕ್ತಿ ಮಹಿಳೆಗೆ ತುಂಬಾ ಆಕರ್ಷಕವಾಗುತ್ತಾನೆ. ಹೆಚ್ಚಿನ ಸ್ವಾಭಿಮಾನ ಮತ್ತು ಅತಿಯಾದ ಅಹಂಕಾರದ ನಡುವಿನ ಪ್ರಮುಖ ವ್ಯತ್ಯಾಸವನ್ನು ಗಮನಿಸುವುದು ಮುಖ್ಯವಾಗಿದೆ. ಮಹಿಳೆಯರು ಆತ್ಮವಿಶ್ವಾಸವನ್ನು ಹೊಂದಿರುವ ಪುರುಷನನ್ನು ಬಯಸುತ್ತಾರೆ, ಆದರೆ ಅತಿಯಾಗಿ ವರ್ತಿಸುವ, ಎಲ್ಲರ ಕೇಂದ್ರಿಬಿಂದುವಾಗಲು ಬಯಸುವ ಹಾಗೂ ತನಗಿಂತ ಬೇರಾರೂ ಮೇಲಿಲ್ಲ ಎಂದು ಭಾವಿಸುವ ಪುರುಷನನ್ನು ಬಯಸುವುದಿಲ್ಲ.

ವಿಶ್ವಾಸಾರ್ಹತೆ:

ಒಬ್ಬ ಪುರುಷನು ಪ್ರಾಮಾಣಿಕ ಮತ್ತು ವಿಶ್ವಾಸಾರ್ಹನಾಗಿದ್ದಾಗ, ತಕ್ಷಣವೇ ಮಹಿಳೆಗೆ ಹೆಚ್ಚು ಆಕರ್ಷಕವಾಗಿ ಮತ್ತು ಅಪೇಕ್ಷಣೀಯನಾಗುತ್ತಾನೆ. ಅವನು ವಿಶ್ವಾಸಾರ್ಹ, ಸತ್ಯವಂತ ಮತ್ತು ಹೃದಯದಿಂದ ಮಾತನಾಡಿದರೆ, ಆತ ಸಂಗಾತಿಯಾಗಲು ಯೋಗ್ಯನಾಗಿರುವ ವ್ಯಕ್ತಿ, ಏಕೆಂದರೆ ಜನರು ಅವನ ಮಾತನ್ನು ಸ್ವೀಕರಿಸುತ್ತಾರೆ. ನಂಬಿಕೆ ಮತ್ತು ವಿಶ್ವಾಸಾರ್ಹತೆಯು ಸಂಬಂಧಗಳನ್ನು ಗಾಢವಾಗಿಸಲು ಅನುವು ಮಾಡಿಕೊಡುತ್ತದೆ.

ಸಮಗ್ರತೆ:

ಸಮಗ್ರತೆಯನ್ನು ಹೊಂದಿರುವುದು ಎಂದರೆ ಸದ್ಗುಣದಿಂದ ವರ್ತಿಸುವುದು ಮತ್ತು ನೈತಿಕ ಗುಣವನ್ನು ಹೊಂದಿರುವುದು. ಮಹಿಳೆಯರು ಗೌರವಾನ್ವಿತ, ನ್ಯಾಯೋಚಿತ ಮತ್ತು ನೈತಿಕ ಪುರುಷನನ್ನು ಬಯಸುತ್ತಾರೆ. ಸಂಬಂಧಗಳ ವಿಷಯದಲ್ಲಿ, ಸಮಗ್ರತೆಯನ್ನು ಹೊಂದಿರುವುದರಿಂದ ಬಂಧವನ್ನು ಬಲಪಡಿಸಲು ಸಹಾಯ ಆಗುತ್ತದೆ. ಏಕೆಂದರೆ ಅವನ ನೈತಿಕ ತತ್ವಗಳು ಆತ ಅತ್ಯುತ್ತಮ ಪಾಲುದಾರನಾಗಲು ಸಹಾಯ ಮಾಡುತ್ತದೆ.

ಸಹಾನುಭೂತಿ:

ಸಹಾನುಭೂತಿಯುಳ್ಳ ಪುರುಷನು ಮಹಿಳೆಯರನ್ನು ಆಕರ್ಷಿಸುವ ವಿಷಯದಲ್ಲಿ ಒಂದು ಹೆಜ್ಜೆ ಮುಂದಿರುತ್ತಾನೆ. ಮಹಿಳೆಯರು ತಾವು ಯಾವುದೇ ವಿಚಾರವನ್ನು ಹಂಚಿಕೊಳ್ಳಬಹುದಾದ ಪುರುಷನನ್ನು ಬಯಸುತ್ತಾರೆ. ಅದು ಕಚೇರಿಯಲ್ಲಿ ಕೆಟ್ಟ ದಿನದ ಬಗ್ಗೆಯಾಗಲು ಅಥವಾ ಆಕೆಯ ಕನಸು ಮತ್ತು ಭಯಗಳಿಗೆ ಸಂಬಂಧಿಸಿದ ವಿಚಾರವಿರಲಿ ಯಾವುದೇ ಮುಜುಗರವಿಲ್ಲದೇ ಹೇಳಿಕೊಳ್ಳಹುದಾದಂತಹ ವ್ಯಕ್ತಿಯನ್ನು ಹುಡುಕುತ್ತಾರೆ. ಸಹಾನುಭೂತಿ ಹೊಂದುವುವುದರಿಂದ ಇನ್ನೊಬ್ಬ ವ್ಯಕ್ತಿಯ ದೃಷ್ಟಿಕೋನವನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತದೆ. ಇತರರ ಬಗ್ಗೆ ಕಾಳಜಿಯನ್ನು ಹೊಂದಿರುವ ಪುರುಷನ ಬಗ್ಗೆ ಮಹಿಳೆಯರು ಹೆಚ್ಚು ಆಸಕ್ತಿ ವಹಿಸುತ್ತಾರೆ.

ಭಾವನಾತ್ಮಕ ಲಭ್ಯತೆ:

ಭಾವನಾತ್ಮಕವಾಗಿ ಪ್ರಾಮಾಣಿಕ ಮತ್ತು ನೇರವಾಗಿರುವ ಪುರುಷನನ್ನು ಮಹಿಳೆಯರು ಇಷ್ಟಪಡುತ್ತಾರೆ. ಭಾವನೆಗಳನ್ನು ಸಂಪೂರ್ಣವಾಗಿ ಮತ್ತು ಬಹಿರಂಗವಾಗಿ ವ್ಯಕ್ತಪಡಿಸುವುದು ಮೊದಲಿಗೆ ವಿಚಿತ್ರವಾಗಿ ತೋರುತ್ತದೆಯಾದರೂ, ಶಾಶ್ವತವಾದ ಸಂಬಂಧವನ್ನು ನಿರ್ಮಿಸಲು ಇದು ಬಹುಮುಖ್ಯ. ಮಹಿಳೆಯರು ತಮ್ಮ ನಿಜವಾದ ಭಾವನೆಗಳನ್ನು ತೋರಿಸಲು ಮತ್ತು ಬಹಿರಂಗವಾಗಿ ಚರ್ಚಿಸಲು ಹೆದರದ ಪುರುಷನನ್ನು ಇಷ್ಟಪಡುತ್ತಾರೆ.

ಗೌರವ:

ಆರೋಗ್ಯಕರ, ಸಂತೋಷ ಮತ್ತು ಯಶಸ್ವಿ ಸಂಬಂಧವನ್ನು ಹೊಂದಲು, ಇಬ್ಬರೂ ಪಾಲುದಾರರು ಪರಸ್ಪರ ಗೌರವದಿಂದ ವರ್ತಿಸಬೇಕು. ಮಹಿಳೆಯು ಪುರುಷನಿಂದ ಕಡೆಗಣಿಸಲ್ಪಟ್ಟರೆ, ಅವಳು ಅವನನ್ನು ಕೈಬಿಡಬಹುದು. ಮಹಿಳೆ ತನ್ನ ಬಗ್ಗೆ ಕಾಳಜಿಯನ್ನು ತೋರಿಸುವ ಮತ್ತು ಆಕೆಗೆ ಅರ್ಹವಾದ ಗೌರವವನ್ನು ನೀಡುವ ಪುರುಷನಿಗೆ ಹೆಚ್ಚು ಆಕರ್ಷಿತಳಾಗುತ್ತಾಳೆ. ತನಗೆ ಮಾತ್ರವಲ್ಲ, ಇತರರಿಗೂ, ವಿಶೇಷವಾಗಿ ಅವಳ ಸ್ನೇಹಿತರು ಮತ್ತು ಕುಟುಂಬಕ್ಕೆ ಗೌರವವನ್ನು ತೋರಿಸುವ ಬಗ್ಗೆ ಗಮನ ಹರಿಸುತ್ತಾರೆ.

ಸೆನ್ಸ್ ಆಫ್ ಹ್ಯೂಮರ್:

ಮಹಿಳೆಯ ಗಮನವನ್ನು ಸೆಳೆಯಲು ನೀವು ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ಅಥವಾ ಹಾಸ್ಯ ಬರಹಗಾರರಾಗಿರಬೇಕಾಗಿಲ್ಲ, ಆದರೆ ತಮಾಷೆ ಮಾಡುವ ಮತ್ತು ಹಾಸ್ಯ ಪ್ರಜ್ಞೆಯನ್ನು ಹೊಂದಿದ್ದರೆ ಉತ್ತಮ. ಏಕೆಂದರೆ ಜಗತ್ತಿನ ತುಂಬಾ ಸಂತೋಷ ಮತ್ತು ಸಕಾರಾತ್ಮಕ ಶಕ್ತಿಯನ್ನು ಹೊರಸೂಸುವ ಪುರುಷನು ತನ್ನ ಸುತ್ತಲೂ ಇರಬೇಕೆಂದು ಮಹಿಳೆ ಬಯಸುವುದು ಸಾಮಾನ್ಯ.

ಪ್ರಬುದ್ಧತೆ:

ಮಾನಸಿಕವಾಗಿ ಪ್ರಬುದ್ಧರಾಗಿರುವುದು ತುಂಬಾ ಮುಖ್ಯ. ಸಮಯ ಬಂದಾಗ ವಯಸ್ಕರಂತೆ ವರ್ತಿಸುವ ಅವಶ್ಯಕತೆಯಿರುತ್ತದೆ. ತರ್ಕಬದ್ಧವಾಗಿ ಯೋಚಿಸುವ ಮೂಲಕ, ಅತಿಯಾಗಿ ಪ್ರತಿಕ್ರಿಯಿಸದೆ ಮತ್ತು ಎಚ್ಚರಿಕೆಯಿಂದ ಚರ್ಚಿಸಿ, ಸಮಸ್ಯೆಗಳನ್ನು ಒಟ್ಟಿಗೆ ಪರಿಹರಿಸುವ ಮೂಲಕ ಇದನ್ನು ತೋರಿಸಬಹುದು.