Just In
- 21 min ago ಮೀನ ರಾಶಿಯಲ್ಲಿ ರಾಹು-ಮಂಗಳ ಯುತಿಯಿಂದ ಅಂಗಾರಕ ಯೋಗ: 12 ರಾಶಿಗಳ ಮೇಲಿರಲಿದೆ ಈ ನಕರಾತ್ಮಕ ಪರಿಣಾ
- 54 min ago ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- 1 hr ago ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- 2 hrs ago ಏಪ್ರಿಲ್ 24 ದಿನ ಭವಿಷ್ಯ: ಬುಧವಾರದ ಈ ದಿನ ನಿಮ್ಮ ರಾಶಿಫಲ ಹೇಗಿದೆ?
Don't Miss
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಕೆ ಕಠೋರ ಆಗಿರಬಹುದು, ಆದರೆ ಮನಸ್ಸು ತುಂಬಾ ಮೃದು!
ಕೆಲವು ವ್ಯಕ್ತಿಗಳು ಬಾಹ್ಯ ನೋಟಕ್ಕೆ ಅತಿ ಕಠಿಣರೂ, ಒರಟಾಗಿ ನಡೆದುಕೊಳ್ಳುವವರೂ, ಹಠಮಾರಿಗಳೂ ಅಥವಾ ತಾವು ಹೇಳಿದ್ದೇ ಸರಿ ಎಂದು ವಾದಿಸುವ ಮೇಲರಿಮೆ ಅಥವಾ ಅಹಂಭಾವವುಳ್ಳವರೂ ಎಂದು ಕಂಡುಬರುತ್ತಾರೆ. ಆದರೆ ಇವರ ಅಂತರಾಳವನ್ನು ಕಂಡಬಳಿಕ ಇವರೊಂದು ಅಪ್ಪಟ ತೆಂಗಿನಕಾಯಿಯಂತೆ ಅಂದರೆ ಗಟ್ಟಿಯಾದ ಕವಚದೊಳಗೆ ಮೃದುವಾದ ಹೃದಯವುಳ್ಳವರಾಗಿರುತ್ತಾರೆ.
ಈ ವ್ಯಕ್ತಿಗಳು ಸಾಮಾನ್ಯ ಹೆಚ್ಚಿನವರ ಗ್ರಹಿಕೆಗೆ ಒರಟರಾಗಿಯೇ ಕಂಡುಬರುತ್ತಾರೆ. ಒಂದು ವೇಳೆ ನಿಮ್ಮ ಸುತ್ತಮುತ್ತಲ ಹಾಗೂ ಪರಿಚಯದ ವ್ಯಕ್ತಿಗಳಲ್ಲಿ ಇಂಥ ವ್ಯಕ್ತಿಗಳಿದ್ದರೆ ಈ ಲೇಖನ ಓದಿ ಅವರ ಬಗ್ಗೆ ಇರುವ ತಪ್ಪು ಕಲ್ಪನೆಗಳನ್ನು ನಿವಾರಿಸಿಕೊಳ್ಳಲು ಸುಸಂದರ್ಭ ಒದಗಿದೆ. ಒಂದು ವೇಳೆ ನೀವು ಇಷ್ಟಪಡುತ್ತಿರುವ ಮಹಿಳೆ ಹೊರಗಿನಿಂದ ಕಠಿಣಳಾಗಿ ಕಂಡುಬಂದರೂ ಒಳಗಿನಿಂದ ಅತ್ಯಂತ ಮೃದುಹೃದಯಿಯಾಗಿರಬಹುದು, ಹೇಗೆ? ಮುಂದೆ ಓದಿ...
ಆಕೆ ಹೊರಗಿನಿಂದ ಸರಳವಾಗಿ ನಕ್ಕರೂ ಒಳಗಿನಿಂದ ಪುಳಕಿತಗೊಳ್ಳುತ್ತಿರಬಹುದು
ಈ ಮಹಿಳೆಯ ಬಗ್ಗೆ ಮೆಚ್ಚುಗೆಯ ಮಾತನಾಡಿದ ಬಳಿಕ ಇದಕ್ಕೆ ಆಕೆ ನಕ್ಕು ತನ್ನ ಸಮ್ಮತಿಯನ್ನು ನಗುವಿನ ಮೂಲಕ ನೀಡಬಹುದು ಎಂದು ನೀವು ನಿರೀಕ್ಷಿಸಿದ್ದರೆ ನಿಮ್ಮ ಊಹೆಗೆ ವ್ಯತಿರಿಕ್ತವಾಗಿ ಈ ಮೆಚ್ಚುಗೆಯ ಮಾತುಗಳು ತನಗೆ ಅನ್ವಯಿಸಿಯೇ ಇಲ್ಲವೆಂಬಂತೆ ಆಕೆ ಪ್ರತಿಕ್ರಿಯಿಸಬಹುದು. ಸಹಜವಾಗಿ ನೀವು ಈ ಪ್ರತಿಕ್ರಿಯೆಯನ್ನು ನಿಮ್ಮ ಮೆಚ್ಚುಗೆಯನ್ನು ಆಕೆ ಇಷ್ಟಪಡಲಿಲ್ಲ ಎಂದೇ ಊಹಿಸುತ್ತೀರಿ. ಆದರೆ ವಾಸ್ತವವಾಗಿ ಆಕೆ ನಿಮ್ಮ ಮೆಚ್ಚುಗೆಯ ಮಾತುಗಳನ್ನು ಖಂಡಿತಾ ಮೆಚ್ಚಿಕೊಂಡಿದ್ದು ಮನೆ ತಲುಪಿದ ಬಳಿಕ ಈ ಮಾತುಗಳನ್ನೇ ನೆನೆಸಿಕೊಂಡು ಪುಳಕಿತಳಾಗುತ್ತಾಳೆ. ಈ ವ್ಯಕ್ತಿಗಳು ಕಠಿಣ ವ್ಯಕ್ತಿತ್ವದವರು ಎಂದು ನೀವು ಭಾವಿಸಬಹುದು. ಆದರೆ ಈ ವ್ಯಕ್ತಿಗಳು ತಮ್ಮ ಭಾವನೆಯನ್ನು ಅಷ್ಟು ಸುಲಭವಾಗಿ ವ್ಯಕ್ತಪಡಿಸಲು ಇಷ್ಟಪಡುವುದಿಲ್ಲ.
ಆಕೆಯ ಮಾತುಗಳು ಭಾವನಾರಹಿತವಾಗಿದ್ದರೂ ಆಕೆಯ ಚರ್ಯೆ ಭಾವನಾತ್ಮಕವಾಗಿರುತ್ತದೆ
ಒಳಗಿನಿಂದ ಮೃದು, ಹೊರಗಿನಿಂದ ಕಠಿಣರಾಗಿರುವ ಈ ವ್ಯಕ್ತಿಗಳ ಲಕ್ಷಣ ಈ ಪರಿಯದ್ದಾಗಿರುತ್ತದೆ. ಆದ್ದರಿಂದ ಈ ವ್ಯಕ್ತಿಗಳ ಮಾತುಗಳನ್ನು ತಲೆಗೆ ಹಚ್ಚಿಕೊಳ್ಳದೇ ಇವರ ಕಾರ್ಯ ಮತ್ತು ಚರ್ಯೆಗಳನ್ನು ಮಾತ್ರವೇ ಪರಿಗಣಿಸಿದರೆ ಇವರೆಂತಹ ವ್ಯಕ್ತಿಗಳು ಎಂಬ ಅರಿವಾಗುತ್ತದೆ.
ಆಕೆಗೆ ನಿಮ್ಮ ಮೇಲೆ ಭರವಸೆ ಮೂಡಲು ಸಮಯಾವಕಾಶ ಬೇಕಾಗಿದೆ
ಆಕೆಯ ಕಠಿಣ ಸ್ವಭಾವ ಆಕೆಯ ಮೃದುಹೃದಯದ ಮೇಲಿರುವ ಒಂದು ಕವಚ ಅಷ್ಟೇ. ಈಕೆ ತನ್ನ ಹೃದಯ ಒಡೆಯುವ ಸಂಭವದ ಬಗ್ಗೆ ಅತಿ ಹೆಚ್ಚಿನ ಕಾಳಜಿ ವಹಿಸುತ್ತಿದ್ದು ಸುಲಭವಾಗಿ ನಿಮ್ಮನ್ನು ಒಪಿಕೊಳ್ಳಲಾರಳು. ನೀವು ನಂಬಿಕೆಗೆ ಅರ್ಹರು ಎಂದು ಖಾತರಿಪಡಿಸಿಕೊಳ್ಳಲು ಆಕೆಗೆ ಸಾಕಷ್ಟು ಸಮಯಾವಕಾಶದ ಅಗತ್ಯವಿದೆ.
ಈಕೆ ತನ್ನ ಸುತ್ತ ಒಂದು ಕೋಟೆ ಕಟ್ಟಿಕೊಂಡಿರಬಹುದು
ನಿಮ್ಮನ್ನು ದೂರವಿಡಲು ಆಕೆ ತನ್ನ ಸುತ್ತ ಒಂದು ಕೋಟೆ ಕಟ್ಟಿಕೊಂಡಿರುವಂತೆ ಅನ್ನಿಸುತ್ತದೆ. ಆದರೆ ಇದರ ಅರ್ಥ ಆಕೆ ಭಾವನಾರಹಿತಳು ಅಥವಾ ಭಿನ್ನವ್ಯಕ್ತಿತ್ವದವಳು ಎಂದರ್ಥವಲ್ಲ. ಆಕೆ ಹಿಂದಿನ ವಿಫಲ ಪ್ರೇಮದಿಂದ ಹೊರಬರಲು ಯತ್ನಿಸುತ್ತಿದ್ದು ಇದಕ್ಕಾಗಿ ತನ್ನದೇ ಆದ ಸಮಯವನ್ನು ಬಳಸುತ್ತಿದ್ದಿರಬಹುದು.
ಒಮ್ಮೆ ಆಕೆ ಪ್ರೇಮಜಾಲದಲ್ಲಿ ಬಿದ್ದರೆ, ನಂತರ ಆಕೆ 100% ನಿಮ್ಮವಳು
ಯಾವಾಗ ನೀವು ಆಕೆಯ ಪ್ರೀತಿ ಪಡೆಯಲು ಅರ್ಹರು ಎಂದು ಆಕೆಗೆ ಮನವರಿಕೆಯಾಯಿತೋ, ಆಗ ಆಕೆ ತನ್ನ ಸುತ್ತ ಕಟ್ಟಿಕೊಂಡಿದ್ದ ಕೋಟೆಯನ್ನು ಒಡೆದು ತಾನೇ ತಾನಾಗಿ ನಿಮ್ಮ ಬಳಿ ಬರುವಳು ಹಾಗೂ 100% ವಿಶ್ವಾಸ ಹಾಗೂ ಬದ್ಧತೆಯನ್ನು ಪ್ರಕಟಿಸುತ್ತಾಳೆ
ಆಕೆ ಜಗಳ ಮಾಡಬೇಕಾಗಿ ಬಂದರೂ ಇದು ವಿವೇಕಯುತವಾಗಿರುತ್ತದೆ
ಜಗಳ ಮಾಡಬೇಕಾಗಿ ಬಂದ ಯಾವುದೇ ಸಂದರ್ಭವನ್ನು ಆಕೆ ಪೂರ್ಣವಾಗಿ ಬಳಸಿಕೊಳ್ಳುತ್ತಾಳೆ ಹಾಗೂ ತನ್ನ ಪೂರ್ಣ ಸಾಮರ್ಥ್ಯವನ್ನು ಬಳಸಿಕೊಳ್ಳುತ್ತಾಳೆ. ಈ ವ್ಯಕ್ತಿಗಳು ಹೊರಗಿನಿಂದ ಕಠಿಣರೆಂದು ಕಂಡುಬರಲು ಇದೂ ಒಂದು ಕಾರಣವಾಗಿದೆ. ಈ ಜಗಳದ ಮೂಲ ಕೆದಕಿದರೆ ಆಕೆಯ ಜಗಳಕ್ಕೆ ವಿವೇಕಯುತ ಕಾರಣವಿರುತ್ತದೆ ಎಂದು ಗೊತ್ತಾಗುತ್ತದೆ. ಈ ವ್ಯಕ್ತಿಗಳು ತಾವು ಸರಿ ಎಂದಿದ್ದಾಗ ಮಾತ್ರವೇ ಜಗಳಕ್ಕಿಳಿದು ವಾದಿಸುತ್ತಾರೆಯೇ ವಿನಃ ಚಿಕ್ಕ ಪುಟ್ಟ ಕೋಳಿ ಜಗಳಗಳಿಗಲ್ಲ.
ಆಕೆ ನಿಮ್ಮ ಬಗ್ಗೆ ನಿಜವಾಗಿಯೂ ಕಾಳಜಿ ವಹಿಸುತ್ತಾಳೆ
ಎಷ್ಟೋ ಬಾರಿ ಆಕೆಯ ಕಟುಮಾತುಗಳು ನಿಮ್ಮನ್ನು ಅಧೀರರಾಗಿಸಬಹುದು. ಆದರೆ ಈ ಮಾತುಗಳ ಹಿಂದೆ ಅಪಾರವಾದ ಪ್ರೇಮ ಹಾಗೂ ನಿಮ್ಮ ಬಗ್ಗೆ ಅತೀವವಾದ ಕಾಳಜಿ ಇರುತ್ತದೆ. ಒಂದು ವೇಳೆ ಆಕೆ ಹೇಳಿದ ಯಾವುದೋ ಮಾತುಗಳು ನಿಮಗೆ ಇಷ್ಟವಾಗಲಿಲ್ಲ ಎಂದರೆ ಮಾತು ಮುಂದುವರೆಸುವ ಬದಲು ಕೊಂಚ ಹೊತ್ತು ಸುಮ್ಮನಿದ್ದು ಈ ಜಗಳ ಮುಂದುವರೆಸದೇ ಹಾಗೇ ಇದ್ದು ಬಿಡಿ. ಕೆಲವೇ ಕ್ಷಣಗಳಲ್ಲಿ ಆಕೆಯ ಕೋಪ ಇಳಿದು ತಾನು ಕಟುಮಾತುಗಳನ್ನು ಹೇಳಿದ್ದಕ್ಕೆ ಕಾರಣವೇನೆಂದು ವಿವರಿಸಬಹುದು. ತಣ್ಣನೆಯ ಮನಸ್ಸಿನಲ್ಲಿ ಯೋಚಿಸಿದರೆ ಈ ವಿವರಣೆ ಸರಿಯಾಗಿದ್ದುದೇ ಎಂದು ನಿಮಗೆ ಅರಿವಾಗುತ್ತದೆ.